Jan Martyniak

Jan Martyniak
	; (2015)
Biografía
Nacemento	20 de xuño de 1939 (85 anos); Spas, Ucraína (en)
Arcebispo católico
	24 de maio de 1996 – 7 de novembro de 2015 ; ← Ivan Khoma – Eugeniusz Popowicz → ; Diocese: Arquieparquía católica ucraína de Przemyśl-Varsovia
Bispo diocesano
	16 de xaneiro de 1991 – ; ← Ivan Khoma ; Diocese: Arquieparquía católica ucraína de Przemyśl-Varsovia
Bispo auxiliar
	20 de xullo de 1989 – ; Diocese: Arquieparquía católica ucraína de Przemyśl-Varsovia
Bispo titular
	20 de xullo de 1989 – ; Diocese: Sé Titular de Vardimissa (pt)
Bispo Católico Grego Ucraniano (pt)
Datos persoais
Relixión	Igrexa católica e Igrexa católica bizantina ucraína
Actividade
Ocupación	bispo católico (1989–), sacerdote católico (1964–)
Consagración	Myroslav Ivan Liubachivskyi
Premios
	Cabaleiro da Orde Polonia Restituta; Order of Prince Yaroslav the Wise, 5th class (en) ;

Jan Martyniak, nado en Spas (rexión de Lviv, Ucraína) o 20 de xuño de 1939,^[1] é un eclesiástico grecocatólico polaco, arcebispo de Przemyśl-Varsovia entre 1996 e 2015.

Traxectoria

O 29 de xuño de 1964 foi ordenado sacerdote por Bolesław Kominek, logo de graduarse no Seminario Teolóxico de Varsovia.^[1]

En 1981 Józef Glemp creou dúas vigairías para a atención pastoral dos grecocatólicos en Polonia, xa que as autoridades non permitían que tiveran circunscricións diocesanas propias. O relixioso basiliano Yosafat Romanyk foi nomeado vigairo do norte, e Jan Martyniak foi nomeado vigairo do sur do país.^[1]^[2]

O 20 de xullo de 1989 foi nomeado bispo auxiliar de Przemyśl, Sambor e Sanok, e bispo titular de Vardimissa.^[1]^[2] Recibiu a consagración episcopal o 16 de setembro do mesmo ano, de mans do arcebispo maior de Lviv Myroslav Ivan Liubachivskyi.

O 16 de xaneiro de 1991 foi nomeado bispo de Przemyśl,^[1]^[2] dándose unha situación estremadamente rara ao ser aínda titular da sé Ivan Khoma, quen no exilio fora consagrado bispo de Przemyśl, Sambor e Sanok por Yosyf Slipyi en 1977, e quen residía en Roma. A situación solucionouse coa renuncia de Khoma o 16 de xuño do mesmo ano.

O 24 de maio de 1996, coa elevación e reorganización da sé, foi nomeado arcebispo metropolita de Przemyśl-Varsovia. Retirouse do cargo o 7 de novembro de 2015.

Notas

↑ ^1,0 ^1,1 ^1,2 ^1,3 ^1,4 Kubiiovych, Volodymyr; Huzar-Struk, Danylo, eds. (1993). Encyclopedia of Ukraine (en inglés) 3. University of Toronto Press. p. 325. ISBN 9780802033628.
↑ ^2,0 ^2,1 ^2,2 Stępień, Stanisław (2008). "Historical and Contemporary Overviews: Poland". En Mahieu, Stéphanie; Naumescu, Vlad. Churches In-between: Greek-Catholic Churches in Postsocialist Europe (en inglés). LIT Verlag Münster. pp. 88-90. ISBN 9783825899103.

Dignidades da Igrexa católica
Predecesor: Ivan Khoma	Bispo de Przemyśl 1991 - 1996	Sucesor: (elevación da sé)
Predecesor: (elevación da sé)	Metropolita de Przemyśl-Varsovia 1996 - 2015	Sucesor: Eugeniusz Popowicz

[EoU-1] 1,0 ^1,1 ^1,2 ^1,3 ^1,4 Kubiiovych, Volodymyr; Huzar-Struk, Danylo, eds. (1993). Encyclopedia of Ukraine (en inglés) 3. University of Toronto Press. p. 325. ISBN 9780802033628.

[Mahieu-2] 2,0 ^2,1 ^2,2 Stępień, Stanisław (2008). "Historical and Contemporary Overviews: Poland". En Mahieu, Stéphanie; Naumescu, Vlad. Churches In-between: Greek-Catholic Churches in Postsocialist Europe (en inglés). LIT Verlag Münster. pp. 88-90. ISBN 9783825899103.

[1]

[2]