Vincenzo Peruggia
  | |
| Biografía | |
|---|---|
| Nacemento | 8 de outubro de 1881 Dumenza, Italia (pt)  |
| Morte | 8 de outubro de 1925 (44 anos) Saint-Maur-des-Fossés, Francia |
| Causa da morte | infarto agudo de miocardio saturnismo (pt) |
| Actividade | |
| Ocupación | art thief (en) , pintor, glazier (en) |
| Carreira militar | |
| Conflito | Primeira guerra mundial |
| Outro | |
| Condenado por | furto → (7 Freiheitsstrafe (en) ) |
| Cronoloxía | |
| 21 de agosto de 1911 | theft of Mona Lisa (en)
|
Vincenzo Peruggia, nado en Dumenza o 11 de outubro de 1881, finado en Annemasse o 8 de outubro de 1925, foi un ladrón de arte que roubou a Mona Lisa, feito coñecido como o "Roubo do Século" pola prensa da época.
O Roubo
[editar | editar a fonte]En 1911 Vincenzo Perugia perpetrou o que foi considerado o roubo máis grande de arte do século XX. O antigo empregado do Museo do Louvre entrou no museo o 21 de agosto de 1911 e notando que o salón no cal se encontraba exhibida a Mona Lisa non tiña vixilantes nin visitantes, descolgou a pintura da parede, quitoulle o marco e simplemente saíu do museo camiñando coa pintura baixo o brazo.
Vincenzo escondeu a pintura no seu apartamento en Florencia, en Italia. Supostamente, ao chegar a policía ao lugar para facer as investigacións correspondentes, asináronse documentos encima do lenzo, xa que este estaba escondido baixo o mantel da mesa da cociña.
Despois de ocultar a pintura no seu apartamento durante dous anos, Peruggia impacientouse e finalmente foi atrapado ao tratar de vendela en Florencia a un traficante de arte.
Tras ser recuperada, a pintura foi exhibida por toda Italia e finalmente devolvida ao Museo do Louvre en 1913.
Motivos
[editar | editar a fonte]Os herdeiros de Vincenzo alegan que o roubo se fixo por razóns patrióticas: Vincenzo quería traer a pintura de regreso a Italia despois de ser roubada por Napoleón. Aínda que realmente quizais pensara iso, o certo é que Leonardo da Vinci levoulle esta pintura como regalo ao rei Francisco I cando este o chamou para que fose pintor da súa corte.
Levado a xuízo, a corte aceptou que Peruggia cometera o delito por razóns patrióticas e enviouno ao cárcere un ano e quince días.
O roubo puido ser planeado por Eduardo Valfierno, un cómplice que se xuntara co falsificador francés de arte Yves Chaudron, para facer copias da pintura e vendelas como orixinais.
Véxase tamén
[editar | editar a fonte]Bibliografía
[editar | editar a fonte]- Roy McMullen (1975). Mona Lisa: The Picture and the Myth. Houghton Mifflin. ISBN 0-395-20734-7.
- Martin Caparros (2004). Valfierno. Planeta. ISBN 950-49-1304-0.
Ligazóns externas
[editar | editar a fonte]- O roubo da Mona Lisa Arquivado 10 de outubro de 2009 en Wayback Machine. (en inglés)
