The Hunger Games: Catching Fire

The Hunger Games: Catching Fire
Ficha técnica
Título orixinal	Catching Fire
Director	Francis Lawrence
Produtor	Nina Jacobson Jon Kilik
Guión	Simon Beaufoy Michael deBruyn
Baseado en	Catching Fire de Suzanne Collins
Intérpretes	Jennifer Lawrence Josh Hutcherson Liam Hemsworth Woody Harrelson Elizabeth Banks Lenny Kravitz Philip Seymour Hoffman Jeffrey Wright Stanley Tucci Donald Sutherland
Música	James Newton Howard
Fotografía	Jo Willems
Montaxe	Alan Edward Bell
Estudio	Color Force
Distribuidora	Lionsgate
Estrea	Estrea de Londres: 11 de novembro de 2012 22 de novembro de 2013
Duración	146 minutos
Orixe	Estados Unidos
Xénero	Acción, Aventuras
Orzamento	$130–140 000 000
Recadación	$864 600 000
Filme anterior	Os xogos da fame
Filme seguinte	The Hunger Games: Mockingjay – Part 1
Na rede
http://www.catchingfiremovie.com/

The Hunger Games: Catching Fire é un filme estadounidense de acción e ciencia ficción baseado na novela de Suzanne Collins, Catching Fire, a segunda parte da triloxía The Hunger Games. O filme da tetraloxía The Hunger Games é a secuela de Os xogos da fame, producida por Nina Jacobson e Jon Kilik e distribuída por Lionsgate no 2013. Francis Lawrence dirixiu o filme, cun guión de Simon Beaufoy e Michael Arndt. Ademais do elenco protagonista do anterior filme, incorpóranse Philip Seymour Hoffman, Jeffrey Wright, Sam Claflin, Lynn Cohen, Jena Malone, Amanda Plummer, Alan Ritchson e Meta Golding.

O argumento de Catching Fire ten lugar uns poucos meses despois do remate do primeiro filme. Katniss Everdeen volveu ó seu fogar despois de gañar os 74º Xogos da Fame Anuais, xunto co seu compañeiro Peeta Mellark. Ó longo da historia, Katniss decátase de que está a xurdir unha rebelión nos distritos contra o opresivo Capitolio. A rodaxe comezou o 10 de setembro de 2012 en Atlanta, Xeorxia, antes de trasladarse a Hawai.

The Hunger Games: Catching Fire foi estreado o 15 de novembro de 2013 no Brasil, o 20 de novembro en Finlandia, Suecia e Noruega, o 21 de nomvebro no Reino Unido, e o 22 de novembro nos Estados Unidos. Conseguiu ser o décimo filme con maior recadación de tódolos tempos e o primeiro das carteleiras de 2013, sendo o primeiro filme en 2-D dende O cabaleiro escuro (2008) con máis recadación do seu ano, así como por ter unha protagonista feminina, cousa que non se producía dende O exorcista (1973). En todo o mundo, conseguiu $864 millóns.

Catching Fire recibiu boas críticas e está mellor considerado que o seu predecesor, e tamén foi destacada a interpretación de Lawrence como Katniss. Foi nomeado a numerosos premios, ós "Broadcast Film Critics Association" como Mellor filme de acción, e ós Premios Saturn como mellor filme de ciencia ficción. Pola súa interpretación, Lawrence foi nomeada por segunda vez ós Premios Empire como mellor actriz, así como ós Saturn e ós Broadcast Film Critics Association. A canción "Atlas" foi nomeada ós Premios Grammy e ós Globos de Ouro como Mellor canción orixinal.

A súa secuela, The Hunger Games: Mockingjay – Part 1, foi estreada o 21 de novembro de 2014 nos Estados Unidos.

Elenco

• Jennifer Lawrence como Katniss Everdeen
• Josh Hutcherson como Peeta Mellark
• Liam Hemsworth como Gale Hawthorne
• Woody Harrelson como Haymitch Abernathy
• Elizabeth Banks como Effie Trinket
• Lenny Kravitz como Cinna
• Philip Seymour Hoffman como Plutarch Heavensbee
• Jeffrey Wright como Beetee Latier
• Stanley Tucci como Caesar Flickerman
• Donald Sutherland como Presidente Snow
• Toby Jones como Claudius Templesmith
• Willow Shields como Primrose Everdeen
• Sam Claflin como Finnick Odair
• Lynn Cohen como Mags
• Jena Malone como Johanna Mason
• Amanda Plummer como Wiress

Véxase tamén

Ligazóns externas

• Páxina oficial (en inglés)
• The Hunger Games: Catching Fire na IMDb (en inglés).
• Ficha en Allmovie (en inglés)
• Ficha en BoxOfficeMojo (en inglés)