Pere Aragonès
Pere Aragonès i Garcia, nado en Pineda de Mar, Maresme, o 16 de novembro de 1982, é un político catalán que foi presidente da Generalitat de Cataluña dende o 21 de maio de 2021 até agosto de 2024. Foi vicepresidente e conselleiro de Economía e Facenda dende o 19 de maio de 2018, asumindo algunhas funcións do presidente da Generalitat de Cataluña dende o 30 de setembro de 2020 por mor da inhabilitación de Quim Torra.[1] Foi membro do Parlamento de Cataluña por ERC[2] e secretario de Economía do Goberno de Cataluña 2016-2017.[3][4]
Traxectoria
[editar | editar a fonte]É neto de Josep Aragonès i Montsant, empresario hoteleiro e téxtil, alcalde de Pineda de Mar durante o franquismo, e posteriormente, despois da integración de Reforma Democràtica de Catalunya (da cal foi presidente) en Alianza Popular de Cataluña, tamén durante o período democrático.[5][6][7] O seu pai (Pere Aragonès Poch) foi rexedor independente na lista de Convergència de Pineda de Mar entre 1991 e 1995.[8][9]
Pere Aragonès estudou na escola Mare de Déu del Roser de Pineda de Mar.[10] Posteriormente licenciouse en Dereito pola Universidade Aberta de Cataluña e fixo un mestrado en Historia Económica pola Universidade de Barcelona, ampliando estudos en políticas públicas para o desenvolvemento económico na Kennedy School of Government da Universidade Harvard. No presente, está a realizar o programa de Doutoramento en Historia Económica na Universidade de Barcelona. Traballou nun despacho de avogados especializado en asesoramento xurídico a empresas e administracións públicas, colaborou como investigador co Instituto Ignasi Villalonga de Economía e Empresa, e como docente na Universidade de Perpiñán.[11][12]
Vida persoal
[editar | editar a fonte]En xullo de 2017 casou con Janina Juli, e en 2019 naceu a súa filla Clàudia.[13]
Publicacións
[editar | editar a fonte]- 2014 - Les #cosesdelBOE i el filòsof de butxaca: la mà foradada (escrito xunto con Andreu Mas. Nemobooks, 2014)
Notas
[editar | editar a fonte]- ↑ Redacción (30 de setembro de 2020). "Pere Aragonès ja assumeix funcions de president". ccma.cat (en catalán). Consultado o 21 de maio de 2021.
- ↑ esquerra.cat (ed.). "Biografia Pere Aragonès" (en catalán). Arquivado dende o orixinal o 26 de decembro de 2016. Consultado o 18 de xaneiro de 2016.
- ↑ lavanguardia.com (ed.). "Pere Aragonès será el secretario de Economía y Lluís Salvadó de Hisenda". Consultado o 18 de xaneiro de 2016.
- ↑ "DECRET 36/2016, de 19 de gener, pel qual es nomena el senyor Pere Aragonès i Garcia secretari d'Economia del Departament de la Vicepresidència i d'Economia i Hisenda." (en catalán). Consultado o 26 de xullo de 2016.
- ↑ Fars, Francesc (2009). "Industrial Aragonès, SA (IASA)". El Maresme, una comarca que treballa: 30. Arquivado dende o orixinal o 27 de febreiro de 2023. Consultado o 13 de outubro de 2020.
- ↑ Juanatey, Héctor (30 de decembro de 2019). "Pere Aragonés, posible sustituto de Quim Torra: padre primerizo, familia hotelera y abuelo alcalde en el franquismo". Vanity Fair (en castelán).
- ↑ Aragonès i Martínez, Jordi (2017). "Els orígens catalans del Partit Popular (III)". Ab Origine Magazine (en catalán). Consultado o 24 de xaneiro de 2020.
- ↑ Gregori, Magda (febreiro de 2020). Editorial Pòrtic, ed. "Pere Aragonès:l'independentisme pragmàtic" (en catalán). Consultado o 4 de outubro de 2020.
- ↑ "Padre primerizo, nieto de un alcalde franquista y negocios hoteleros: la vida de Pere Aragonès" (en castelán). 29 de setembro de 2020. Consultado o 4 de outubro de 2020.
- ↑ Redacció (6 de febreiro de 2020). "La predicció d'una mestra de Pere Aragonès que està a punt de complir-se" (en catalán). Consultado o 4 de outubro de 2020.
- ↑ gencat.cat (ed.). "Dades biogràfiques" (en catalán). Consultado o 18 de xaneiro de 2016.
- ↑ Currículum dels membres del govern.
- ↑ Twitter, ed. (8 de marzo de 2019). "Twit de Pere Aragonès" (en catalán). Consultado o 4 de outubro de 2020.
