Capela de Santo Hipólito (Delft)
| Capela de Santo Hipólito (Sint-Hippolytuskapel) | |
|---|---|
 A capela de Santo Hipólito, na cidade vella de Delft | |
| Datos xerais | |
| País |  Países Baixos |
| Rexión |  Holanda Meridional |
| Tipo | Servizos relixiosos |
| Advocación | Santo Hipólito |
| Localización |  Delft |
| Coordenadas | 52°00′40″N 4°21′23″L / 52.011111, 4.356389 |
| Catalogación | Rijksmonument (12090) |
| Culto | |
| Culto | Igrexa Católica |
| Diocese |  Diocese de Rotterdam |
| Arquitectura | |
| Construción | Ca. 1400 |
| Estilo | Arquitectura gótica |
| Páxina web | http://www.hippolytuskapel.nl/ |
| [ editar datos en Wikidata ] | |
A Capela de Santo Hipólito (neerlandés: Sint-Hippolytuskapel) é unha capela situada ao pé da canle Oude Delft, na cidade surholandesa de Delft. É un dos edificios máis antigos da cidade e desde 1967 ten a consideración de monumento nacional dos Países Baixos (Rijksmonument).[1][2]
Historia
[editar | editar a fonte]A igrexa, de estilo gótico, construíuse arredor do ano 1400, no lado oeste da cidade vella de Delft, onde conflúe a súa canle principal coa rúa Nieuwstraat. Ata a Reforma, a Igrexa Vella (Oude Kerk) estivo consagrada a Santo Hipólito, patrón da cidade, e o nome da capela provén do barrio da cidade.[3]
No momento da súa fundación, era unha parte da comunidade relixiosa feminina xa existente, similar a un mosteiro, co nome de Casa das Irmás do Espírito Santo (Heilige Geestzusterhuis).
Foi construída sobre os alicerces dunha capela anterior e consagrouse en 1412. En 1536 resultou gravemente danada por un lume e foi restaurada posteriormente.
En 1572, durante a Reforma, baleirouse todo o interior da capela e retiráronse da súa torre o reloxo e a cruz. Despois de 1581 pasou a utilizarse como almacén, aínda que unha parte da capela se seguía a utilizar para os servizos relixiosos polos protestantes.
Entre 1910 e 1924 a capela tivo varias restauracións, coa conseguinte alteración do deseño da súa fachada, facendo que esta resultase máis semellante á orixinal, ademais de engadírselle un andar, co que se ampliou a súa superficie útil ao dobre. Desde 1924 e ata a construción do novo campus da Universidade de Tecnoloxía de Delft en 1966, as cerimonias de doutoramento da universidade celebrábanse nesta capela.
En 1972, a súa titularidade foi transferida á Igrexa católica que a utiliza para os seus servizos relixiosos desde o 30 de xullo dese ano.
Notas
[editar | editar a fonte]- ↑ "A capela de Santo Hipólito, antiga capela de Santo Hipólito Arquivado 15 de abril de 2016 en Wayback Machine." (Sint-Hippolytuskapel Voormalige Heilige Geestzusterskapel). En Architectuurgidsdelft.nl. (En neerlandés)
- ↑ Catalogación do edificio no Rijksmonumentenregister. (En neerlandés)
- ↑ Notas acerca da historia do edificio Arquivado 18 de xaneiro de 2016 en Wayback Machine.. Na web oficial da capela. (En neerlandés)
Véxase tamén
[editar | editar a fonte]Outros artigos
[editar | editar a fonte]Ligazóns externas
[editar | editar a fonte] |
Wikimedia Commons ten máis contidos multimedia na categoría: Capela de Santo Hipólito |
- Sitio web oficial da capela de Santo Hipólito (en neerlandés)
- St.-Hippolytuskapel. Texto sobre a historia da capela (en neerlandés)
