Loenen (Apeldoarn)

	Loenen (Apeldoarn)
	Herfoarme, no Protestantske Tsjerke yn Nederlân yn Loenen
	Bestjoer
Lân	Nederlân
Provinsje	Gelderlân
Gemeente	Apeldoarn
	Sifers
Ynwennertal	3.385 (2021)
	Oar
Postkoade	7370-7371
Tiidsône	UTC +1
Simmertiid	UTC +2
Koördinaten	52° 7' NB, 6° 1' EL
	Kaart
	;
	Kaart
	Lizzing fan Loenen yn de gemeente Apeldoarn

Loenen (Nedersaksysk: Loen) is in doarp yn de gemeente Apeldoarn yn de provinsje Gelderlân.

Loenen bestiet út twa dielen, dy't yn it ferline ûnder de nammen Lona en Sulvalda (de tsjintwurdige wyk Zilven) bekend wienen. Dy namme stammet al út 838.

Loenen wie oant 1818 in selsstannige gemeente, wêrnei't it taheakke waard by de gemeente Apeldoarn.

Fan 2 july 1887 oant 1 augustus 1950 hie Loenen in stasjon oan it spoar fan Dieren nei Apeldoarn. Tsjintwurdich is dêr in halte fan de Veluwsche Stoomtrein Maatschappij.

It besjen wurdich

Justjes benoarden Loenen lizze de (keunstmjittige) Loenense wetterfallen, mei it grutste hichteferskil fan Nederlân.
Papierfabryk de Middelste Molen oan it Apeldoarns kanaal is ien fan de trije plakken yn Nederlân dêr't noch op de âlde manier fan fodden papier makke wurdt.
Besúdwesten Loenen leit it bosk- en heidegebiet de Loenermark mei har skiepskoai en súdlik dêrfan de Zilvensche heide dêr't de itichbasis fan it Nederlânske lânmjitkundige trijehoeksnet stiet.
Yn it noardeasten fan Loenen leit Kastiel Ter Horst.
It Earefjild Loenen, in earebegraafplak mei slachtoffers út de Twadde Wrâldoarloch.