Olympyske Simmerspullen 2016

De Olympyske Simmerspullen fan 2016 (Portegeesk: Jogos Olímpicos de Verão de 2016), offisjeel bekend as de Spullen fan de XXXI Olympiade, wiene in grut ynternasjonaal sportevenemint yn 'e tradysje fan 'e Olympyske Spullen, dat yn 'e simmer fan 2016 holden waard yn it Brazyljaanske Rio de Janeiro. Hoewol't dizze edysje fan 'e Simmerspullen formeel fan 5 oant 21 augustus rûn, wiene de groepswedstriden fan it frouljusfuotbal al op 3 augustus úteinset, twa dagen foar de iepeningsseremoanje. Oan 'e Spullen diene mear as 11.000 sporters mei út 206 ûnderskate lannen. Foar Kosovo en Súd-Sûdan wie dit har earste dielname ea oan 'e Olympyske Spullen. It evenemint omfieme fierders 306 ûnderdielen yn 28 ferskillende sporten, wêrfan't it meastepart organisearre waard yn of om Rio de Janeiro, wylst in diel 'útbestege' waard oan fiif oare Brazyljaanske stêden, te witten: Belo Horizonte, Brasilia (de haadstêd), Manaus, São Paulo en Salvador. De Spullen fan Rio de Janeiro wiene de earste edysje fan 'e Olympyske Spullen (Simmer- en Winterspullen) dy't yn Súd-Amearika holden waarden, en teffens de earsten dy't yn in Portegeesktalich lân holden waarden. Nei de Olympyske Simmerspullen waarden yn Rio de Janeiro ek de Paralympyske Simmerspullen organisearre.

XXXIe Olympiade
holden yn	Rio de Janeiro (Brazylje)
jier	2016
data	3-21 augustus
organisator	IOC
dielnimmende lannen	206
dielnimmende atleten	> 11.000
eveneminten	306 yn 28 sporten
iepeningsseremoanje	5 augustus
slutingsseremoanje	21 augustus
edysjes
foarige	Londen 2012
folgjende	Tokio 2020
Temaside  Sport

Organisaasje en swierrichheden

De organisaasje fan 'e Olympyske Simmerspullen fan Rio de Janeiro waard pleage troch ferskate swierrichheden en skandalen. Yn it foarste plak fûn in grut part fan 'e Brazyljanen dat it regear mei de organisaasje fan it evenemint foar miljarden dollars fuortsmiet dy't better brûkt wurde kinnen hiene foar de sûnenssoarch, de nasjonale ynfrastruktuer of it miljeu. Sadwaande wiene der yn 'e oanrin nei en ek noch ûnder de Spullen ferskate grutte demonstraasjes tsjin it sportbarren.

Troch in ekonomyske krisis yn Brazylje kaam fierders de oanlis fan 'e nedige sportfasiliteiten, ynfrastruktuer en de ûnderkommens fan 'e sporters yn 'e knipe. In protte projekten kamen pas luttele dagen foar de iepeningsseremoanje ree en guon bûtenlânske ôffurdigings wiene min te sprekken oer de steat fan har ferbliuwen yn it Olympysk doarp, dêr't nei't it skynt lekkende wetterliedings en bleatlizzende elektrisiteitsbekeabeling fuort njonkeninoar foarkaam. Troch inregearingskrisis wêrby't de Brazyljaanske presidinte Dilma Rousseff in fearnsjier foar de Spullen oan 'e kant waard op beskuldiging fan korrupsje waarden dizze swierrichheden noch oanboaze.

Follybalster Fabiana Claudino draacht it Olympyske flam.

As oft dat noch net genôch wie, hie Brazylje ûnderwilens ek noch te krijen mei in útbraak fan it troch langpoaten oerbrochte sikafirus, dat by ûnberne poppen de oandwaning mikrosefaly feroarsaakje kin (in ferlytsing fan 'e plasse dy't de ûntjouwing fan 'e harsens behinderet). Dat firus is sadwaande yn it bysûnder gefaarlik foar swiere froulju, mar is ek net ûngefaarlik foar oare persoanen. De measte sporters besleaten nettsjinsteande dat risiko dochs nei Brazylje ôf te reizgjen; inkeld yn it manljusgolf wiene der om dizze reden in protte ôfsizzings.

