ATR 42
O ATR 42 é un avión bimotor turbohélice rexional de curto alcance fabricado en Francia e Italia por ATR (Aerei da Trasporto Regionale ou Avions de transport régional). Os modelos de ATR son ensamblados finalsmente en Tolosa, e comparten recursos e tecnoloxía con Airbus. O nome "42" ven do número estándar de asentos do avión, que varía de 40 a 52. O aparello serve como base para o máis grande ATR 72.
| ATR 42 | |
|---|---|
 ATR 42 de Portugália no aeroporto da Coruña | |
| Tipo | avión rexional |
| Fabricante | ATR |
| Primeiro voo | 16 de agosto de 1984 |
| Introducido | 3 de decembro de 1985 |
| Produción | 1984 - presente |
| Unidades construídas | 457[1] |
Deseño e desenvolvemento
editarO ATR 42–300 foi anunciado en 1981, facendo o seu voo de estrea o 16 de agosto de 1984. As certificacións francesa e italiana chegaron en setembro de 1985 e o seu primeiro servizo foi no mes de decembro dese ano con Air Littoral.[2] Esta versión inicial do ATR 42 fabricouse ata 1996. A seguinte actualización do avión foi o ATR 42-320 (tamén producido ata 1996), que estaba equipada cos máis potentes motores PW-121. O ATR 42-300QC é unha versión convertible de pasaxeiros/carga da serie −300.[3]
A seguinte versión de produción é a serie -500. Esta foi unha versión mellorada con motores PW127, hélices de seis pás, rendemento mellorado en ambientes quentes e altos, máis capacidade de peso e unha cabina de pasaxe mellorada. O ATR 42–500 foi certificado en xullo de 1995.[3] A versión actual en fabricación é a serie -600. Anunciada en 2007, as súas entregas comezaron no ano 2012 e é semellante ao -500 pero equipado con motores PW127M, unha nova cabina de mando e varias melloras menores. En abril de 2017 foran entregados 457 ATR 42 en todo o mundo.
Notas
editar- ↑ Rzjets (ed.). "Lista de produción do ATR 42". Consultado o 7 de maio de 2017.
- ↑ ATR (ed.). "Milestones". Arquivado dende o orixinal o 17 de outubro de 2006. Consultado o 7 de maio de 2017.
|urlarquivo=e|url-arquivo=redundantes (Axuda);|dataarquivo=e|data-arquivo=redundantes (Axuda) - ↑ 3,0 3,1 Airliners (ed.). "ATR 42". Consultado o 7 de maio de 2017.