Saltar ao contido

E-selectina

Na Galipedia, a Wikipedia en galego.
SELE
Estruturas dispoñibles
PDBBuscar ortólogos: PDBe, RCSB
Identificadores
Nomenclatura
Identificadores
externos
LocusCr. 1 q24.2
Padrón de expresión de ARNm
Máis información
Ortólogos
Especies
Humano Rato
Entrez
6401 20339
Ensembl
Véxase HS Véxase MM
UniProt
P16581 Q00690
RefSeq
(ARNm)
NM_000450 NM_011345
RefSeq
(proteína) NCBI
NP_000441 NP_035475
Localización (UCSC)
Cr. 1:
169.72 – 169.76 Mb 		Cr. 1:
164.05 – 164.06 Mb
PubMed (Busca)
6401


20339

A E-selectina (selectina endotelial), tamén chamada CD62E, ELAM-1 (endothelial-leukocyte adhesion molecule 1, molécula de adhesión endotelial-leucocito 1) ou LECAM2 (leukocyte-endothelial cell adhesion molecule 2, molécula de adhesión leucocito-célula endotelial 2), é unha glicoproteína da familia das selectinas, que funciona como molécula de adhesión celular e exprésase só en células endoteliais activadas por citocinas. Igual que outras selectinas, desempeña un importante papel na inflamación. En humanos, a E-selectina está codificada no xene SELE do cromosoma 1.[1]

Estrutura

[editar | editar a fonte]

A E selectina ten unha estrutura en casete que consta dos seguintes dominios: un dominio N-terminal de lectina tipo C, un dominio similar a EGF (factor de crecemento epidérmico), 6 unidades de dominios Sushi (repetición SCR), un dominio transmembrana (TM) e unha cola citoplasmática intracelular (cyto). A estrutura tridimensional da rexión de unión ao ligando da E-selectina humana foi determinada a unha resolución de 2,0 Å en 1994.[2] A estrutura revela que hai un limitado contacto entre os dous dominios e unha coordinación de Ca2+ non predita a partir doutras lectinas tipo C. A análise estrutura/función indica a existencia dunha rexión definida e cadeas laterais específicas que poden estar implicadas na unión de ligandos. A unión da E-selectina ao tetrasacárido sialil-LewisX (SLeX; NeuNAcα2,3Galβ1,4[Fucα1,3]GlcNAc) resolveuse en 2000.[3]

Xene e regulación

[editar | editar a fonte]

Nos humanos a E-selectina está codificada no xene SELE geGFGne. Os seus dominios de lectina tipo C, dominio similar a EGF, repeticións SCR e transmembrana están cada un codificado nun diferente exón do xene, mentres que o seu dominio citosólico deriva de dous exóns. O locus da E-selectina está ao lado do da L-selectina no cromosoma 1.[4]

A diferenza da P-selectina, que se almacena en vesículas chamadas corpos de Weibel-Palade, a E-selectina non se almacena na célula e ten que ser transcrita, traducida e transportada á superficie celular. A produción da E-selectina é estimulada pola expresión de P-selectina que, á súa vez, é estimulada polo factor de necrose tumoral α (TNFα), a interleucina-1 (IL-1) e o lipopolisacárido (LPS).[5][6] A E-selectina tarda unhas dúas horas en expresarse na superficie celular despois da recoñecemento das citocinas. A expresión máxima de E-selectina ocorre unhas 6–12 horas despois da estimulación das citocinas e os seus niveis volven aos basais nunhas 24 horas.[6]

As forzas de cizalla tamén afectan á expresión da E-selectina. Unha alta cizalla laminar potencia a resposta da célula endotelial aguda á interleucina-1β en células endoteliais virxes ou condicionadass pola cizalla como se observa en situacións patolóxicas de isquemia/danos de reperfusión, aínda que orixina unha regulación á baixa rápida da E-selectina para protexerse contra a inflamación crónica.[7]