In probleem fan in hiele oare grutte wie de Baai fan Guanabara, dêr't it hurdsilen en wynsurfen holden waard, mar dy't desennialang troch Rio de Janeiro brûkt wie om it rioelwetter op te loazen. It organisearjend komitee hie ûnthjitten dat de baai skjinmakke wurde soe, mar dêr kaam neat fan op 'e hispel en doe't de Olympyske Spullen úteinsetten, wie der inkeld besocht om it driuwend ôffal út it sylwetter te kearen. Ferskate silers seine dat dit it smoarchste wetter wie dêr't se ea op syld hiene, en oaren, dy't oerboard slein of kapseisd wiene, rapportearren neitiid dreech te bestriden bakteriële ynfeksjes.

Ta ein beslút hie it Ynternasjonaal Olympysk Komitee (IOC) syn eigen soargen, mei it Russysk dopingskandaal, dat in skaad oer de Olympyske Simmerspullen fan 2016 smiet. De Russyske atletykploech waard hielendal útsletten fan dielname, mar it IOC besleat in pear dagen foar de iepening fan 'e Spullen dat oare Russyske sporters wol dielnimme mochten as harren respektivelike ynternasjonale sportbûnen dat goedkarden. Dy beslissing kaam it IOC op in protte krityk te stean, net yn it lêste plak fan 'skjinne' atleten, dy't poerlulk wiene dat bewiisde dopingbrûkers dochs talitten waarden. Doe't in pear dagen nei de iepeningsseremoanje it Ynternasjonaal Paralympysk Komitee (IPC) àl besleat om 'e hiele Russyske ploech út te sluten fan dielname oan 'e Paralympyske Simmerspullen fan 2016, pleatste dat de eardere beslissing fan it IOC hielendal yn in nuver ljocht.

Sporten

De folgjende sporten makken diel út fan 'e Olympyske Simmerspullen fan 2016, mei it tal ûnderdielen tusken heakjes. (Offisjeel wiene der 28 sporten, mar dan wurde alle wettersporten as ien sport beskôge en bgl. follybal en strânfollybal ek.)

• Atletyk (47)
• Baanhurdfytsen (10)
• Badminton (5)
• Basketbal (2)
• Berchfytsen (2)
• Bôgesjitten (4)
• Boksen (13)
• Dykhurdfytsen (4)
• Follybal (2)

• Fuotbal (2)
• Fytskrossen (2)
• Gewichtheffen (15)
• Gymnastyk (18)
• Golf (2) (nij)
• Hânbal (2)
• Hynstesport (6)
• Hockey (2)
• Hurdsilen (10)

• Judo (14)
• Kanofarren (16)
• Keunstdûken (8)
• Moderne Fiifkamp (2)
• Roeien (14)
• Rugby (2) (nij)
• Syngroanswimmen (2)
• Sjitsport (15)
• Skermjen (10)

• Strânfollybal (2)
• Swimmen (34)
• Teakwondo (8)
• Tafeltennis (4)
• Tennis (5)
• Triatlon (2)
• Wetterpolo (2)
• Wrakseljen (18)

