1495

Sa paj ka konsèrnen lannen 1495 di kalandriyé julyen.

Évènman

• 27 mars, Hispaniola : batay di La Vega Real. Lò di roun atak sirpriz, 200 soda èspagnòl, 20 kavalyé é 20 chyen di briga ka pénétré annan roun lyé trè péplé an téritwar taino, ka dispèrsé endijenn-tan é ka an masakré plizyò, garoulò oben pa-garoulò. Sa vyolans-ya ka pèrmèt o kolon di pran avantaj-a asou otoktonn-yan ki té ka rézisté éfikasman jouk-la, é di bay balon à yé soumisyon.

• Òktòb : rivé di Juan de Aguado à La Isabela. Rwè katolik-ya, ki enfòrmé pa Buyl ké Marguerit dé djopopo ki ka soukouyé kolonni-a, ka voyé atè Hispaniola oun koumisyon rwayal di ankèt pa Sévillan Juan de Aguado.

• 25 désanm, Tenerife : viktwè définitiv dé Èspagnòl di Alonso Fernández de Lugo kont Guanches à La Victoria de Acentejo.

• Lanpir songhaï : Askia Mohammed, ki ka konsidéré ki so lanpir sa pasifyé, ka konfyé réjans-a di so frè Omar (Amar Komzago) é ka éfèktchwé roun pélrinaj atè La Mecque.

• Lendonnézi : Souvren-an di Ternate Zain al-'Abidin (1486-1500) ka randé so kò à Giri asou kot nò-a di Java pou parféré so konnésans di Lislanm-an (1495-1501). Koumansman di islanmizasyon-an dé Moluque.