Os fitoestróxenos, que son compostos vexetais con actividade biolóxica similar á dos estróxenos, como a xenisteína, formononetina, biochanina A e daidzeína, así como unha mestura destes fitoestróxenos eran capaces de reducir a E-selectina e tamén a VCAM-1 e ICAM-1 na superficie celular e en sobrenadantes de cultivo.[8]

Ligandos

[editar | editar a fonte]

A E-selectina recoñece e únese a carbohidratos sialilados presentes nas proteínas superficiais de certos leucocitos. Os ligandos da E-selectina exprésanse en neutrófilos, monocitos, eosinófilos, linfocitos de tipo T de memoria e efectores e células asasinas naturais. Cada un destes tipos de células encóntranse en sitios inflamatorios agudos e crónicos en asociación coa expresión da E-selectina, o que implica a intervención da E-selectina no recrutamento destas células en ditos lugares de inflamación.

Entre estes carbohidratos están membros das familias Lewis X e Lewis A que se encontran en monocitos, granulocitos e linfocitos T.[9]

A glicoproteína ESL-1, presente en neutrófilos e células mieloides, foi o primeiro contra-receptor para a E-selectina que se describiu. É unha variante do glicorreceptor de tirosina quinase FGF, polo que parece posible que a súa unión á E-selectina estea implicada na iniciación da sinalización nas células unidas.

O ligando da P-selectina PSGL-1 derivado de neutrófilos humanos é tamén un ligando moi eficiente para a E-selectina expresada no endotelio baixo fluxo.[10] É mediadora na rodadura dos leucocitos sobre o endotelio activado que rodea un tecido inflamado.

Tanto ESL-1 coma PSGL-1 deben portar sialil Lewis a/x para poder unirse a E/P-selectinas.[11]

A E-selectina é unha mediadora na adhesión de células tumorais a células endotelaiis, ao unirse a ligandos da E-selectina sobre as células tumorais. Os ligandos da E-selectina tamén xogan un papel nas metástases cancerosas. O papel destes dous ligandos da E-selectina na metástase in vivo está mal definido e aínda non demostrado. O PSGL-1 foi detectado na superficie de células de metástases óseas de células tumorais prostáticas, o que suxire que pode ter un papel funcional no tropismo óseo das células tumorais prostáticas.[12]

En células cancerosas identificáronse o CD44, o receptor de morte-3 (DR3), o LAMP1 e o LAMP2 como ligandos da E-selectina presentes en células de cancro de colon,[13] e identificáronse o CD44v, o Mac2-BP, e gangliósidos como ligandos da E-selectina presentes en células de cancro de mama.[14][15][16]

En neutrófilos humanos o glicoesfingolípido NeuAcα2-3Galβ1-4GlcNAcβ1-3[Galβ1-4(Fucα1-3)GlcNAcβ1-3]2[Galβ1-4GlcNAcβ1-3]2Galβ1-4GlcβCer (e estruturas estreitamente relacionadas) son receptores funcionais da E-selectina.[17]

Función

[editar | editar a fonte]

Papel na inflamación

[editar | editar a fonte]

Durante a inflamación a E-selectina xoga un importante papel no recrutamento de leucocitos no lugar da lesión. A liberación local das citocinas IL-1 e TNF-α polos macrófagos nos tecidos inflamados induce a sobreexpresión de E-selectina nas células endoteliais dos vasos sanguíneos próximos.[18] Os leucocitos do sangue que expresan o ligando correcto vanse unir con baixa afinidade á E-selectina, tamén baixo o estrés de cizalla do fluxo sanguíneo, causando que os leucocitos roden ao longo da superficie interna dos vasos sanguíneos a medida que se van formando e desfacendo interaccións temporais.