Kalinder

IS

iepeningsseremoanje

●

groeps- en kwalifikaasjewedstriden

1

finales

SG

showgala

ÔS

ôfslutingsseremoanje

augustus		3 woa.	4 tong.	5 freed	6 sneon	7 snein	8 moan.	9 tii.	10 woa.	11 tong.	12 freed	13 sneon	14 snein	15 moan.	16 tii.	17 woa.	18 tong.	19 freed	20 sneon	21 snein	finales
seremoanjes				IS																ÔS
Atletyk											3	5	4	5	5	4	6	7	7	1	47
Baanhurdfytsen										1	2	2	1	1	3						10
Badminton										●	●	●	●	●	●	1	1	2	1		5
Basketbal					●	●	●	●	●	●	●	●	●	●	●	●	●	●	1	1	2
Berchfytsen																			1	1	2
Bôgesjitten				●	1	1	●	●	●	1	1										4
Boksen					●	●	●	●	●	●	●	●	1	1	1	1	1	1	3	4	13
Dykhurdfytsen					1	1			2												4
Follybal					●	●	●	●	●	●	●	●	●	●	●	●	●	●	1	1	2
Fuotbal		●	●		●	●		●	●		●	●			●	●		1	1		2
Gewichtheffen					1	2	2	2	2		2	1	1	1	1						15
Gymnastyk	ritmysk																	●	1	1	18
	trampoline										1	1
	turnjen				●	●	1	1	1	1			4	3	3	SG
Golf										●	●	●	1			●	●	●	1		2
Hânbal					●	●	●	●	●	●	●	●	●	●	●	●	●	●	1	1	2
Hynstesport					●	●	●	2	●	●	1		●	1	●	1		1			6
Fytskrossen																●	●	2			2
Hockey					●	●	●	●	●	●	●	●	●	●	●	●	1	1			2
Hurdsilen							●	●	●	●	●	●	2	2	2	2	2				10
Judo					2	2	2	2	2	2	2										14
Kanofarren	slalom					●	●	1	1	2											16
	sprint													●	4	●	4	●	4
Keunstdûken						1	1	1	1		●	●	1	●	1	●	1	●	1		8
Moderne fiifkamp																	●	1	1		2
Roeien					●	●	●	●	2	4	4	4									14
Rugby					●	●	1	●	●	1											2
Syngroanswimmen													●	●	1		●	1			2
Sjitsport					2	2	2	1	2	1	2	2	1								15
Skermjen					1	1	1	1	2	1	1	1	1								10
Strânfollybal					●	●	●	●	●	●	●	●	●	●	●	1	1				2
Swimmen					4	4	4	4	4	4	4	4		1	1						34
Teakwondo																2	2	2	2		8
Tafeltennis					●	●	●	●	1	1	●	●	●	●	1	1					4
Tennis					●	●	●	●	●	●	1	1	3								5
Triatlon																	1		1		2
Wetterpolo					●		●	●	●	●	●	●	●	●	●	●	●	1	1		2
Wrakseljen													2	2	2	3	3	2	2	2	18
totaal tal finales					12	14	14	15	20	19	24	21	22	17	25	16	23	22	30	12	306
tal finales dien					12	26	40	55	75	94	118	139	161	178	203	219	242	264	294	306
augustus		3 woa.	4 tong.	5 freed	6 sneon	7 snein	8 moan.	9 tii.	10 woa.	11 tong.	12 freed	13 sneon	14 snein	15 moan.	16 tii.	17 woa.	18 tong.	19 freed	20 sneon	21 snein	finales

Dielnimmende lannen

De dielnimmende lannen oan 'e Olympyske Simmerspullen fan 2016, mei it tal yndividuële sporters oanjûn.

