Burj Khalifa

Burj Khalifa
Edificio
Nome inicial	Burj Dubai
Custo	1,14 mil millóns de euros
Enderezo	1 Emaar Boulevard
Localización	Dubai, Emiratos Árabes Unidos
Coordenadas	25°11′50″N 55°16′27″L
Construción
Inicio	21 de setembro de 2004
Remate	4 de xaneiro de 2010
Dimensións
Altura	828 m
Altura da azotea	587 m
Altura da última planta	584,5 m
Plantas	163
[ editar datos en Wikidata ]

Burj Khalifa (en árabe, برج خليفة) é un rañaceos da cidade de Dubai, nos Emiratos Árabes Unidos. Con 828 metros de altura, é dende 2010 a construción máis alta realizada polo ser humano.

Historia e características

A súa construción comezou o 21 de setembro de 2004 e a súa inauguración oficial foi o 4 de xaneiro de 2010. O arquitecto redactor principal do proxecto foi Adrian Smith, que traballou xunto á firma Skidmore, Owings and Merrill (SOM) de Chicago ata 2006. A construción do Burj Khalifa contou cun orzamento estimado de máis de 4.000 millóns de dólares, que se incrementou ata os 20.000 millóns para o desenvolvemento completo do Downtown Burj Khalifa. Parte do custo do edificio foi financiado pola familia do emir Mohammed bin Rashid Al Maktoum, entre os que destaca o seu sobriño Fuad bin Rashid Al Maktoum de tan só 20 anos, que financiou 25 millóns de dólares do proxecto.

O 21 de xullo de 2007 o Burj Dubai superou ó que era ata entón o edificio máis alto do mundo, o Taipei 101 de 509 metros. O 17 de xaneiro de 2009 o edificio acadou a súa altura máxima, 828 metros.

Localización

O edificio forma parte dunha zona en desenvolvemento de 2 km² chamada Downtown Burj Dubai nas proximidades do distrito de negocios de Dubai, onde tamén está o Burj al-Arab. O presuposto da obra é de 4 mil millóns de dólares para o rañaceos e 20 mil millóns para todo o centro.

Véxase tamén

Ligazóns externas

• Páxina web oficial (en inglés)