Conforme a resposta inflamatoria progresa, as quimiocinas liberadas polo tecido danado entran nos vasos sanguíneos e activan os leucocitos rodantes, que son agora capaces de unirse estreitamente á superficie endotelial e empezar a abrirse paso en dirección ao tecido.[9]

A P-selectina ten unha función similar, mais exprésase na superficie da célula endotelial en cuestión de minutos a medida que se almacena dentro da célula en vez de ser producida conforme fai falta.[9]

Papel no cancro

[editar | editar a fonte]

A E-selectina foi descuberta inicialmente como un receptor transmembrana inducido en células endoteliais despois dunha estimulación inflamatoria que era mediadora na adhesión de células leucémicas HL60 monocíticas.[19][20] Isto levou a formular a hipótese de que as células cancerosas segregaban citocinas inflamatorias como a IL-1β ou o TNFα para inducir a E-selectina en sitios metastáticos afastados. Esta indución permitiría as células tmorais circulantes pararse nos sitios estimulados, rodar ao longo do endotelio activado, extravasarse e formar metástases.[21] Os estudos feitos desde entón mostraron que a unión da E-selectina a células de cancro de colon correlaciónase cun aumento do potencial metastático,[22] e que células cancerosas de múltiples tipos de tumores únense á E-selectina usando ligandos glicoproteínas ou glicolípidos normalmente expresados en células inmunitarias.[23][24] Os estudos serviron para describir mellor a mecánica do cadoiro polo que as células cancerosas se unen primeiro á E-selectina a taxas de fluxo de cizalla: a unión da E-selectina ten como resultado unha interacción de tipo velcro que permite que as células cancerosas realicen unha unión de alta afinidade con integrinas, que finalmente orixina unha unión firme entre as células tumorais e o endotelio activado.[25][26]

Aínda que hai numerosas probas in vitro e clínicas que continúan apoiando esta hipótese da metátese do cancro mediada pola E-selectina, os estudos con metástases in vivo mostraron que os knockouts de E-selectina só afectan minimamente a adhesión de células leucémicas ao óso inmediatamente despois da inxección.[27] aínda que a metástase de pulmón experimental non está afectada pola deleción xenética da E-selectina.[28][29] Ademais, os estudos mostraron que o crecemento do tumor primario increméntase nos ratos knockout para a E-selectina.[30][31] Este paradoxo resolveuse máis recentemente grazas a tres estudos que mostraban que a E-selectina só se expresa constitutivamente no endotelio da medula ósea,[32] polo que se pensa que realiza funcións vitais na hematopoese.[33] Estes receptores son transportados especificamente por células que están metastatizando no óso e non noutros sitios.[34] Estes datos apoian os esforzos clínicos que se están a facer para inhibir as metástases do cancro de mama no óso con axentes bloqueadores da E-selectina.[35] A complexidade da bioloxía dos ligandos da E-selectina pode tamén xogar un papel nestes resultados discrepantes in vitro e in vivo. Describíronse polo menos 15 substratos glicoproteínas e glicolípidos diferentes para a E-selectin en varias células de cancro, aínda que só o n-glicano Glg1 (Esl1) mostrou ser mediador na metástase ósea.[36] Outros ligandos ou combinacións poden ter distintos mecanismos durante a metástase do cancro.

Ademais da interacción directa con células tumorais, a indución da E-selectina en resposta ás citocinas segregadas localmente polas células de cancro permite tomar tumores específicos como diana de nanopartículas conxugadas con sLeX ou tioaptámeros que conteñen cargas antitumorais.[37] Ademais, a E-selectina pode tamén funcionar para recrutar monocitos en tumores primarios ou metástases de pulmón para promover un microambiente protumoral inflamatorio.[38] Bloquear estas interaccións ou permitir o tráfico de células CAR-T a sitios E-selectina positivos pode ser prometedor para futuros desenvolvementos terapéuticos.