• Afganistan : 3
• Albaanje: 6
• Algerije: 67
• Amerikaansk-Samoa: 4
• Amerikaanske Famme-eilannen: 7
• Andorra: 5
• Angoala: 25
• Antigua en Barbûda: 9
• Argentynje: 213
• Armeenje: 33
• Arûba: 7
• Austraalje: 421
• Azerbeidzjan: 56
• Bachrein: 35
• Bahama's: 28
• Banglades: 7
• Barbados: 12
• Belgje: 108
• Belize: 3
• Benyn: 6
• Bermuda: 8
• Boerkina Faso: 5
• Boerûndy: 9
• Bolivia: 12
• Bosnje en Herzegovina: 11
• Botswana: 12
• Brazylje: 465 (gastlân)
• Britske Famme-eilannen: 4
• Brûnei: 3
• Bulgarije: 51
• Bûtan: 2
• Cookeilannen: 9
•   Denemark: 122
• Dominika: 2
• Dominikaanske Republyk: 29
• Dútslân: 425
• Dzjibûty: 7
• Eastenryk: 71
• East Timor: 3
• Egypte: 120
• Ekwador: 38
• Ekwatoriaal-Guinee: 2
• El Salvador: 8
• Eritreä: 12
• Estlân: 45
• Etioopje: 34
• Fanuatû: 4
• Fenezuëla: 87
• Feriene Arabyske Emiraten: 13
• Feriene Steaten: 554
• Fidzjy: 51
• De Fillipinen: 13
• Finlân: 56
• Fjetnam: 23
• Frankryk: 395
• Gabon: 6
• Gambia: 4
• Gana: 14
• Geörgje: 39
• Grenada: 6
• Grikelân: 95
• Grut-Brittanje: 366
• Gûam: 5
• Gûatemala: 21
• Guyana: 6
• Guinee: 5
• Guinee-Bissau: 5
• Haïty: 10
• Hondoeras: 26

• Hongarije : 160
• Hongkong: 38
• Ierlân: 77
•   Yslân: 8
• Yndividuele Olympyske Atleten
• Yndia: 124
• Yndoneezje: 28
• Irak: 23
• Iran: 64
• Israel: 48
• Itaalje: 309
• Ivoarkust: 12
• Jamaika: 68
• Japan: 338
• Jemen: 4
• Jordaanje: 8
• De Kaaimaneilannen: 5
• Kaapverdje: 5
• Kambodja: 6
• Kameroen: 24
• Kanada: 314
• Katar: 38
• Kazachstan: 104
• Kenia: 89
• Kirgyzje: 19
• Kiribaty: 3
• Kolombia: 147
• Komoaren: 4
• Demokratyske Republyk Kongo: 4
• Kongo: 10
• Kosovo: 8
• Kosta Rika: 10
• Kroaasje: 87
• Kuba: 120
• Laos: 6
• Lesoto: 8
• Letlân: 34
• Libanon: 9
• Libearia: 2
• Lybje: 7
• Lychtenstein: 3
• Litouwen: 67
• Lúksemboarch: 10
• Madagaskar: 6
• Malawy: 5
• Maldiven: 4
• Maleizje: 32
• Maly: 6
• Malta: 7
• Marokko: 51
• Marshalleilannen: 5
• Mauritaanje: 2
• Mauritsius: 12
• Meksiko: 125
• Mikroneezje: 5
• Moldaavje: 23
•   Monako: 3
• Mongoalje: 43
• Montenegro: 34
• Mozambyk: 6
• Myanmar: 7
• Namybje: 10
• Naurû: 2
• Nederlân: 242
•     Nepal: 7
• Nigearia: 75
•   Niger: 6
• Nij-Seelân: 199
• Nikaragûa: 5

• Noard-Korea: 35
• Noard-Masedoanje: 6
•   Noarwegen: 62
• Oekraïne: 203
• Oerûguay: 17
• Oezbekistan: 70
• Omaan: 4
• Pakistan: 7
• Palestina: 6
• Panama: 10
• Palau: 5
• Papoea Nij-Guinea: 8
• Paraguay: 11
• Perû: 29
• Poalen: 243
• Portegal: 92
•   Porto Riko: 42
• Roemeenje: 97
• Rûanda: 8
• Ruslân: 282
• De Salomonseilannen: 3
• Sambia: 7
• Samoä: 8
•   San Marino: 5
• Sao Tomee en Prinsyp: 3
• Saûdy-Araabje: 12
• Seysjellen: 10
• Senegal: 22
• Servje: 104
• Sierra Leöane: 2
• Sily: 42
• Simbabwe: 31
• Sina: 413
• Sineesk Taipei: 60
• Singapoer: 25
• Sint Vincent en de Grenadinen: 4
• Sint Kits en Nevis: 7
• Sint-Lusia: 5
• Sintraal-Afrikaanske Republyk: 6
• Syprus: 16
• Syrje: 7
• Sloveenje: 61
• Slowakije: 51
• Somaalje: 2
• Spanje: 306
• Sry Lanka: 9
• Súd-Afrika: 137
• Súd-Koreä: 205
• Súd-Sûdan: 3
• Sûdan: 6
• Suriname: 6
• Swazylân: 2
• Sweden: 152
•   Switserlân: 104
• Tadzjikistan: 7
• Tailân: 54
• Tanzania: 7
• Togo: 5
• Tonga: 7
• Trinidad en Tobago: 32
• Tsjaad: 2
• Tsjechje: 105
• Tuneezje: 61
• Turkije: 103
• Turkmenistan: 9
• Tûvalû: 1
• Uganda: 21
• Wyt-Ruslân: 121
• Olympysk flechtlingetiim: 10

