Carlos Saldanha

Carlos Saldanha

Saldanha na promoción de Ferdinand
Biografía
Nacemento	20 de xullo de 1968 (56 anos) Río de Xaneiro, Brasil
Residencia	Hoboken
Educación	School of Visual Arts (en) - arte Carmel High School (en)
Actividade
Ocupación	director de cinema, guionista, actor de dobraxe, animador, pintor, produtor de cinema
Período de actividade	1993 -
Empregador	Sony Pictures Animation (pt) (2021–) Blue Sky Studios (pt) (1993–)
Obra
Obras destacables (2002) A Idade do Gelo (pt) (2002) Gone Nutty (pt) (2011) Rio (2017) Ferdinand (pt)
Premios
(2018)  Orde do Mérito Cultural
Sinatura
Descrito pola fonte	Obálky knih,

Carlos Saldanha, nado no Río de Xaneiro o 24 de xaneiro de 1965 é un director brasileiro. Recoñecido principalmente por ser o creador da exitosa franquía dos estudios Blue Sky Rio, ambientada na súa cidade natal.

Ademais de ser o director de varios dos proxectos da empresa, como; Ice Age: The Meltdown (2006), Ice Age: Dawn of the Dinosaurs (2009) e Ferdinand (2017), tamén foi codirector de películas como Ice Age (2002) e Robots (2005).

Traxectoria

Primeiros anos

Nado en Río, dende pequeno Saldanha estivo moi fascinado pola animación, polo que pasaba case todo o tempo debuxando e facendo animacións fotograma a fotograma.

Comezou a aforrar desde moi cedo para poder viaxar aos Estados Unidos a buscar oportunidades de traballo.

Carreira

Inicios

Despois de rematar os seus estudos, deixou a súa terra natal e matriculouse na Escola de Artes Visuais de Nova York. Despois de estudar alí durante uns anos, Saldanha graduouse, obtivo un máster en arte e animación por ordenador pola Escola de Artes Visuais en 1993 e comezou a traballar en Blue Sky Studios.

Alí, Saldanha fíxose amigo de Chris Wedge e xuntos colaboraron nos efectos especiais de películas como Joe's appartment, onde tiveron que animar máis de 1.000 cascudas bailando.

Uns anos despois, a súa curta de animación "Time for Love" presentouse nalgúns dos festivais máis prestixiosos do mundo. Isto foi suficiente para que ascendera nos Blue Sky Studios e conseguiu o cargo de codirector con Chris Wedge.

En 1999, Saldanha traballou xunto a Wedge nos efectos especiais da película Fight Club, dirixida por David Fincher. Na mesma, encargáronse de retocar dixitalmente a Brad Pitt e Edward Norton, protagonistas da longametraxe.

Ice Age

En 2002 recibiu o encargo de dirixir a produción de animación Ice Age xunto con Wedge. Neste filme deron vida aos seus personaxes coas voces de Ray Romano, John Leguizamo e Denis Leary, coa colaboración de Jack Black e Goran Visnjic.

Despois do grande éxito de Ice Age, Saldanha traballou como segundo ao mando de Chris Wedge na película Robots, na que actores como Ewan McGregor, Robin Williams, Halle Berry, entre outros, puxeron a súa voz.

En 2006, Wedge traballabou en The Incredibles, polo que Saldanha encargouse de dirixir en solitario Ice Age: The Meltdown, na que se repetiron os mesmos actores da primeira película desta saga.

En 2009, Saldanha dirixiu Ice Age: Dawn of the Dinosaurs, retomando cos mesmos actores de voz. Desde entón, Saldanha só participou como produtor executivo da franquía.

Río

Saldanha en 2011, durante a promoción de Río.

Saldanha tivera unha idea facía tempo de facer unha película sobre pingüíns, pero cando se estreou a película de animación Happy Feet decidiu tocar outro tema, polo que se lle ocorreu facer unha produción ambientada na súa cidade natal, Río de Xaneiro. Foi entón cando recibiu o encargo de dirixir Río, un filme sobre un guacamaio azul inxenuo e manso, coas voces de actores como Jesse Eisenberg,e Anne Hathaway entre outros. Rio foi lanzado en 2011 e converteuse nun éxito comercial.

Tal foi o éxito de Rio que Saldanha dirixiu a secuela, Rio 2, que se estreou en 2014. Isto converteu a Rio na primeira película en ter unha secuela de Blue Sky Studios fóra da Ice Age. Nesta gran secuela, Saldanha acada un maior éxito que a súa anterior película. Recadando máis de 500 millóns de dólares. Até o momento, Saldanha asegura que ten ideas para máis películas da franquía, pero porque se comprometeu con outros proxectos non viu posible aínda a realización dunha secuela.

Novos proxectos

En 2022 a Warner Bros. anunciou que Saldanha iría dirixir o filme "Iemanjá - Deusa do Oceano" trasladando o mundo de Iemanjá e o candomblé para o dos superheroes.

Filmografía

Ano	Título	Papel	Notas
2002	Ice Age	Codirector	Dirixida con Chris Wedge
2005	Robots	Codirector	Dirixida con Chris Wedge
2006	Ice Age: The Meltdown	Director
2009	Ice Age: Dawn of the Dinosaurs	Director	Dirixida con Mike Thurmeier
2011	Río	Director, Historia
2012	Ice Age: Continental Drift	Produtor executivo
2014	Río 2	Director, Historia
2016	Ice Age: Collision Course	Produtor executivo
2017	Ferdinand	Director