Relevancia patolóxica

[editar | editar a fonte]

Polineuromiopatía de doenza crítica

[editar | editar a fonte]

En casos de niveis de glicosa sanguínea elevados, como na sepse, a expresión da E-selectina é maior do normal, o que ten como resultado unha maior permeabilidade microvascular. A maior permeabilidade orixina edema (inchamento) do endotelio esquelético (que cobre o interior dos vasos sanguíneos), causando isquemia do músculo esquelético (restrición do fluxo sanguíneo) e finalmente necrose (morte cellar). Esta patoloxía subxacente é a causa da enfermidade sintomática polineuromiopatía de doenza crítica.[39]

Adhesión de patóxenos

[editar | editar a fonte]

A adherencia da bacteria Porphyromonas gingivalis a células endoteliais de vea umbilical humana inceméntase coa indución da expresión de E-selectina polo TNF-α. Un anticorpo para a E-selectina e sialil LewisX suprimía a adherencia de P. gingivalis a células HUVEC estimuladas. Os mutantes de P. gingivalis que carecen de proteínas Pgm6/7 similares a OmpA teñen unha adherencia reducida a HUVECs estimuladas, pero os mutantes deficientes en fimbrias non estaban afectados. A adherencia mediada por E-seletina de P. gingivalis activa a exocitose endotelial. Estes resultados suxiren que a interacción entre a E-selectina do hóspede e a Pgm6/7 do patóxeno é un mediador na adherencia de P. gingivalis a células endoteliais e pode desencadear a inflamación vascular.[40]

Síndrome coronaria aguda

[editar | editar a fonte]

A expresión inmunohistoquímica de E-selectina e PECAM-1 están significativamente incrementadas na capa íntima dos vasos sanguíneos en placas vulnerables do grupo da síndrome coronaria aguda, especialmente en células endoteliais neovasculares e está correlacionada positivamente coa densidade de células inflamatorias, o que suxire que a PECAM-1 e a E-selectina poderían desempeñar un importante papel na reacción inflamatoria e no desenvolvemento de placas vulnerables. O polimorfismo Ser128Arg da E-selectina está asociado coa síndrome coronaria aguda e podería ser un factor de risco para esta síndrome.[41]

Indución mediada por nicotina

[editar | editar a fonte]

O hábito de fumar está fortemente correlacionado co aumento da probabilidade da aterosclerose ao inducir disfunción endotelial. En células endoteliais, varias moléculas de adhesión celular incluíndo a E-selectina, regúlanse á alza coa exposición á nicotina, o compoñente adictivo do fume do tabaco. A adhesión estimulada pola nicotina de monocitos a células endoteliais depende da activación de α7-nAChRs, β-Arr1 e cSrc. O xene da E-selectina é un xene sensible a E2F1 e a estimulación pola nicotina ten como resultado un incremento do recrutamento de E2F1 no promotor da E-selectina. Por tanto, os axentes como RRD-251, que poden afectar a actividade de E2F1 poden ter un potencial beneficio terapéutico contra a arterosclerose inducida polo fume dos cigarros.[42]

Aneurisma cerebral

[editar | editar a fonte]

A expresión de E-selectina increméntase en tecidos afectados por un aneurisma cerebral roto. A E-selectina podería ser un importante factor implicado no proceso de formación e rotura de aneurismas cerebrais, ao promover a inflamación e o debilitamento das paredes arteriais cerebrais.[43]

Como biomarcador

[editar | editar a fonte]

A E-selectina é tamén un biomarcador emerxente para o potencial metastático dalgúns cancros incluíndo o cancro colorrectal e recorrencias.[44]

