Trionyx triunguis

Trionyx triunguis
Estado de conservación
Vulnerable
Clasificación científica
Reino: Animalia Filo: Chordata Clase: Reptilia Orde: Testudines Familia: Trionychidae Xénero: Trionyx Especie: T. triunguis
Nome binomial
Trionyx triunguis (Forskål, 1775)
Sinonimia
Testudo triunguis Forskål, 1775 Trionyx egyptiacus Geoffroy Saint-Hilaire, 1809 Trionyx niloticus Gray, 1831 Trionyx labiatus Fitzinger, 1835 Trionyx mortoni Hallowell, 1844 Aspidonectes aspilus Cope, 1860 Fordia africana Gray, 1869 Trionyx triunguis rudolfianus Deraniyagala, 1948

O Trionyx triunguis é unha especie grande de tartaruga da familia Trionychidae, ou tartarugas de cuncha branda. É a única especie viva do xénero Trionyx.

Descrición

Na familia Trionychidae, a tartaruga de cuncha branda africana é unha das especies consideradas meirandes. Documéntanse exemplares desta especie que acadaron os 95 cm de lonxitude na cuncha. A cuncha dos adultos é de cor castaña, relativamente cha e de forma ovalada. Como as outras tartarugas da súa familia, esta tartaruga ten a cuncha cuberta por pel no canto de placas córneas. As femias adoitan chegar ós 50 a 80 cm na cuncha, cun peso máximo duns 40 kg. Os machos son máis cativos que as femias, cun peso por termo medio duns 25 kg. A cola dos machos é tamén máis longa e robusta que a das femias. Mantense na auga a maior parte do tempo.