Montouto, Abegondo

Montouto
	Igrexa de Santa Cristina de Montouto.
Concello	Abegondo
Provincia	A Coruña
Coordenadas	43°12′16″N 8°19′35″O / 43.20434694, -8.32632825
Poboación	312 hab. (2016)
Entidades de poboación	11
	[ editar datos en Wikidata ]

Para outras páxinas con títulos homónimos véxase: Montouto.

Santa Cristina de Montouto é unha parroquia que se localiza no oeste do concello de Abegondo na comarca da Coruña. Linda ao norte coas parroquias de Figueroa e Sarandós, Cabanas, ao sur con Folgoso e con Beira, Carral ao leste. Segundo o IGE en 2016 tiña 312 habitantes (156 homes e 156 mulleres) distribuídos en 11 entidades de poboación, o que supón un aumento en relación ao ano 1999 cando tiña 391 habitantes.

Cultura

O topónimo Montouto provén da expresión latina de monte alto, o cal fai referencia á elevación do terreo.^[2]^[3]^[4]

Patrimonio

A igrexa de Santa Cristina de Montouto é un templo de tipoloxía rural dun estilo barroco e que foi construída no século XVII, seguindo a tipoloxía máis frecuente na comarca. Está situada no Campo do Monte. A arquitectura da igrexa é sinxela e sobria: está formada por unha planta rectangular, cunha fábrica de cachotaría recebada e pintada agás nos esquinais, e enmarcados nos vans que son de cantería de granito. A igrexa está cuberta de tella e o zócolo é con cornixa voada, sobre da que vai a espadana de dous ocos de campás, moldura mixtilínea embaixo da espadana. Na decoración interior destacan os elementos de carácter xeométrico, que conforman a súa característica principal. No eixo vertical a está porta de entrada rectangular e un oco pequeno que remata na espadana^[5]^[6]. No adro da igrexa está tamén o cemiterio e superficies axardinadas con árbores autóctonas. No medio do adro diante da fachada, hai unha pila bautismal histórica^[5].

O cruceiro de Santa Cristina está no Campo da festa. Aséntase nunha plataforma cuadrangular con dous pés de formigón. O pedestal é un tronco piramidal e o varal ten unha sección octogonal que comeza e remata en forma de cadrado. O capitel está moldurado e ten unha cruz de sección octogonal, cun botón central e remates florenzados^[5].

O Chan do Castro, ou castro de Montouto é un asentamento fortificado situado entre os lugares de Santín e Figueroa Pequeno. Da idade de ferro-romano, ten unhas dimensións de 160 por 200 metros. Está cuberto por vexetación e non se aprecia a súa morfoloxía. Apréciase que se trataría dunha coroa circular cunha primeira explanada que non pecha o recinto por en enteiro, e outra maior cá anterior que englobaría a todo o conxunto. A conservación é regular e as pistas que se construíron na zona cortan o seu extremo suroriental^[5]

Galería de imaxes

Cruceiro.
Igrexa.
Castro de Montouto.

Lugares e parroquias

Lugares de Montouto

Lugares da parroquia de Montouto no concello de Abegondo (A Coruña)
Ar \| O Campo do Monte \| As Carballas \| A Casanova \| O Couto \| O Couto do Medio \| O Empalme \| A Fraga \| O Franco \| As Nogueiras \| O Pazo \| Quintán \| San Bartolomeu \| Santín \| A Taberna Nova

Parroquias da Abegondo

Galicia | Provincia da Coruña | Parroquias de Abegondo

Notas

↑ ^1,0 ^1,1 DECRETO 189/2003, do 6 de febreiro, polo que se aproba o nomenclátor correspondente ás entidades de poboación da provincia da Coruña.
↑ Sánchez Pardo, JC.; Andrade Cernadas, JM (Dirección) (2008). "Territorio y poblamiento en Galicia entre la antigüedad y la plena Edad Media (Tese)". Universidade de Santiago de Compostela: 1051.
↑ Cabeza Quiles, F. (2000). Os nomes da terra. Noia: Toxosoutos.
↑ Cabeza Quiles, F. (1992). Os nomes de lugar. Topónimos de Galicia: a sua orixe e o seu significado. Vigo: Edicións Xerais de Galicia.
↑ ^5,0 ^5,1 ^5,2 ^5,3 "PXOM: Concello de Abegondo". abegondo.gal. 26 de xuño de 2012. Arquivado dende o orixinal o 20 de febreiro de 2019. Consultado o 19 de febreiro de 2019.
↑ Turgalicia

Véxase tamén

Outros artigos

Lugares de Abegondo

[nomenclátor-1] 1,0 ^1,1 DECRETO 189/2003, do 6 de febreiro, polo que se aproba o nomenclátor correspondente ás entidades de poboación da provincia da Coruña.

[SanchezPardo-2] Sánchez Pardo, JC.; Andrade Cernadas, JM (Dirección) (2008). "Territorio y poblamiento en Galicia entre la antigüedad y la plena Edad Media (Tese)". Universidade de Santiago de Compostela: 1051.

[Cabeza2000-3] Cabeza Quiles, F. (2000). Os nomes da terra. Noia: Toxosoutos.

[Cabeza1992-4] Cabeza Quiles, F. (1992). Os nomes de lugar. Topónimos de Galicia: a sua orixe e o seu significado. Vigo: Edicións Xerais de Galicia.

[pxom-5] 5,0 ^5,1 ^5,2 ^5,3 "PXOM: Concello de Abegondo". abegondo.gal. 26 de xuño de 2012. Arquivado dende o orixinal o 20 de febreiro de 2019. Consultado o 19 de febreiro de 2019.

[turgalicia-6] Turgalicia

[1]

[2]

[3]

[4]

[5]

[6]