Notas

[editar | editar a fonte]
  1. ↑ Collins T, Williams A, Johnston GI, Kim J, Eddy R, Shows T, Gimbrone MA, Bevilacqua MP (febreiro de 1991). "Structure and chromosomal location of the gene for endothelial-leukocyte adhesion molecule 1". The Journal of Biological Chemistry 266 (4): 2466–73. PMID 1703529. doi:10.1016/S0021-9258(18)52267-5. 
  2. ↑ Graves BJ, Crowther RL, Chandran C, Rumberger JM, Li S, Huang KS, Presky DH, Familletti PC, Wolitzky BA, Burns DK (febreiro de 1994). "Insight into E-selectin/ligand interaction from the crystal structure and mutagenesis of the lec/EGF domains". Nature 367 (6463): 532–8. Bibcode:1994Natur.367..532G. PMID 7509040. doi:10.1038/367532a0. 
  3. ↑ Somers WS, Tang J, Shaw GD, Camphausen RT (outubro de 2000). "Insights into the molecular basis of leukocyte tethering and rolling revealed by structures of P- and E-selectin bound to SLe(X) and PSGL-1". Cell 103 (3): 467–79. PMID 11081633. doi:10.1016/S0092-8674(00)00138-0. 
  4. ↑ Cummings RD (2008). "Selectins". En Varki A, Cummings RD, Esko JD, Freeze HH, Stanley P, Bertozzi CR, Hart GW, Etzler ME. Essentials of Glycobiology (2nd ed.). Plainview, N.Y: Cold Spring Harbor Laboratory Press. ISBN 978-0-87969-770-9. 
  5. ↑ Janeway C (2005). Immunobiology: the immune system in health and disease. New York: Garland Science. ISBN 0-8153-4101-6. 
  6. ↑ 6,0 6,1 Leeuwenberg JF, Smeets EF, Neefjes JJ, Shaffer MA, Cinek T, Jeunhomme TM, Ahern TJ, Buurman WA (decembro de 1992). "E-selectin and intercellular adhesion molecule-1 are released by activated human endothelial cells in vitro". Immunology 77 (4): 543–9. PMC 1421640. PMID 1283598. 
  7. ↑ Huang, Ryan B; Eniola-Adefeso, Omolola (2012). "Shear stress modulation of IL-1β-induced E-selectin expression in human endothelial cells". PLOS ONE 7 (2): e31874. Bibcode:2012PLoSO...731874H. PMC 3286450. PMID 22384091. doi:10.1371/journal.pone.0031874. 
  8. ↑ Andrade CM, Sá MF, Toloi MR (abril de 2012). "Effects of phytoestrogens derived from soy bean on expression of adhesion molecules on HUVEC". Climacteric 15 (2): 186–94. PMID 22066752. doi:10.3109/13697137.2011.582970. 
  9. ↑ 9,0 9,1 9,2 Robbins SL, Cotran RS, Kumar V, Collins T (1999). Robbins pathologic basis of disease. Philadelphia: WB Saunders. ISBN 0-7216-7335-X. 
  10. ↑ Zou X, Shinde Patil VR, Dagia NM, Smith LA, Wargo MJ, Interliggi KA, Lloyd CM, Tees DF, Walcheck B, Lawrence MB, Goetz DJ (agosto de 2005). "PSGL-1 derived from human neutrophils is a high-efficiency ligand for endothelium-expressed E-selectin under flow". American Journal of Physiology. Cell Physiology 289 (2): C415–24. PMID 15814589. doi:10.1152/ajpcell.00289.2004. 
  11. ↑ Kannagi R, Izawa M, Koike T, Miyazaki K, Kimura N (maio de 2004). "Carbohydrate-mediated cell adhesion in cancer metastasis and angiogenesis". Cancer Science 95 (5): 377–84. PMID 15132763. doi:10.1111/j.1349-7006.2004.tb03219.x. 
  12. ↑ Dimitroff CJ, Descheny L, Trujillo N, Kim R, Nguyen V, Huang W, Pienta KJ, Kutok JL, Rubin MA (xullo de 2005). "Identification of leukocyte E-selectin ligands, P-selectin glycoprotein ligand-1 and E-selectin ligand-1, on human metastatic prostate tumor cells". Cancer Research 65 (13): 5750–60. PMC 1472661. PMID 15994950. doi:10.1158/0008-5472.CAN-04-4653. 
