Louise Weiss

Louise Weiss

Biografía
Nacemento	25 de xaneiro de 1893 Arras, Francia
Morte	26 de maio de 1983 (90 anos) 16º distrito de París, Francia
Lugar de sepultura	Magny-les-Hameaux, 48° 44′ 38.03″ N, 2° 3′ 40.78″ E
Eurodeputada
Representa: Reagrupamento para a República (pt) 17 de xullo de 1979 – 26 de maio de 1983 Lexislatura: I lexislatura do Parlamento Europeo Circunscrición electoral: France (en) Electa en: eleccións ao Parlamento Europeo de 1979
Datos persoais
Educación	Lycée Molière (en)
Actividade
Campo de traballo	Escritor
Lugar de traballo	Estrasburgo Bruxelas Saint-Quay-Portrieux
Ocupación	xornalista, política, escritora
Empregador	L'Europe nouvelle (–1934)
Partido político	Reagrupamento para a República (pt)
Pseudónimo literario	Louis Lefranc
Familia
Cónxuxe	José Imbert
Pais	Paul Louis Weiss   e Jeanne Javal
Irmáns	Jenny Aubry
Parentes	Émile Javal, avó Alice Weiller, tía
Premios
(1976)  grande oficial da Lexión de Honra

Louise Weiss, nada en Arras o 25 de xaneiro de 1893 e finada en Magny-les-Hameaux o 26 de maio de 1983, foi unha xornalista, escritora, feminista e política francesa.

Traxectoria

Reconstitución do salón parisiense de Louise Weiss no Museo de Saverne.

Louise Weiss naceu no seo dunha familia cosmopolita de Alsacia. O seu pai, Paul Louis Weiss, enxeñeiro de minas, foi un distinguido protestante alsaciano orixinario de La Petite-Pierre. Os antepasados da súa nai, Jeanne Javal, eran xudeus orixinarios da pequena localidade alsaciana de Seppois-le-Bas. Creceu en París e converteuse en profesora contra o desexo da súa familia, obtendo igualmente un título da Universidade de Oxford. Entre 1914 e 1918 traballou como enfermeira de guerra e fundou un hospital en Côtes-du-Nord. Entre 1918 e 1934 publicou a revista L'Europe nouvelle; posteriormente, até a segunda guerra mundial, promoveu o sufraxio feminino. En 1936 foi candidata ás eleccións parlamentarias, presentándose no quinto distrito de París.

Durante a guerra participou activamente na Resistencia e foi redactora xefe da revista clandestina "Nouvelle République" entre 1942 e 1944. En 1945 fundou o Instituto para a Polemoloxía xunto a Gaston Bouthoul en Londres. Percorreu Oriente Medio, o Xapón, a China, Vietnam, África, Alasca, India, etc., realizou documentais e publicou libros sobre as súas diferentes viaxes. En 1979 converteuse en europarlamentaria representando ó partido gaullista.