Mujaid Sadick Aliu
| Biografía | |||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Nacemento | 14 de marzo de 2000  (24 anos)Logroño, España | ||||||||||||||||||||||||||||||||||
| Altura | 183 cm | ||||||||||||||||||||||||||||||||||
| Actividade | |||||||||||||||||||||||||||||||||||
| Ocupación | futbolista | ||||||||||||||||||||||||||||||||||
| Período de actividade | 2017 - | ||||||||||||||||||||||||||||||||||
| Deporte | fútbol | ||||||||||||||||||||||||||||||||||
| Posición de xogo | Defensa | ||||||||||||||||||||||||||||||||||
| |||||||||||||||||||||||||||||||||||
 | |||||||||||||||||||||||||||||||||||
Mujaid Sadick Aliu, coñecido como Mujaid, nado en Logroño o 14 de marzo do 2000, é un futbolista español. Xoga como defensa e o seu club actual é o KRC Genk, da Primeira división belga.
Traxectoria
[editar | editar a fonte]Naceu en Logroño, fillo de inmigrantes de Nixeria e Ghana.[1] Comezou a xogar nas categorías inferiores do Club Valvanera Deportivo da Rioxa e en 2016 incorporouse á canteira do Deportivo da Coruña.
En outubro de 2017 debutou co Real Club Deportivo Fabril na Segunda División B ás ordes de Cristóbal Parralo despois de destacar no Xuvenil 'A' da División de Honra dirixido por Rubén Coméndez.[2] O club blindou ao xogador cun contrato profesional, coa intención de que algún día chegase ao primeiro equipo.[3]
O 12 de maio de 2018 debutou na elite do fútbol español da man do adestrador holandés Clarence Seedorf na segunda metade do partido do Deportivo contra o Villarreal CF (2-4) no estadio de Riazor.[4] Fíxoo co 34 ás costas e só unhas horas despois volveu xogar, esta vez co número 4 e no centro da zaga, un partido da Copa do Rei Xuvenil, tamén con derrota deportivista (3-4).
En xullo de 2018 renovou o seu contrato co club por catro anos máis cunha cláusula de rescisión de 20 millóns de euros.[5][6] Despois do descenso á Segunda División do Deportivo, Mujaid, aínda con ficha do Fabril, comezou a xogar de xeito habitual co primeiro equipo, tanto con Luis César Sampedro como con Fernando Vázquez, e converteuse nun dos xogadores máis destacados do equipo galego a pesar da súa xuventude, disputando 28 partidos de liga e gañando en dúas ocasións o premio ao mellor xogador do mes.[7]
Na tempada 2020/21, co Deportivo na Segunda B, foi o xogador con máis minutos disputados do equipo, sendo un fixo na defensa branquiazul, que encaixou só 13 goles durante a campaña.
O 18 de maio de 2021 fíxose oficial o seu traspaso por dous millóns de euros ao KRC Genk, da Primeira división de Bélxica[8], o traspaso máis caro da historia da Segunda B.
Palmarés
[editar | editar a fonte]Trofeos internacionais
[editar | editar a fonte]| Título | Club (*) | País | Ano |
|---|---|---|---|
| Xogos Mediterráneos | Selección española sub-18 |  España
|
2018 |
(*) Incluíndo a Selección
Notas
[editar | editar a fonte]- ↑ "El último riojano de Primera" (en castelán). 15 de xuño de 2018. Consultado o 27 de agosto de 2020.
- ↑ "Mujaid, tercer debutante juvenil en Segunda B" (en castelán). 23 de outubro de 2017. Consultado o 26 de agosto de 2020.
- ↑ Centeno, Alexandre (7 de maio de 2018). "Mujaid, el canterano que cautiva a Seedorf". La Voz de Galicia (en castelán). Consultado o 26 de agosto de 2020.
- ↑ "Mujaid, del debut en Primera al equipo juvenil en 16 horas". La Vanguardia (en castelán). 13 de maio de 2018. Consultado o 26 de agosto de 2020.
- ↑ "La cláusula de Mujaid le permite al Deportivo negociar con tranquilidad" (en castelán). 29 de marzo de 2020. Consultado o 26 de agosto de 2020.
- ↑ "El Deportivo blinda a Mujaid para las próximas cuatro temporadas". La Voz de Galicia (en castelán). 18 de xullo de 2018. Consultado o 26 de agosto de 2020.
- ↑ Fernández, Xurxo (24 de xaneiro de 2020). "Mujaid: «Hasta mis 19 años he visto muchas cosas para aprender de los errores»". La Voz de Galicia (en castelán). Consultado o 26 de agosto de 2020.
- ↑ "O Deportivo e o Genk chegan a un acordo para o traspaso de Mujaid". Deportivo da Coruña. 18 de maio de 2021. Consultado o 19 de maio de 2021.
Véxase tamén
[editar | editar a fonte]Ligazóns externas
[editar | editar a fonte]- Ficha en transfermarkt (en castelán).
- Ficha en bdfutbol.com (en castelán).
| Control de autoridades |
|
|---|
