Bembibre, León

Para outras páxinas con títulos homónimos véxase: Bembibre.

Bembibre, León

Bembibre (es)
Localización
42°36′55″N 6°25′01″O
Estado	España
Comunidade autónoma	Castela e León
Provincia	provincia de León
Capital de	Bierzo Alto
Capital	Bembibre
Contén a división administrativa	Arlanza (en) Bembibre Labaniego Losada (en) Q6121306 Rodanillo (en) San Esteban del Toral (en) San Román de Bembibre (en) Viñales (en)
Poboación
Poboación	8.196 (2023) (129,23 hab./km²)
Lingua oficial	lingua castelá
Xeografía
Parte de	Q107554102 Way of Saint James of Manzanal (en)
Superficie	63,42 km²
Bañado por	Río Boeza
Altitude	644 m
Comparte fronteira con	Torre del Bierzo Toreno Noceda del Bierzo Congosto Castropodame Folgoso de la Ribera
Organización política
• Alcaldesa	Silvia Cao Fornís (en) (2019–)
Identificador descritivo
Código postal	24300
Fuso horario	UTC+01:00
Prefixo telefónico	987
Código INE	24014
Sitio web	aytobembibre.es

Bembibre é un concello español da provincia de León, na comarca do Bierzo (Castela e León). A súa poboación é de 9929 habitantes (INE 2012).

Pedanías

O Concello atópase na localidade de Bembibre, e é a segunda poboación máis importante da comarca do Bierzo, grazas sobre todo á actividade mineira (carbón e ferro).

• Bembibre (Bimbibre en leonés)
• San Román de Bembibre (San Román de Bimbibre en leonés)
• Losada (Llousada en leonés)
• Arlanza
• Viñales
• Santibáñez del Toral (Santibañe de Toral en leonés)
• San Esteban del Toral
• Rodanillo (Rodaniellu en leonés)
• Labaniego (Llabaniegu en leonés)

Historia

Capital da comarca do Val do Boeza, descubríronse castros en toda esta zona, o que demostra que o home habitou estas terras de antigo, aínda que houbo unha repoboación entre os séculos IX e XI orixe das actuais poboacións. A repoboación estivo ligada coa igrexa e a construción dos distintos mosteiros bercianos. O rei leonés Afonso IX impulsou a importancia da vila. O val do río Noceda formou parte do Señorío de Bembibre.

Etimoloxía

O nome procede da lingua galaica Paemeiobris 'o oppidum entre ríos', que foi rebautizada como Interamnium Flavium polos romanos. Os seus habitantes no 15 a. C. aparecen como castellani paemeiobrigenses ex xente susarrorum no bronce de Bembibre achado na zona.^{[Cómpre referencia]} Enrique Gil y Carrasco na súa novela El Señor de Bembibre, fala de "a frondosa ribeira de Bembibre", como un dos lugares privilexiados do Bierzo.

Demografía

Evolución demográfica do municipio

1996	1998	1999	2000	2001	2002	2003	2004	2005	2006	2007	2008
11.104	11.063	11.050	10.734	10.463	10.486	10.217	9989	10.059	10.092	10.053	10.136

Evolución demográfica do centro urbano

2000	2001	2002	2003	2004	2005	2006	2007	2008
9587	9348	9394	9139	8924	8980	9019	8977	9040

Patrimonio e lugares de interese

Igrexa Parroquial de San Pedro.

• Igrexa Parroquial de San Pedro, de orixe románica.
• Santuario (século XIX), onde se garda a imaxe do Ecce Homo, patrón do Bierzo Alto.
• Museo Etnológico Municipal.
• Igrexa Parroquial de San Esteban do Toral.
• Casa Solariega da Familia Rodriguez.
• Parque solar de interese didáctico.
• O seu termo municipal está cuberto de piñeiros de repoboación, castañeiros, carballos e chopos nas beiras dos ríos.

Estación de Bembibre.

Folclore e costumes

No mes de febreiro organízase a famosa Festa do Botelo. É unha gran comida onde se consomen máis de 1 000 botelos. De toda España acoden personaxes famosos das artes, as letras e a política. En 2009 a festa foi declarada de interese turístico nacional.

En xuño ten lugar a Feira do Mercado Medieval.

A mediados de setembro a cidade celebra as súas Festas Patronais, coñecidas como as do Cristo. O seu Santuario e a imaxe do Ecce Homo son moi queridos na zona. Pero é a finais de xuño e cada sete anos, cando se celebra a gran festa. A imaxe do Santo deixa o Santuario e diríxese en procesión escoltado por impresionantes pendóns ata a Igrexa Parroquial de San Pedro, onde permanece nove días. Durante este tempo a Confraría do Santo Ecce Homo paga unha pensión.

A tradición di que un ano, sen determinar, a xente sacou ao Ecce Homo do Santuario en procesión para que chovese. Cousa que ocorreu e desde entón as xentes do Bierzo Alto honran ao Santo sacándoo en procesión cada 7 anos. A próxima vez será o ano 2015.

Na pedanía de San Román de Bembibre festéxase a festa do Carme (16 de xullo), sendo tradición tomar sidra nos seus bares e mesóns.

Gastronomía

O municipio forma parte da zona de produción de seis produtos que sobresaen pola súa calidade: o viño, a mazá reineta, o pemento, o botelo, a chacina e a pera.

Véxase tamén

Ligazóns externas

• Páxina oficial do concello (en castelán)
• Bembibre Dixital (en castelán)
• Páxina non oficial (en castelán)
• Videos de Bembibre (en castelán)
• Mapa baseado en satélites e xeografía local (en inglés)