Psitacosauro

Psitacosauro Rango fósil: Cretáceo inferior
P. meileyingensis
Estado de conservación
Extinto (fósil)
Clasificación científica
Clase: Sauropsida Superorde: Dinosauria Orde: Ornithischia Suborde: Cerapoda Infraorde: Ceratopsia Familia: Psittacosauridae Xénero: Psittacosaurus Osborn, 1923
Especies
Especies de Psittacosauro P. mongoliensis Osborn, 1923 P. sinensis Young, 1958 P. meileyingensis Sereno et al., 1988 P. xinjiangensis Sereno & Zhao, 1988 ?P. sattayaraki Buffetaut & Suteethorn, 1992 P. neimongoliensis Russell & Zhao, 1996 P. ordosensis Russell & Zhao, 1996 P. mazongshanensis Xu, 1997 P. sibiricus Leshchinskiy et al., 2000 P. lujiatunensis Zhou et al., 2006 P. gobiensis Sereno, Zhao and Lin, 2010
Sinonimia
Protiguanodon Osborn, 1923 Hongshanosaurus You, Xu, & Wang, 2003

O psitacosauro (Psittacosaurus, "lagarto papagaio", do grego ψιττακος/psittakos, "papagaio" e σαυρος/sauros, "lagarto") é un xénero de dinosauro cerátopo psitacosáurido que viviu no Cretáceo inferior no que hoxe en día é Asia, hai entre 130 e 100 millóns de anos. É o xénero de dinosauros con máis especies coñecidas. Recoñécense cando menos dez especies diferentes a partir de fósiles atopados en diferentes rexións da China, Mongolia e Rusia, cunha posible especie adicional de Tailandia.

Tódalas especies de psitacosauro eran da medida dunha gacela, bípedes e herbívoros, caracterizadas por un pico elevado e potente na mandíbula superior. Só unha das especies tiña estruturas alongadas semellantes a plumas sobre a cola e a parte posterior do lombo, que probablemente servían para exhibirse. Os psitacosauros son cerátopos extremadamente primitivos e, mentres que desenvolveron adaptacións novas propias, tamén compartían moitos trazos anatómicos acos cerátopos máis tardíos, como protocerátops e o tricerátops, da medida dun elefante.