Bebé (Dragon Ball)
Bebé (ベビー Bebī?) é un personaxe ficticio, pertencente á serie de animación Dragon Ball GT.
Descrición
[editar | editar a fonte]Bebé é o primeiro adversario poderoso co que se encontran Son Goku e compañía nesta serie. Bebé pertence á raza alieníxena dos Tsuful, e pode introducirse no corpo doutros seres e controlalos, anulando así as súas personalidades e asegurándose a súa total obediencia. Tamén absorbe enerxía dos corpos que domina, polo que a súa forza aumenta en cada posesión. Ademais, pode manter o control doutros individuos sen estar xa nos seus corpos, poñéndolles uns ovos no seu cerebro.