Saltar ao contido

Juan Carlos Mandiá

Na Galipedia, a Wikipedia en galego.
Para outras páxinas con títulos homónimos véxase: Mandiá.
Modelo:BiografíaJuan Carlos Mandiá
Nome orixinalJuan Carlos Mandiá Lorenzo
Biografía
Nacemento17 de xaneiro de 1967 (57 anos)
Alfoz, España Editar o valor en Wikidata
País de nacionalidadeGalicia
Altura1,82 m.
Actividade
Ocupaciónfutbolista, adestrador de fútbol Editar o valor en Wikidata
Deportefútbol Editar o valor en Wikidata
Posición de xogoDefensa
Traxectoria Editar o valor en Wikidata
  Equipo Número de partidos xogados Puntos/goles/tantos anotados
1984–1988   Real Madrid CF 2(0)
1984–1988   Real Madrid Castilla 52(0)
1988–1989   RCD Espanyol 21(0)
1989–1993   Celta de Vigo 92(3)
1993–1995   CD Logroñés 38(0)
1995–1997   Club Deportivo Toledo 67(0)
1997–2000   Córdoba CF 30(0)
  Selección nacional Número de partidos xogados Puntos/goles/tantos anotados
1985–1985   España sub-18 1(0)
  Adestrador Número de partidos xogados Puntos/goles/tantos anotados
–   CD Logroñés Editar o valor en Wikidata

Juan Carlos Mandiá Lorenzo, nado en Alfoz o 17 de xaneiro de 1967, é un exfutbolista e actual adestrador de fútbol galego. Xogaba de defensa.

Traxectoria

[editar | editar a fonte]

Como xogador

[editar | editar a fonte]

Con 14 anos, un observador do Real Madrid tras gustarlle o seu xogo como central infantil da selección galega levouno ao club madridista a realizar unhas probas de selección baixo a supervisión de Luis Molowny[1].

Mandiá xogou a partir daquela no Castilla CF (denominación por entón do filial do Real Madrid), na Segunda División. Foi un fixo na defensa do filial madridista, pero só puido debutar co primeiro equipo en 2 ocasións.

Debutou con só 17 anos en Primeira División de España o 9 de setembro de 1984 co Real Madrid CF no Molinón contra o Sporting de Xixón, partido da xornada 2ª que finalizou con empate a uns. Mandiá xogou os 90 minutos. O seu debut produciuse por mor dunha folga de xogadores profesionais que afectou a Liga na tempada 1984/85. O adestrador madridista daquel partido foi Amancio Amaro. Anos despois do seu debut en Primeira, na tempada 1987/88, volveu disputar un partido co Real Madrid: foi o 16 de abril de 1988 contra o Celta en Balaídos. Daquela o adestrador do Real Madrid CF era Leo Beenhakker.

Tras concluír o seu paso polo Real Madrid, Juan Carlos Mandiá fichou por unha tempada (1988/89) no RCD Espanyol, co que xogou 21 partidos en Primeira División.

Na tempada seguinte marchou ao Celta de Vigo, e alí estivo 4 tempadas. Na primeira, a tempada 1989/90 xogou 26 partidos e o equipo descendeu a Segunda División. As 2 campañas seguintes o Celta xogou en Segunda, onde quedou de 14º e campión respectivamente. Xa na 1992/93, a súa cuarta no club vigués, xogou só 2 partidos en Primeira División.

Posteriormente marchou ao CD Logroñés, onde as tempadas 1993/94 e 1994/95 xogounas en Primeira División, con 24 e 14 partidos respectivamente en cada unha. Na 1994/95 o equipo rioxano descendeu. En 1995 fichou polo CD Toledo en Segunda División, onde permaneceu durante 2 tempadas. Na 1995/96 xogou 2.862 minutos en 34 partidos, e na 1996–97 xogou 2.943 minutos en 33 partidos. Na tempada 1997/98 fichou polo Córdoba CF en Segunda División B. Na súa primeira tempada no club verdibranco o equipo quedou sexto. Foi na súa segunda tempada cando conseguiu o ascenso a Segunda División, pois o equipo quedou terceiro na liga regular e ascendeu na liguiña de ascenso. Na tempada 1999–00 xogou 8 partidos e foi a da súa retirada como xogador de fútbol.

Adestrador

[editar | editar a fonte]

Na súa etapa como xogador aproveitou para obter os títulos de adestrador. En 1996 conseguiu o nivel 1, en 1997 o nivel 2 e en 2000 o nivel 3[2].

