Selección de rugby de España

España Rugby
Alcume(s)	XV do León
Emblema	León
Unión	Federación Española de Rugby
Adestrador	Pablo Bouza
Capitán	Mario Pichardie
Mais caps	Francisco Puertas (93)
Máis ensaios	César Sempere (31)
Estadio	Central (8000)
Casa Fóra
Ranking World Rugby
Actual	15 (2022)
Máximo	15 (2022)
Mínimo	32 (2005)
Estrea internacional
España 9−0 Italia Barcelona, España; 20 de maio de 1929
Maior vitoria
España 90−8 República Checa Madrid, España; 2 de abril de 1995
Maior derrota
España 10−92 Australia Madrid, España; 1 de setembro de 2001
Copa do Mundo
Participacións	1 (1999)
Mellor resultado	Fase de grupos (1999)

A Selección de rugby de España é o equipo que representa á Federación Española de Rugby nos encontros oficiais organizados pola federación internacional World Rugby e pola federación europea Rugby Europe. O equipo recibe o alcume de XV do León, en referencia ó escudo da federación. Santiago Santos é o seleccionador español dende xullo do ano 2013.

A selección participa anualmente no Campionato de Rugby Europe que ten lugar nos meses de febreiro e marzo, e tamén nos tests internacionais de xullo e novembro. O Campionato de Rugby Europe é a máxima competición continental a nivel de seleccións á marxe do Torneo das Seis Nacións (Inglaterra, Escocia, Gales, Irlanda, Francia e Italia) que se disputa paralelamente nas mesmas datas. O Campionato de Rugby Europe serve ademais de clasificatorio para a Copa do Mundo de Rugby que ten lugar cada catro anos. A selección de rugby de España acadou a súa única clasificación para a Copa do Mundo do ano 1999, sendo eliminada na fase de grupos.

A selección de rugby de España forma parte do Tier 2 ou segundo nivel do rugby internacional. En 2022 o equipo ocupa o posto 15º na clasificación mundial de seleccións de rugby.

O XV do León xoga a maioría dos seus encontros como local no Central, un estadio con capacidade para unhas oito mil persoas, pertencente á Universidade Complutense de Madrid.

Historia

Artigo principal: Partidos da selección de rugby de España.

Inicios

A selección española xogou o seu primeiro encontro internacional o 26 de maio de 1927 en Madrid fronte a unha selección francesa, caendo por 6-66 no Estadio Metropolitano. Aquel foi un encontro de exhibición no que a selección española era en realidade unha selección castelá, salientando a ausencia dos mellores xogadores cataláns, cando daquela Cataluña era a rexión de España na que o rugby estaba máis desenvolvido. O encontro non foi organizado pola entón chamada Federación Nacional Española de Fútbol Rugby, senón por membros da castelá. Os xogadores pertencían ó Athletic de Madrid, Real Madrid FC, RS Gimnástica Española e Cataluña RC. Xogaron aquel encontro: Wolf; López Bosch, San Basilio, Cavillón, Pedraja; E.Simón, Muñoz; Farando, Ferreras, Vázquez; Larrañaga, Palomino; Ganzedo, R.Simón, Candela.

O 8 de abril de 1928 disputouse un segundo encontro entre unha selección francesa e a española, nesta ocasión no Parc Lescure de Bordeos, que rematou coa vitoria local por 53-5. España formou con: Garrigosa; Vázquez, Bisbal, Rues, Aiximeno; Blasco, Isart; Baides, Ferreras, Blanquet; Carreras, Aguilar; Artigas, Larrañaga, Ruíz. Ese mesmo día a selección francesa absoluta xogou en París fronte a Gales un encontro correspondente ó Torneo das Cinco Nacións, de xeito que o equipo que se enfrontou á selección española era un "equipo B", como en 1927.

É por iso polo que o primeiro encontro da selección española considerado oficial foi o xogado en Barcelona o 20 de maio de 1929, co gallo da estrea do Estadio de Montjuic, fronte á selección italiana absoluta, na que España gañou por 9-0 cun equipo formado totalmente por xogadores do FC Barcelona e a UE Santboiana. Xogaron aquel encontro: Vilaspasa; Bisbal, Garrigosa, Rues, Deu; Blasco, Isart; Sarda, Massoni, Baides; Carreras, Aguilar; Nubials, Ruiz, Fontanella.

Se o encontro fronte a Italia rematou coa primeira vitoria oficial da historia da selección española de rugby, a primeira derrota oficial foi a encaixada fronte a Alemaña uns días despois, o 9 de xuño de 1929, nun encontro disputado tamén en Barcelona, pero nesta ocasión no Estadio de Les Corts, e que rematou cun 15-24 a prol dos visitantes. Naquel encontro xogaron: Vilaspasa; Sabrás, Bori, Garrigosa, Bisbal; Blasco, Ros; Baides, Deu, Massoni; Aguilar, Carreras; Fusté, Ruiz, Fontanella.