  13. ↑ Gout S, Tremblay PL, Huot J (2008). "Selectins and selectin ligands in extravasation of cancer cells and organ selectivity of metastasis". Clinical & Experimental Metastasis 25 (4): 335–44. PMID 17891461. doi:10.1007/s10585-007-9096-4. 
  14. ↑ Shirure VS, Liu T, Delgadillo LF, Cuckler CM, Tees DF, Benencia F, Goetz DJ, Burdick MM (xaneiro de 2015). "CD44 variant isoforms expressed by breast cancer cells are functional E-selectin ligands under flow conditions". American Journal of Physiology. Cell Physiology 308 (1): C68–78. PMC 4281670. PMID 25339657. doi:10.1152/ajpcell.00094.2014. 
  15. ↑ Shirure VS, Reynolds NM, Burdick MM (2012). "Mac-2 binding protein is a novel E-selectin ligand expressed by breast cancer cells". PLOS ONE 7 (9): e44529. Bibcode:2012PLoSO...744529S. PMC 3435295. PMID 22970241. doi:10.1371/journal.pone.0044529. 
  16. ↑ Shirure VS, Henson KA, Schnaar RL, Nimrichter L, Burdick MM (marzo de 2011). "Gangliosides expressed on breast cancer cells are E-selectin ligands". Biochemical and Biophysical Research Communications 406 (3): 423–9. PMID 21329670. doi:10.1016/j.bbrc.2011.02.061. 
  17. ↑ Nimrichter L, Burdick MM, Aoki K, Laroy W, Fierro MA, Hudson SA, Von Seggern CE, Cotter RJ, Bochner BS, Tiemeyer M, Konstantopoulos K, Schnaar RL (novembro de 2008). "E-selectin receptors on human leukocytes". Blood 112 (9): 3744–52. PMC 2572800. PMID 18579791. doi:10.1182/blood-2008-04-149641. 
  18. ↑ Janeway's Immunobiology, 8th edition: "pattern recognition by cells of the innate immunity system", capítulo 3 páxina 83.
  19. ↑ Bevilacqua MP, Pober JS, Mendrick DL, Cotran RS, Gimbrone MA (decembro de 1987). "Identification of an inducible endothelial-leukocyte adhesion molecule". Proceedings of the National Academy of Sciences of the United States of America 84 (24): 9238–42. Bibcode:1987PNAS...84.9238B. PMC 299728. PMID 2827173. doi:10.1073/pnas.84.24.9238. 
  20. ↑ Walz G, Aruffo A, Kolanus W, Bevilacqua M, Seed B (novembro de 1990). "Recognition by ELAM-1 of the sialyl-Lex determinant on myeloid and tumor cells". Science 250 (4984): 1132–5. Bibcode:1990Sci...250.1132W. PMID 1701275. doi:10.1126/science.1701275. 
  21. ↑ Khatib AM, Kontogiannea M, Fallavollita L, Jamison B, Meterissian S, Brodt P (marzo 1999). "Rapid induction of cytokine and E-selectin expression in the liver in response to metastatic tumor cells". Cancer Research 59 (6): 1356–61. PMID 10096570. 
  22. ↑ Sawada R, Tsuboi S, Fukuda M (xaneiro de 1994). "Differential E-selectin-dependent adhesion efficiency in sublines of a human colon cancer exhibiting distinct metastatic potentials". The Journal of Biological Chemistry 269 (2): 1425–31. PMID 7507108. doi:10.1016/S0021-9258(17)42275-7. 
  23. ↑ Dimitroff CJ, Lechpammer M, Long-Woodward D, Kutok JL (agosto de 2004). "Rolling of human bone-metastatic prostate tumor cells on human bone marrow endothelium under shear flow is mediated by E-selectin". Cancer Research 64 (15): 5261–9. PMID 15289332. doi:10.1158/0008-5472.CAN-04-0691. 
