Ananda Marga
| Ananda Marga | |
|---|---|
| Tipo | organización |
| Data de fundación | 1955 |
| Fundador(es) | Prabhat Rainjan Sarkar |
| Na rede | |
| https://www.anandamarga.org/ e https://espanol.anandamarga.org/ | |
  | |
| [ editar datos en Wikidata ] | |
Ananda Marga é unha filosofía espiritual e un movemento relixioso, que actúa baixo o nome completo de Ānanda Mārga Pracaraka Samgha, establecida por Prabhat Ranjan Sarkar en 1955 no estado de Bihar, na India. O movemento define a súa misión como un servizo á emancipación individual por medio da autorrealización e á emancipación colectiva por medio da realización de todas as potencialidades espirituais, físicas e mentais e negan que sexan unha relixión pero adoita catalogarse dentro dos novos movementos relixiosos [1] con orixe no hinduísmo[2]
Historia
[editar | editar a fonte]Tras a fundación o seu líder organizou unha rede de misioneiros que difundiron o movemento pola India [3] e a partir de 1959 propuxo un programa de acción política, coñecido como PROUT (Teoría da Utilización Progresiva) na que declaraba a procura da democracia económica e dos dereitos humanos pero tamén xustificaba o uso da forza con argumentos morais [4]. Con ese programa presentouse ás eleccións en 1968 e 1969. Durante a década de 1970 unha pequena [5] fracción dentro do grupo realizou actos terroristas na India, o que levou á cadea ao seu líder en decembro de 1971 tras ser acusado por exmembros de conspirar para asasinar a rivais, e á prohibición da organización en 1975 e á condena a prisión perpetua do propio Sarkar, malia iso Niall MacDermot, secretario xeral da Comisión Internacional de Xuristas criticou o xuízo polo seu ton político e por obstrucións burocráticas [6]. Finalmente en 1978 nun novo xuízo Sarkar quedou absolto e a organización volveu á legalidade.
Notas
[editar | editar a fonte]- ↑ George D. Chryssides (2011) Historical Dictionary of New Religious Movements Scarecrow Press
- ↑ James K. Walker (2007) The Concise Guide to Today's Religions and SpiritualityHarvest House PublishersHarvest House Publishers, páx. 31
- ↑ J. Gordon Melton, Martin Baumann (2010) Religions of the World, Second Edition: A Comprehensive Encyclopedia of Beliefs and Practices. ABC-CLIO, páx. 104
- ↑ Helen Crovetto Ananda Marga, PROUT, and the Use of Force in James R. Lewis (2011) Violence and New Religious Movements. Oxford University Press
- ↑ Stephen A. Kent (2001) From Slogans to Mantras: Social Protest and Religious Conversion in the Late Vietnam War Era. Syracuse University Press, páx. 47
- ↑ Comentario asinado por Niall MacDermot ao informe da CIX e da Liga de Dereitos Humanos sobre o xuízo a Sarkar
