Comezou a súa carreira artística actuando en papeis de producións teatrais e programas de televisión na infancia antes de asinar con Jive Records, en 1997. O seu primeiro e segundo álbums de estudio, ...Baby One More Time (1999) e Oops!... I Did It Again (2000), convertéronse en éxitos internacionais, sendo o primeiro o álbum máis vendido por unha artista adolescente en solitario.[1] Os temas "...Baby One More Time" e "Oops!... I Did It Again" racharon récords internacionais de vendas. No 2001, Spears lanzou o seu terceiro álbum de estudio auto-titulado, Britney, e desempeñou o papel principal no filme Crossroads (2002). Ela asumiu o control creativo do seu cuarto álbum de estudio, In the Zone (2003), que tivo o sinxelo de éxito mundial "Toxic".
