Šlumpf

Šlumpf (z němskeho Schlumpf, we belgiskim originalu: Les Schtroumpfs) je comicsowa figura, wumyslena wot Peyo (pseudonym wot Pierre Culliforda).

Štó woni su

Šlumpf je małki, módry, njese běłe cholowy z dźěru za swoju małku wopušku a běłu frygisku čapku. Najbóle kedźbyhódna kajkosć šlumpfow je jich rěč . Narunuja wjele słowow přez słowo šlumpf, je to tak mjenowana šlumpfowa rěč.

Jeli ludźo w tutej rěči rěča, so to šlumpfować mjenuje.

Woni hromadźe bydla, přibližnje sto, we wsy, kotraž z wulkich dudławych hribow wobsteji. Jich włodyka je Wulki šlumpf, kotryž je spóznajomny po čerwjenej čapce. Je tež wón, kotremuž so dźakowano mudrosći a kuzłanju přeco zaso radźi, nic tak mudrych druhich šlumpfow wuchować.

Wšitcy šlumpfojo nimo jednoho su muscy. Jenički žónski šlumpf rěka Šlumpfka.

Njepřećel šlumpfow je činkar Gargamel — wón bydli w samsnym lěsu kaž woni, ze swojej kóčku Azrael. Gargamel je něhdy Šlumpfku stworił.

Najwažniši šlumpfojo

1. Wulki šlumpf (najstarši ze šlumpfow. Wón je načolnik wsy.)
2. Šlumpfka (prěnjotnje stworjena wot Gargamela)
3. Brylaty šlumpf (moralist wsy. Jeho najlubša sada je "Kak praji přeco Wulki šlumpf, ...")
4. Sylny šlumpf (najsylniši ze wšěch)
5. Wobužny šlumpf (praji přeco "njelubuju mje... »)
6. Paslenski šlumpf (wutworja dźiwnuške nastroje)
7. Chłóšćiwy šlumpf (jě přeco)
8. Lěni Šlumpf (přeco spi)
9. Koketny šlumpf (chce přeco najrjeńši być)
10. Muzikantiski šlumpf (hudźi jara zlě)
11. Worakowy šlumpf (dari přeco eksploziwne dary)
12. Molerski šlumpf (wuměłc wsy)

Wobrazy

• 
  Hribowy dom šlumpfow

Eksterne wotkazy

• Oficielne websydło šlumpfow (jendź.)