King Kong (filme de 1933)

Para outras páxinas con títulos homónimos véxase: King Kong (homónimos).

King Kong
Ficha técnica
Título orixinal	King Kong
Director	Merian C. Cooper
Produtor	Merian C. Cooper Ernest B. Schoedsack
Guión	James Ashmore Creelman Ruth Rose Edgar Wallace
Intérpretes	Fay Wray Robert Armstrong Bruce Cabot Frank Reicher Sam Hardy Noble Johnson Steve Clemente James Flavin
Música	Max Steiner
Fotografía	Edward Linden J.O. Taylor Vernon L. Walker
Montaxe	Ted Cheesman
Estrea	1933
Duración	100 minutos
Orixe	Estados Unidos
Xénero	Aventuras
Na rede

King Kong é un filme estadounidense de aventuras de 1933 que trata sobre a aparición dun simio xigante nunha illa perdida. En certa medida o filme é debedor da situación económica e social xerada polo crac da Bolsa en outubro de 1929.

Foi emitido na TVG o 2 de febreiro de 2013.

Resumo

Un equipo de cinema levanta áncora rumbo a unha illa ignota (Skull Island) na busca dun misterioso ser chamado Kong. Na illa descobren unha civilización perdida que rapta a atractiva Ann Darrow, a actriz protagonista, para ofrecela en sacrificio ritual a Kong, que resulta ser un xigantesco gorila.

Kong adquire unha estraña atracción por Ann e deféndea do ataque de dinosauros e outros animais prehistóricos antes de ser reducido pola expedición. Inmediatamente decidirase transportar o abraiante simio a Nova York, para ser exhibido publicamente. O contacto de King Kong cun mundo que non é o seu e o amor que sente por Ann son o motor de gran parte do filme.

Equipo

Dirixido por Merian C. Cooper e Ernest B. Schoedsack, contou coa inestimable colaboración do experto en efectos especiais Willis O'Brien (mestre e precursor de Ray Harryhausen, o "mago" das animacións nas producións da Hammer británica).

O argumento e de Merian C. Cooper e Edgar Wallace e a dirección artística de Carroll Clark, Alfred Herman

A actriz protagonista foi a canadense Fay Wray, quen alcanzou o éxito en 1928 con The Wedding March, dirixida polo austríaco Erich von Stroheim.

Remakes

• John Guillermin realizou en 1976 un remake de escaso éxito.
• O cineasta Peter Jackson realizou unha versión de éxito, cun estilo visual moi propio do director e con máis acción e aventuras que a versión de 1933.

Véxase tamén

Ligazóns externas

• King Kong (Peter Jackson 2005) (en castelán)
• King Kong (Merian C. Cooper / Ernest B. Schoedsack. 1933)en www.trendesombras.comArquivado 08 de setembro de 2006 en Wayback Machine. (en castelán)
• King Kong (Peter Jackson, 2005)en www.trendesombras.com (en castelán)

Arquivado 31 de decembro de 2006 en Wayback Machine.