R.E.M.

R.E.M. foi unha banda de rock alternativo estadounidense creada en 1980 en Athens, Xeorxia. Estivo formada por Michael Stipe (voz), Peter Buck (guitarra), Mike Mills (baixo) e Bill Berry (batería); este último deixou o grupo en 1997. R.E.M. foi unha das bandas de rock alternativo máis populares, e unha das primeiras do xénero en chegar ao gran público durante a década dos 80.

R.E.M.
R.E.M. en directo
Orixe	Athens, Xeorxia, Estados Unidos
Período	1980 – 2011
Xénero(s)	rock alternativo
Selo(s) discográfico(s)	I.R.S. Records, Warner Bros. Records
Membros	Peter Buck Mike Mills Michael Stipe Bill Berry
Artistas relacionados	10,000 Maniacs, Automatic Baby, The B-52's, The Baseball Project, Filthy Friends, Hindu Love Gods, The Minus 5, The Troggs, Tired Pony, Tuatara, U2, Warren Zevon
Na rede
http://remhq.com

O día 21 de setembro do 2011 a banda anunciaba a súa disolución a través da súa páxina web oficial.

Traxectoria

R.E.M. marcou o punto na historia do rock onde o post-punk converteuse en rock alternativo. Dende o primeiro sinxelo "Radio Free Europe", lanzado en 1981, xerou un movemento "de volta ao garaxe" no underground estadounidense. Mentres existía un número grande de bandas hardcore e punk nos Estados Unidos durante o inicio dos anos 80, R.E.M. trouxo de volta o pop rock de finais dos anos 60 dun xeito tan único que soaba ao mesmo tempo tradicional e moderno. A pesar de non haber grandes innovacións na súa música, R.E.M. ten unha identidade e unha actitude que transformou o underground estadounidense.

Ao longo dos anos 80 traballaron incansablemente, lanzando discos todos os anos e con xiras constantes en teatros e pequenos clubs. Pasaron anos ata que R.E.M. alcanzou a cima das listas, pero dende o principio, dende o lanzamento do EP Chronic Town en 1982, a banda ven conquistando a admiración e o respecto do seu público sempre en aumento. Chronic Town establecía unha mestura de folk e garage rock que se converteu na marca rexistrada da banda durante os seguintes cinco anos.

A finais dos anos 80 o público da banda medrara o suficiente para garantir grandes vendas, pero o grande éxito comercial do álbum Document de 1987, empurrado polo sinxelo "The One I Love" foi inesperado, especialmente porque R.E.M. pouco cambiara no seu son e na súa actitude diante dos medios. Despois de Document, a banda lentamente converteuse nunha das máis populares do mundo. Logo dunha exhaustiva xira internacional de presentación do álbum Green, de 1988, R.E.M. parou coas xiras e concentrouse no estudio, cando gravou os seus álbums máis exitosos: Out of Time (1991) e Automatic for the People (1992).

Discografía

Álbums

Álbum	Ano	Selo
Murmur	1983	I.R.S. Records
Reckoning	1984	I.R.S. Records
Fables of the Reconstruction	1985	I.R.S. Records
Lifes Rich Pageant	1986	I.R.S. Records
Document	1987	I.R.S. Records
Green	1989	Warner Bros. Records
Out of Time	1991	Warner Bros. Records
Automatic for the People	1992	Warner Bros. Records
Monster	1994	Warner Bros. Records
New Adventures in Hi-Fi	1996	Warner Bros. Records
Up	1998	Warner Bros. Records
Reveal	2001	Warner Bros. Records
Around the Sun	2004	Warner Bros. Records
Accelerate	2008	Warner Bros. Records
Collapse into Now	2011	Warner Bros. Records

EPs

Álbum	Ano	Selo
Chronic Town	1982	I.R.S. Records
Not Bad for No Tour	2001	Warner Bros. Records
Vancouver Rehearsal Tapes	2003	Warner Bros. Records
Live from London	2008	Warner Bros. Records
Reckoning Songs from the Olympia	2009	Warner Bros. Records
Deep Cuts: R.E.M.	2009	Warner Bros. Records

Recompilatorios

• Dead Letter Office - 1987
• Eponymous - 1988
• The Best of R.E.M. - 1991
• In Time - The Best of R.E.M. 1988-2003 - 2003

Véxase tamén

Ligazóns externas

• Páxina oficial (en inglés)
• Páxina de fans, con táboaturas (en inglés)
• Páxina con novas sobre o grupo (en inglés)Arquivado 27 de xaneiro de 2005 en Wayback Machine.
• (en inglés) www.rem-fan.com