  24. ↑ Laferrière J, Houle F, Huot J (2004). "Adhesion of HT-29 colon carcinoma cells to endothelial cells requires sequential events involving E-selectin and integrin beta4". Clinical & Experimental Metastasis 21 (3): 257–64. PMID 15387376. doi:10.1023/B:CLIN.0000037708.09420.9a. 
  25. ↑ Barthel SR, Hays DL, Yazawa EM, Opperman M, Walley KC, Nimrichter L, et al. (xaneiro de 2013). "Definition of molecular determinants of prostate cancer cell bone extravasation". Cancer Research 73 (2): 942–52. PMC 3548951. PMID 23149920. doi:10.1158/0008-5472.CAN-12-3264. 
  26. ↑ Esposito M, Kang Y (febreiro de 2014). "Targeting tumor-stromal interactions in bone metastasis". Pharmacology & Therapeutics 141 (2): 222–33. PMC 3947254. PMID 24140083. doi:10.1016/j.pharmthera.2013.10.006. 
  27. ↑ Sipkins DA, Wei X, Wu JW, Runnels JM, Côté D, Means TK, et al. (xuño de 2005). "In vivo imaging of specialized bone marrow endothelial microdomains for tumour engraftment". Nature 435 (7044): 969–73. Bibcode:2005Natur.435..969S. PMC 2570168. PMID 15959517. doi:10.1038/nature03703. 
  28. ↑ Läubli H, Borsig L (febreiro de 2010). "Selectins as mediators of lung metastasis". Cancer Microenvironment 3 (1): 97–105. PMC 2990482. PMID 21209777. doi:10.1007/s12307-010-0043-6. 
  29. ↑ Esposito M, Mondal N, Greco TM, Wei Y, Spadazzi C, Lin SC, et al. (maio de 2019). "Bone vascular niche E-selectin induces mesenchymal-epithelial transition and Wnt activation in cancer cells to promote bone metastasis". Nature Cell Biology 21 (5): 627–639. PMC 6556210. PMID 30988423. doi:10.1038/s41556-019-0309-2. 
  30. ↑ Esposito M, Mondal N, Greco TM, Wei Y, Spadazzi C, Lin SC, et al. (maio de 2019). "Bone vascular niche E-selectin induces mesenchymal-epithelial transition and Wnt activation in cancer cells to promote bone metastasis". Nature Cell Biology 21 (5): 627–639. PMC 6556210. PMID 30988423. doi:10.1038/s41556-019-0309-2. 
  31. ↑ Taverna D, Moher H, Crowley D, Borsig L, Varki A, Hynes RO (xaneiro de 2004). "Increased primary tumor growth in mice null for beta3- or beta3/beta5-integrins or selectins". Proceedings of the National Academy of Sciences of the United States of America 101 (3): 763–8. Bibcode:2004PNAS..101..763T. PMC 321755. PMID 14718670. doi:10.1073/pnas.0307289101. 
  32. ↑ Price TT, Burness ML, Sivan A, Warner MJ, Cheng R, Lee CH, et al. (maio 2016). "Dormant breast cancer micrometastases reside in specific bone marrow niches that regulate their transit to and from bone". Science Translational Medicine 8 (340): 340ra73. PMID 27225183. doi:10.1126/scitranslmed.aad4059. 
  33. ↑ Winkler IG, Barbier V, Nowlan B, Jacobsen RN, Forristal CE, Patton JT, et al. (novembro de 2012). "Vascular niche E-selectin regulates hematopoietic stem cell dormancy, self renewal and chemoresistance". Nature Medicine 18 (11): 1651–7. PMID 23086476. doi:10.1038/nm.2969. 
  34. ↑ Esposito M, Mondal N, Greco TM, Wei Y, Spadazzi C, Lin SC, et al. (maio de 2019). "Bone vascular niche E-selectin induces mesenchymal-epithelial transition and Wnt activation in cancer cells to promote bone metastasis". Nature Cell Biology 21 (5): 627–639. PMC 6556210. PMID 30988423. doi:10.1038/s41556-019-0309-2. 
