Cráter de Chicxulub
| ||||
| Tipo | Cráter de impacto  | |||
|---|---|---|---|---|
| Localización | ||||
| División administrativa | Iucatán, México | |||
| ||||
| Características | ||||
| Dimensións | 180 ( ) km | |||
| Historia | ||||
| Data de creación ou fundación | hai 66 millóns de anos | |||
| Data de descuberta ou invención | 1981 | |||
O cráter de Chicxulub é un antigo cráter de impacto cuxo centro aproximado está situado ao noroeste da península do Iucatán, en México. Este centro atópase preto da poboación de Chicxulub, á que o cráter debe o seu nome.
Características
[editar | editar a fonte]O cráter mide máis de 180 quilómetros de diámetro, formando unha das zonas de impacto máis grandes do mundo; estímase que o bólido que formou o cráter medía polo menos dez quilómetros de diámetro. Foi descuberto por Antonio Camargo e Glen Penfield, xeofísicos que traballaban no Iucatán para a empresa paraestatal de Petróleos Mexicanos en busca de xacementos de petróleo a finais da década de 1970. Inicialmente, non se puido atopar probas que evidenciasen que esa infrecuente estrutura xeolóxica era en realidade un cráter de impacto, polo que se abandonaron as investigacións.
Chicxulub e a extinción en masa
[editar | editar a fonte]- Artigo principal: Extinción do Cretáceo-Paleoxeno.
O cráter de Chicxulub é fundamental para a teoría de Luis W. Álvarez e o seu fillo, Walter Álvarez, sobre a extinción masiva que acabou cos dinosauros, resultado do impacto dun bólido ou dun cometa. A teoría, que relaciona a extinción coa formación do cráter, ten unha ampla, aínda que non universal, aceptación científica. Críticos, como Robert Bakker, cuestionan a teoría, mentres Gerta Keller suxire que o impacto ocorreu 300.000 anos antes da extinción.[1][2][3]
Confirmación
[editar | editar a fonte]En 2010, 38 expertos confirmaron, en Science, que a extinción do Cretáceo, que acabou cos dinosauros fai uns 65,5 millóns de anos, foi causada polo impacto dun asteroide.[4][5] En 2016, un proxecto científico obtivo mostras do anel de picos do cráter, confirmando as teorías actuais sobre o impacto e os seus efectos.[6][7]
Estudos recentes suxiren un ángulo de impacto inclinado e relacionan o asteroide coa familia de Baptistina, baseándose na análise de cromo.[8] A pertenza do asteroide de Chicxulub á familia de Baptistina foi cuestionada, suxerindo unha orixe distinta para o asteroide.
Notas
- ↑ Keller, Gerta, et al. "Evidence for a separate impact event in the late Maastrichtian of the Elles section, Tunisia." 2009.
- ↑ G., Keller,; T., Adatte,; AAAM, Tantawy,; Z., Berner,; W., Stinnesbeck,; D., Stüben,; H.A., Leanza, (2007). "High stress late Maastrichtian – early Danian palaeoenvironment in the Neuquén Basin, Argentina". Cretaceous Research (en inglés) 28 (6). Arquivado dende o orixinal o 25 de marzo de 2024. Consultado o 25 de marzo de 2024.
- ↑ "E se o meteoro de Chicxulub tivesse perdido a Terra?". Portal Multimédia Científico e Popular; pt.wordssidekick.com (en portugués). Consultado o 2024-03-25.
- ↑ “The Chicxulub Asteroid Impact and Mass Extinction at the Cretaceous-Paleogene Boundary”. Extracto do artigo do 5 de marzo de 2010 na revista Science (en inglés).
- ↑ "Confirmado: el impacto de un asteroide en la Tierra acabó con los dinosaurios". Agencia SINC (en castelán). Consultado o 2024-03-25.
- ↑ Morgan, J. "Proceedings of the International Ocean Discovery Program Volume 364 Expedition Reports". publications.iodp.org (en inglés). Consultado o 2024-03-25.
- ↑ Morgan, J., Gulick, S., et al. "The formation of peak rings in large impact craters." Science, 2016.
- ↑ G. S. Collins, N. Patel, T. M. Davison, A. S. P. Rae, J. V. Morgan, S. P. S. Gulick, IODP-ICDP Expedition 364 Science Party & Third-Party Scientists (26/05/2020). "A steeply-inclined trajectory for the Chicxulub impact" (en inglés). pp. www.nature.com.
Véxase tamén
[editar | editar a fonte] |
Wikimedia Commons ten máis contidos multimedia na categoría: Cráter de Chicxulub  |
