Stobart Air
Stobart Air é unha aeroliña rexional da República de Irlanda con sede en Dublín e que opera en Irlanda, Reino Unido, Francia e a Illa de Man baixo as marcas de Aer Lingus Regional, BA CityFlyer e KLM Cityhopper. Stobart Air ten bases operativas en Cork, Dublín e a Illa de Man para Aer Lingus Regional. A aeroliña ten 570 empregados.
| Stobart Air | ||
|---|---|---|
| IATA RE | OACI STK | Indicativo STOBART |
| Fundación | 19 de marzo de 2014 | |
| Frota | 18 | |
| Destinos | 20 | |
| Páxina web: https://stobartair.com | ||
Fundouse como Aer Arann en 1970 pero no ano 2014 refinanciouse e cambiou o seu nome a Stobart Air. Aer Arann foi unha aeroliña rexional tamén baseada en Dublín que operaba servizos regulares en nome de Aer Lingus Regional.
Historia
editarAer Arann
editarAer Arann foi fundada en 1970 por James Coen e Ralph Langa para proporcionar servizos entre Galway e as Oileáin Árann na costa oeste de Irlanda. O seu primeiro voo foi no mes de agosto dese ano entre Galway e Inis Mór usando un Britten-Norman Islander.
Nos anos 80, a compañía ampliou os seus servizos coa liña entre Galway e Dublín. En 1994 Padraig O’Ceidigh e Eugene O'Kelly mercaron a compañía, comezando un período de maior expansión. En 1998 creouse a liña Sligo-Dublín.
No 2002 comezaron os servizos ao Reino Unido e Jersey coas liñas entre Cork e Birmingham. Seguindo o éxito das rutas co Reino Unido, no 2004 a compañía introduciu o servizo entre Galway, Waterford e Cork con Lorient, o primeiro paso da aeroliña irlandesa na Europa continental. Tamén no 2004 establecéronse voos con Nantes, tamén na Bretaña.
En 2008 Aer Arann asinou un acordo de franquía con Nex Aviation e comezou a voar a Ámsterdam, Bordeos, Málaga e Faro usando avións British Aerospace 146 durante os meses de verán. O servizo a Ámsterdam, operado cun ATR 72-500, rematou o 14 de xaneiro de 2009.
Frota
editarFrota actual
editarEn agosto do 2010 a frota de Aer Arann estaba formada por un total de 12 avións:
- ATR 42: 5 (48 ou 50 pasaxeiros)
- ATR 72: 3 (68 ou 70 pasaxeiros)
- Britten-Norman Islander: 3 (9 pasaxeiros)
- Saab 340: 1 (34 pasaxeiros)
Frota histórica
editar- ATR 72-500 (actualmente opera con Aer Lingus Regional)
- BAe 146-200
- Fokker 50
- Piper PA-31 Navajo
- Short 360
| Wikimedia Commons ten máis contidos multimedia na categoría: Stobart Air |