  35. ↑ "GlycoMimetics Announces Plans to Initiate Breast Cancer Trial to Evaluate GMI-1359". www.businesswire.com (en inglés). 2019-04-12. Consultado o 2019-06-10. 
  36. ↑ Esposito M, Mondal N, Greco TM, Wei Y, Spadazzi C, Lin SC, et al. (maio 2019). "Bone vascular niche E-selectin induces mesenchymal-epithelial transition and Wnt activation in cancer cells to promote bone metastasis". Nature Cell Biology 21 (5): 627–639. PMC 6556210. PMID 30988423. doi:10.1038/s41556-019-0309-2. 
  37. ↑ Mai J, Huang Y, Mu C, Zhang G, Xu R, Guo X, et al. (agosto de 2014). "Bone marrow endothelium-targeted therapeutics for metastatic breast cancer". Journal of Controlled Release 187: 22–9. PMC 4109393. PMID 24818768. doi:10.1016/j.jconrel.2014.04.057. 
  38. ↑ Läubli H, Spanaus KS, Borsig L (novembro de 2009). "Selectin-mediated activation of endothelial cells induces expression of CCL5 and promotes metastasis through recruitment of monocytes". Blood 114 (20): 4583–91. PMID 19779041. doi:10.1182/blood-2008-10-186585. 
  39. ↑ Visser LH (novembro de 2006). "Critical illness polyneuropathy and myopathy: clinical features, risk factors and prognosis". European Journal of Neurology 13 (11): 1203–12. PMID 17038033. doi:10.1111/j.1468-1331.2006.01498.x. 
  40. ↑ Komatsu T, Nagano K, Sugiura S, Hagiwara M, Tanigawa N, Abiko Y, Yoshimura F, Furuichi Y, Matsushita K (xullo de 2012). "E-selectin mediates Porphyromonas gingivalis adherence to human endothelial cells". Infection and Immunity 80 (7): 2570–6. PMC 3416463. PMID 22508864. doi:10.1128/IAI.06098-11. 
  41. ↑ Fang F, Zhang W, Yang L, Wang Z, Liu DG (decembro de 2011). "[PECAM-1 and E-selectin expression in vulnerable plague and their relationships to myocardial Leu125Val polymorphism of PECAM-1 and Ser128Arg polymorphism of E-selectin in patients with acute coronary syndrome]". Zhonghua Xin Xue Guan Bing Za Zhi (en chinés) 39 (12): 1110–6. PMID 22336504. 
  42. ↑ Alamanda V, Singh S, Lawrence NJ, Chellappan SP (febreiro de 2012). "Nicotine-mediated induction of E-selectin in aortic endothelial cells requires Src kinase and E2F1 transcriptional activity". Biochemical and Biophysical Research Communications 418 (1): 56–61. PMC 3273677. PMID 22240023. doi:10.1016/j.bbrc.2011.12.127. 
  43. ↑ Jia W, Wang R, Zhao J, Liu IY, Zhang D, Wang X, Han X (novembro de 2011). "E-selectin expression increased in human ruptured cerebral aneurysm tissues". The Canadian Journal of Neurological Sciences 38 (6): 858–62. PMID 22030423. doi:10.1017/s0317167100012439. 
  44. ↑ Sato H, Usuda N, Kuroda M, Hashimoto S, Maruta M, Maeda K (novembro de 2010). "Significance of serum concentrations of E-selectin and CA19-9 in the prognosis of colorectal cancer". Japanese Journal of Clinical Oncology 40 (11): 1073–80. PMID 20576794. doi:10.1093/jjco/hyq095. 

Véxase tamén

[editar | editar a fonte]

Outros artigos

[editar | editar a fonte]

Ligazóns externas

[editar | editar a fonte]
Traído desde «https://gl.wikipedia.org/w/index.php?title=E-selectina&oldid=6506786»