Yuncos

Yuncos

Localización
40°05′12″N 3°52′20″O
Estado	España
Comunidade autónoma	Castela-A Mancha
Provincia	provincia de Toledo
Capital	Yuncos
Poboación
Poboación	11.762 (2023) (784,13 hab./km²)
Xeografía
Parte de	Q107553714
Superficie	15 km²
Altitude	551 m
Comparte fronteira con	Cedillo del Condado (pt) Numancia de la Sagra Illescas Yuncler
Santo padrón	Brais de Sebaste
Organización política
• Alcaldesa	María José Gallego Ruiz (en) (2015–)
Identificador descritivo
Código postal	45210
Fuso horario	UTC+01:00
Código INE	45205
Sitio web	yuncos.es

Yuncos é unha poboación española da provincia de Toledo en Castela-A Mancha.

Toponimia

O termo "Yuncos" deriva do latín ivucos, xunco. Segundo informacións de 1788 chamouse anteriormente "Las Ventas de Unco", por ser unha zona onde se daban moitos xuncos.

Xeografía

O municipio áchase na comarca de La Sagra e linda coas poboacións de Illescas polo norte, Numancia de la Sagra polo leste, Yuncler polo sur, e Cedillo del Condado polo oeste, todas de Toledo. É un dos 122 municipios toledanos que forman parte da Denominación de Orixe queixo manchego, como tamén da de cordeiro manchego.

Historia

A fundación de Yuncos é posterior á da de "Palomeque" ou "Palomequejo", un territorio adxacente a Yuncos onde se asentou o primeiro núcleo de poboación que acabou desaparecendo. Aparece citada por primeira vez a alquería de Yuncos nun documento mozárabe de venda de 1181, onde residía un home chamado Martín Raimundo, que tiña unha viña en Cobisa.

Polo ano 1488, os Reis Católicos venderon unhas terras de Yuncos e Palomequejo a Pedro de Castela e á súa dona Isabel Laso. En Yuncos por privilexio real non pagaban alcabala á Coroa. En 1634, Yuncos separouse de Toledo.

En 1789 o académico José Carnide, cita nunha das súas obras a Yuncos, referíndose así: "Se duerme en el lugar de Yuncos cuyo mesón parece que sólo se hizo para Bestias y Caleseros mas carece de toda provisión y sus camas son infelices, por esto aconsejo al que quiera hacer este viaje que procure no dormir en el camino".

Demografía

Evolución da poboación de Yuncos desde 1900.

Monumentos

Destacan a Casa de Ciriaco e a igrexa parroquial de San Xoán Bautista, as Casas da Fidalguía do século XVIII e unha necrópole da Idade de Bronce. A igrexa de San Xoán é do século XVI. De estilo renacentista, alberga un retablo tras o altar maior que representa a degolación do santo.

Festas

• 3 de febreiro: San Brais: 3 días de festa.
• Semana do 8 ao 14 de setembro: Virxe do Consolo (unha semana de festas). Nas festas de Yuncos existen touros (encerros e corridas), como tamén músicas e outras actividades lúdicas, como é a súa tradicional charanga.

Véxase tamén

Ligazóns externas

• Deputación de Toledo. Datos sobre a poboación. (en castelán)