Walter Ulbricht

Walter Ulbricht
	;
Biografía
Nacemento	(de) Walter Ernst Paul Ulbricht ; 30 de xuño de 1893 ; Leipzig, Alemaña
Morte	1 de agosto de 1973 (80 anos); Groß Dölln (República Democrática Alemá)
Causa da morte	ictus
Lugar de sepultura	The Socialists' Memorial (en)
Chairman of the State Council (en)
	12 de setembro de 1960 – 1 de agosto de 1973 ; ← Wilhelm Pieck – Willi Stoph →
Presidente National Defense Council (en)
	11 de febreiro de 1960 – 1971 – Erich Honecker →
Member of the Volkskammer (en)
Parlamentario da República de Weimar
Member of the Landtag of Saxony (en)
Datos persoais
Relixión	Ateísmo
Educación	Escola Lenin (pt)
Actividade
Lugar de traballo	Berlín ; Dresden
Ocupación	político, membro da resistencia
Partido político	Partido Socialista Unificado de Alemaña (1946–1973); Comitê Nacional por uma Alemanha Livre (pt) (1943–1945); Partido Comunista de Alemaña (1920–1946); Partido Independente Socialdemócrata de Alemaña (1917–1920); Partido Socialdemócrata de Alemaña (1912–1917)
Carreira militar
Conflito	Primeira guerra mundial
Familia
Cónxuxe	Lotte Ulbricht
Fillos	Beate Ulbricht
Parentes	Florian Heyden, descendencia
Premios
	(1968) Orde da Revolución de Outubro; (1963) Heroe da Unión Soviética; (1963) Hero of Labour (en) ; (1958) Hero of Labour (en) ; (1953) Hero of Labour (en) ; Orde da Guerra Patria de 1ª Clase; Order of the Patriotic War 2nd class (en) ; Fritz Heckert Medal (en) ; Orde do Nilo; Orde da Amizade dos Pobos; Orde de Lenin; Bandeira Vermella do Traballo; Orden de karl Marx ;
Descrito pola fonte	Grande Enciclopedia Soviética 1969-1978, (vol:26 : Тихоходки — Ульяново, sec:Ульбрихт Вальтер, p.607); Enciclopedia soviética armenia; Obálky knih,

Walter Ernst Paul Ulbricht, nado en Leipzig o 30 de xuño de 1893 e finado en Groß Dölln o 1 de agosto de 1973 foi o político máis importante da República Democrática Alemá dende 1949 ata a súa dimisión no 1971. Baixo o seu mandato a RDA comezou a desenvolverse como un estado socialista.

Sendo mozo participou activamente no movemento obreiro de Alemaña, converténdose no proceso nun revolucionario profesional. Na fase final da República de Weimar dirixiu a sección do Partido Comunista de Alemaña (KPD) de Berlín. Membro do círculo de poder, ó que tamén pertencía Ernst Thälmann, participou na loita contra a socialdemocracia e a orde republicana no marco dun partido de corte stalinista.

En 1945 volveu a Berlín do exilio na Unión Soviética convertido xa en líder do 'Grupo Ulbricht'. Na zona de ocupación soviética colaborou estreitamente coa potencia ocupante. A súa labor como principal funcionario do KPD e do Partido Socialista Unificado de Alemaña (SED) marcou fortemente a posterior construción do aparato estatal da RDA.

De 1950 a 1971 permaneceu na cume do Comité central do SED, tendo así sempre a última palabra nas decisións políticas. Grazas a este cargo e a confianza da Unión Soviética, Ulbricht favoreceu dende 1952 a 'construción do socialismo' na RDA e en 1961 a construción do Muro de Berlín.

Así tamén, do 1949 a 1960 foi vicepresidente da RDA, e do 1960 ata a súa morte Presidente do Consello de Estado da RDA.