Os seus primeiros pasos como adestrador fíxoos na canteira do Real Madrid, ata que fichou en novembro de 2002[3] polo seu primeiro club profesional, o Club Deportivo Logroñés. Fíxose cargo do equipo tras a destitución de Ico Aguilar, e os branquivermellos quedaron terceiros no Grupo II de Segunda B e disputaron a liguiña de ascenso a Segunda División, aínda que non ascenderon. Tras o seu paso polo equipo rioxano, estivo libre ata que o Hércules CF o fichou tras a destitución de José Carlos Granero. Co Hércules finalizou subcampión do Grupo III de Segunda División B e realizou unha gran promoción de ascenso contra AD Ceuta e RSD Alcalá, co que ascendeu a Segunda División.

Na tempada 2005–06 continuou adestrando o Hércules no seu regreso a Segunda División, ata que foi destituído tras moitos problemas internos na cúpula directiva. Na tempada 2006–07 fichou polo Real Madrid Castilla como segundo adestrador de Míchel no filial en Segunda División[4]. O Castilla descendeu a Segunda B, e na 2007–08 Mandiá fíxose cargo do equipo como adestrador. O Castilla quedou no 5º lugar, a un só punto de disputar a fase de ascenso a Segunda División.

Trala súa tempada no filial madridista, o 21 de maio de 2008 anunciouse por parte do Hércules a súa fichaxe para as dúas seguintes tempadas. O equipo herculano dotou a Juan Carlos Mandiá do control deportivo do primeiro persoal, nomeouno adestrador e director xeral deportivo.[5] O 19 de xuño de 2008 foi presentado oficialmente como adestrador do Hércules de Alacant para as tempadas 2008–09 e 2009–10.[6] O técnico regresou ao club alacantino xunto con técnicos da súa confianza como o preparador físico Kike Sanz, o segundo adestrador Antonio Puche, ou o adestrador de porteiros José Ramón de la Fuente. Nesa tempada o Hércules conseguiu o ascenso. Anos máis tarde, no verán de 2010, Mandiá foi nomeado polos medios de comunicación como un dos implicados no pagamento de diñeiro a terceiros equipos, dentro da campaña do ascenso[7]

Os días 24 e 25 de xuño de 2009 saíron á luz as avanzadas negociacións entre Mandiá e o Racing de Santander.[8] O 26 de xuño de 2009 confirmouse que Juan Carlos Mandiá adestraría o Racing por unha tempada con opción a outra xunto co seu equipo técnico[9]. Debutou como adestrador de Primeira División co Racing de Santander o día 30 de agosto de 2009 contra o Getafe en El Sardinero.

Tras a mala serie do equipo cántabro, o 9 de novembro de 2009 Mandiá foi destituído como adestrador do Racing.[10]

En decembro de 2013 firmou como adestrador do Deportivo Alavés, club que adestrou até marzo de 2014 cando foi cesado e substituído por Alberto López.[11]

Palmarés

[editar | editar a fonte]

Como xogador

[editar | editar a fonte]
Real Madrid
Celta

Como adestrador

[editar | editar a fonte]

Notas

[editar | editar a fonte]
  1. ↑ El modelo del Castilla es valentía, ataque y extremos, As, 4 de marzo de 2008
  2. ↑ Ficha de títulos de adestrador de Mandiá Arquivado 30 de xuño de 2009 en Wayback Machine., Acceso o 6/8/2010
  3. ↑ Mandiá: «Lo siento por el Toledo, pero mañana le va a ganar mi Logroñés Arquivado 30-06-2009 en Wayback Machine., ABC, 31/1/2003
  4. ↑ El Real Madrid confirma la incorporación de Míchel como técnico del Castilla por cuatro años Arquivado 21 de xullo de 2006 en Wayback Machine., Lukor.com, 5/7/2006
  5. ↑ "Mandiá, hasta 2010". www.diarioinformacion.com (en castelán). Consultado o 2020-03-29. 
  6. ↑ "Mandiá quiere que el Hércules sea «protagonista desde el primer día»". www.diarioinformacion.com (en castelán). Consultado o 2020-03-29. 
  7. ↑ "Sin dar primas, jugamos otra Liga", El País, 6/8/2010
  8. ↑ CABOT, T. (2009-06-25). "Mandiá abandona el Hércules para fichar por el Racing de Santander". Información (en castelán). Consultado o 2021-03-14. 
  9. ↑ Juan Carlos Mandiá es ya el nuevo entrenador del Racing Arquivado 03 de xaneiro de 2010 en Wayback Machine., El Diario Montañés, 26/6/2009
  10. ↑ Mandiá es destituido como entrenador del Racing, Marca, 9/11/2009
  11. ↑ Alberto López sustituye a Juan Carlos Mandiá al frente del Deportivo Alavés Arquivado 24 de marzo de 2014 en Wayback Machine.; Deportivo Alavés, 23 de marzo de 2014. (en castelán)
Traído desde «https://gl.wikipedia.org/w/index.php?title=Juan_Carlos_Mandiá&oldid=6896667»