Palmarés

España na Copa do Mundo de Rugby:

Edición	Partidos	Gañados	Empates	Perdidos	Tantos anotados	Tantos encaixados
1987	Non convidada
1991	Non clasificada
1995
1999	3	0	0	3	18	122
2003	Non clasificada
2007
2011
2015
2019
2023
Total	3	0	0	3	18	124

España no Campionato de Rugby Europe:

Edición	División	Partidos	Gañados	Empates	Perdidos	Tantos anotados	Tantos encaixados	Puntos	Posición
2000	1ª	5	2	0	3	109	105	9	4º
2001-02	1ª	10	3	0	7	246	247	16	4º
2003-04	1ª	10	0	1	9	129	335	11	6º
2004-06	2ª	8	7	1	0	364	87	23	1º
2007-08	1ª	10	4	0	6	233	240	18	4º
2008-10	1ª	10	2	0	8	145	304	14	5º
2010-12	1ª	10	5	0	5	225	275	26	3º
2012-14	1ª	10	2	2	6	159	243	15	4º
2014-16	1ª	10	4	1	5	232	207	23	4º
2017	1ª	5	3	0	2	91	54	13	3º
2018	1ª	5	3	0	2	146	74	-7 Sanción	5º
2019	1ª	5	4	0	1	127	75	18	2º
2020	1ª	5	3	0	2	103	93	13	2º
2021	1ª	5	2	0	3	164	109	7 Sanción	5º
2022	1ª	5	4	0	1	170	135	12 Sanción	3º

Xogadores

Encontro entre España e os Classic All Blacks de Nova Zelandia no Estadio Metropolitano de Madrid en 2022.

Encontro entre España e Portugal no Estadio de San Lázaro en 2013.

ESPAÑA RUGBY - XV do León
Xogadores								Corpo técnico
Jon Zabala (c) - 1ªL Thierry Futeu - 1ªL Bittor Aboitiz - 1ªL Joel Merkler - 1ªL Joaquín Domínguez - 1ªL Vicente del Hoyo - Tal Santiago Ovejero - Tal Manuel Mora - 2ªL Mario Pichardie - 2ªL Alejandro Suárez - 2ªL Víctor Sánchez - 2ªL Lucas Guillaume - 2ªL Joshua Peters - 2ªL Fred Quercy - 3ªL Matthew Foulds - 3ªL Facundo Domínguez - 3ªL Ekain Imaz - 3ªL Afa Tauli - 3ªL Michael Hogg - 3ªL Asier Usárraga - 3ªL Gautier Gibouin - 3ªL		Tomás Munilla - Med Facundo Munilla - Med Kerman Aurrekoetxea - Med Estanislao Bay - Med Manuel Ordás - Ape Gonzalo Vinuesa - Ape Bautista Güemes - Cen Álvar Gimeno - Cen Iñaki Mateu - Cen Alejandro Alonso - Cen Martiniano Cian - Á Jordi Jorba - Á Martín Alonso - Á John-Wessel Bell - Zag Federico Casteglioni - Zag						Seleccionador Pablo Bouza Adestrador asistente Miguel Velasco de la Pisa Manager José Manuel Pérez Corchado Pablo Pérez Martínez Analista de vídeo Valentín Telleriarte Preparadora física Mar Álvarez Portillo Médico Carmen León París Fisioterapeuta Roberto Murías Lozano Pablo Amich Martín

Xogadores con máis encontros

A seguinte lista é unha relación de xogadores da selección de rugby de España que teñen participado en 50 ou máis partidos internacionais segundo o anuario actualizado que publica a Federación Española de Rugby.

César Sempere, máximo anotador de ensaios do XV do León.

Xogador	Posicións	Data nacemento	Caps
Francisco José Puertas Soto	15, 10, 14	18/11/1963 (61 anos)	93
Jaime Nava de Olano	8, 12, 14, 10	01/05/1983 (41 anos)	79
Jon Azkargorta Aretxabala	12, 13, 14, 11, 15	03/05/1963 (61 anos)	76
José Julio Álvarez Ruiz de Temiño	1	03/11/1960 (64 anos)	75
Alberto Malo Navío	6, 8, 4, 5, 7	03/04/1964 (60 anos)	74
Álvar Enciso Fernández Valderrama	12, 13, 11, 10	27/02/1974 (50 anos)	70
Pablo Feijoo Ugalde	9	18/05/1982 (42 anos)	66
Salvador Torres Ortega	12, 13, 11, 14	22/08/1956 (68 anos)	60
Jaime Gutiérrez Merelles	7, 8, 6	28/12/1967 (56 anos)	60
Fernando Martín López Pérez	1	14/03/1986 (38 anos)	60
Manuel Moriche Mostajo	10, 12	06/08/1950 (74 anos)	59
Javier Díaz Paternaín	9	17/01/1960 (64 anos)	59
Ferrán Velazco Querol	15, 13, 11, 10	23/06/1976 (48 anos)	59
Javier Salazar Lizarraga	1, 3	27/07/1977 (47 anos)	59
César Sempere Padilla	15, 13, 10	26/05/1984 (40 anos)	56
Jesús Moreno Rodríguez	3	24/01/1986 (38 anos)	53
Fernando de la Calle Pozo	2, 9	08/06/1970 (54 anos)	52
Iván Criado Garachana	8, 6, 7, 4	28/12/1979 (44 anos)	52
Sergio Souto Vidal	5, 4, 6, 8	04/11/1976 (48 anos)	51
Alfonso Mata Suárez	8, 7	14/03/1973 (51 anos)	50
Carlos Souto Vidal	6, 7, 8, 5	04/11/1976 (48 anos)	50
Javier Canosa Schack	13, 12	28/02/1983 (41 anos)	50

• Actualizado o 20 de novembro de 2022.

Véxase tamén

Ligazóns externas

• Federación española de rugby