The Sims FreePlay

The Sims FreePlay
Desenvolvedor(es)	EA Mobile
Distribuidora(s)	Electronic Arts
Lanzamento	15 de decembro de 2011
Xénero	jogo eletrônico de simulação de vida
Modos de xogo	videoxogo para un xogador
Plataforma(s)	Android, iOS e BlackBerry 10
Na rede
http://www.ea.com/thesimsfreeplay/ru_RU.html
[ editar datos en Wikidata ]

The Sims FreePlay (en galego, Os Sims Gratuíto) é un videoxogo de simulación social creado por EA Mobile e distribuído por Electronic Arts para dispositivos móbiles. É o segundo xogo deste tipo da serie, sendo o primeiro The Sims 3. Foi lanzado entre 2011 e 2013 para iOS, Android, Blackberry e Windows Phone.

Sistema de xogo

Pódense crear ata 34 Sims, personalizando datos xenéticos e o estilo. Unha vez feito isto vivirán en casas xa deseñadas, ou creadas dende cero, amoblándoas a gusto. Tamén os Sims deben traballar, relacionarse con outros e demais actividades, igual que en calquera outro xogo da franquía.

Gardar na nube

Para gardar o progreso dunha partida débese iniciar sesión con Facebook, Google Play (dispositivos Android) ou Game Center (iOS). Amais, a nube permite pasar os progresos no xogo a outros dispositivos.

Recepción

En xeral, o xogo recibiu críticas positivas por parte dos críticos especializados e superou as 100 millóns de descargas.

• Na App Store (tenda para dispositivos Apple), o xogo ten unha puntuación de 4.5/5 estrelas baseada en 79,9 mil comentarios.
• En Google Play (tenda para dispositivos Android) posúe 4.2/5 estrelas en base a 5 millóns de comentarios.
• O sitio web Metacritic deulle unha puntuación de 80 sobre 100 en crítica e 5.6 sobre 10 en opinións dos usuarios.
• Gamezebo aclarou que Os Sims Gratuíto é todo o que un podería querer nun xogo gratuíto dos Sims.
• Everyeye.it, en cambio, dixo que se ben o xogo tiña bos gráficos, opcións variadas de obxectos e boa música, non era gratuíto tal como o seu título indica. Ademais, fixo énfase no sistema de microtransaccións e o uso do tempo real como parámetro no xogo.