Abadía de Westminster

Abadía de Westminster
	(en) Westminster Abbey
Tipo	Catedral anglicana ou episcopal (pt) ; Royal Peculiar (pt) ; atracción turística; igrexa abadía; Anglican church building (en) ; colexiata
Epónimo	Pedro
Parte de	Palácio de Westminster, Abadia de Westminster e Igreja de Santa Margarida (pt)
Localización
División administrativa	Cidade de Westminster, Reino Unido
	51°29′58″N 0°07′39″O / 51.4994, -0.127367
Composto por	Henry VII Lady Chapel (pt) ; The Great Cloisters of Westminster Abbey (en)
Características
Monumento clasificado como grao I
Data	24 de febreiro de 1958
Identificador	1291494
Monumento clasificado como grao I
	The Great Cloisters of Westminster Abbey (en) [[File:Noun Project label icon 1116097 cc mirror.svg
Data	24 de febreiro de 1958
Identificador	1066370
Historia
Data de creación ou fundación	século X e 1540
Cronoloxía
20 de novembro de 1947	Casamento de Isabel do Reino Unido e Filipe Mountbatten (pt)
14 de novembro de 1973	wedding of Princess Anne and Mark Philips (en)
23 de xullo de 1986	wedding of Prince Andrew and Sarah Ferguson (en)
29 de abril de 2011	Casamento de Guilherme de Gales e Catarina Middleton (pt)
	coroación
Primeiro rexistro escrito	960
Actividade
Operador	English Heritage (pt)
Propietario	English Heritage (pt)
Páxina web	westminster-abbey.org

A abadía de Westminster ou igrexa colexiata de San Pedro de Westminster é unha igrexa gótica de grande tamaño, situada en Westminster, Londres, á beira do Palacio de Westminster. É o lugar tradicional para as coroacións e enterros dos monarcas ingleses.

Historia

De acordo coa tradición, no ano 616 fundouse un santuario no lugar coñecido como "Thorney Island". Dise que foi milagrosamente consagrado despois de que un pescador do río Támese tivera unha visión de san Pedro. Aínda que a existencia do santuario é incerta, a abadía histórica foi construída por Eduardo o Confesor entre os anos 1045 e 1050 e foi consagrada o 28 de decembro de 1065. Eduardo construíu a abadía ao faltar a un voto no que prometía realizar unha peregrinación; o papa aconselloulle redimirse construíndo unha abadía.

A abadía orixinal, de estilo románico, foi construída polos monxes bieitos. Reconstruíuse en estilo gótico entre 1245 e 1517. A primeira fase da reconstrución foi organizada polo rei Henrique III, como un santuario en honra a Eduardo o Confesor. Os traballos rematáronse durante o reinado de Ricardo II. Henrique VII engadiu unha capela dedicada á Virxe María en 1503. A pesar de que a abadía estivo cercada por Henrique VIII durante a disolución dos mosteiros en 1534 e pechada en 1540, en 1550 salvouse da destrución grazas á súa conexións coa realeza.

O dito inglés "robbing Peter to pay Paul", (en galego: "roubar a Pedro para pagarlle a Paulo") sendo o equivalente en galego "desvestir a un santo para vestir a outro", procede deste período no que o diñeiro destinado á abadía, dedicada a san Pedro, destinouse ao tesouro da catedral de San Paulo. En 1640 sufriu diversos danos ao seres atacada por puritanos pero foi protexida de novo grazas ás súas estreitas relacións co estado. Oliver Cromwell recibiu un fastuoso funeral no templo en 1658 para ser desenterrado en xaneiro de 1661 por orde de Carlos II.

A abadía volveu a mans dos bieitos baixo o reinado da raíña María que morreu en 1558 durante o reinado da súa irmá, Isabel I e foi soterrada na mesma abadía. En 1579, Isabel I de Inglaterra recuperouna converténdoa na igrexa colexiata de San Pedro.

As dúas torres situadas ao oeste da catedral construíronse en 1722 por Christopher Wren e Nicholas Hawksmoor; están feitas con pedra de Portland e son un exemplo da revitalización do deseño gótico. No século XIX realizáronse diversas reformas.

Coroacións

Dende a coroación de Guillerme o Conquistador en 1066, todos os monarcas ingleses foron coroados na abadía, agás Jane Grey, Eduardo V e Eduardo VIII. O arcebispo de Canterbury é o encargado de realizares a cerimonia da coroación. A cadeira de santo Eduardo ("St, Edward's Chair"), o trono no que os soberanos sentan no momento da coroación, consérvase no interior do templo.

Soterramentos

Henrique III reconstruíu a abadía en honra a santo Eduardo o confesor, cuxos restos repousan no santuario, o seu corpo atópase soterrado moi preto, na zona na que repousan os reis Plantagenet, as súas donas e fillos.

Monarcas soterrados en Westminster

Reis de Inglaterra

Eduardo o Confesor e a súa dona Edita de Wessex
Henrique III de Inglaterra
Eduardo I de Inglaterra e a súa dona Leonor de Castela
Eduardo I de Inglaterra e a súa dona Felipa de Henao
Ricardo II de Inglaterra e a súa dona Ana de Bohemia
Henrique V de Inglaterra e a súa dona Catarina de Valois
Eduardo V de Inglaterra
Henrique VII de Inglaterra e a súa dona Isabel de York
Eduardo VI de Inglaterra
María I de Inglaterra
Isabel I de Inglaterra

Reis de Inglaterra e Escocia

Xacobe I e a súa dona Ana de Dinamarca
Carlos II
María II
Guillerme III
Ana I e o seu marido o príncipe Xurxo de Dinamarca
Xurxo II e a súa dona Carolina de Ansbach

Outros persoeiros reais

Ana Neville, dona de Ricardo III de Inglaterra
Ana de Cleves (1515-1557), dona de Henrique VIII
María I de Escocia, raíña de Escocia
Isabel de Bohemia

Ademais, hai outros moitos sepulturas de príncipes e membros da familia real.

Os aristócratas atópanse soterrados nas capelas laterais e os monxes e as persoas relacionadas coa abadía noutras zonas. Entre os personaxes que non pertencen á realeza e que están soterrados na abadía de Westminster destacan:

Notas

Ligazóns externas

Google Maps