Medaljespegel

Plak	Lân	NOK				Totaal
1	Feriene Steaten	USA	46	37	38	121
2	Grut-Brittanje	GBR	27	23	17	67
3	Sina	CHN	26	18	26	70
4	Ruslân	RUS	19	18	19	56
5	Dútslân	GER	17	10	15	42
6	Japan	JPN	12	8	21	41
7	Frankryk	FRA	10	18	14	42
8	Súd-Koreä	KOR	9	3	9	21
9	Itaalje	ITA	8	12	8	28
10	[Austraalje	AUS	8	11	10	29
11	Nederlân	NED	8	7	4	19
12	Hongarije	HUN	8	3	4	15
13	Brazylje (gastlân)	BRA	7	6	6	19
14	Spanje	ESP	7	4	6	17
15	Kenia	KEN	6	6	1	13
16	Jamaika	JAM	6	3	2	11
17	Kroaasje	CRO	5	3	2	10
18	Kuba	CUB	5	2	4	11
19	Nij-Seelân	NZL	4	9	5	18
20	Kanada	CAN	4	3	15	22
21	Oezbekistan	UZB	4	2	7	13
22	Kazachstan	KAZ	3	5	9	17
23	Kolombia	COL	3	2	3	8
24	Switserlân	SUI	3	2	2	7
25	Iraan	IRI	3	1	4	8
26	Grikelân	GRE	3	1	2	6
27	Argentynje	ARG	3	1	0	4
28	Denemark	DEN	2	6	7	15
29	Sweden	SWE	2	6	3	11
30	Súd-Afrika	RSA	2	6	2	10
31	Oekraïne	UKR	2	5	4	11
32	Servje	SRB	2	4	2	8
33	Poalen	POL	2	3	6	11
34	Noard-Koreä	PRK	2	3	2	7
35	Belgje	BEL	2	2	2	6
	Tailân	THA	2	2	2	6
37	Slowakije	SVK	2	2	0	4
38	Georgje	GEO	2	1	4	7
39	Azerbeidzjan	AZE	1	7	10	18
40	Wyt-Ruslân	BLR	1	4	4	9
41	Turkije	TUR	1	3	4	8
42	Armeenje	ARM	1	3	0	4
43	Tsjechje	CZE	1	2	7	10
44	Etioopje	ETH	1	2	5	8
45	Sloveenje	SLO	1	2	1	4
46	Yndoneezje	INA	1	2	0	3
47	Roemeenje	ROU	1	1	3	5
48	Bachrein	BRN	1	1	0	2
	Fjetnam	VIE	1	1	0	2
50	Sineesk Taipei	TPE	1	0	2	3
51	Bahama's	BAH	1	0	1	2
	Ivoarkust	CIV	1	0	1	2
	Yndividuele Olympyske Atleten	IOA	1	0	1	2
54	Fidzjy	FIJ	1	0	0	1
	Jordaanje	JOR	1	0	0	1
	Kosovo	KOS	1	0	0	1
	Porto Riko	PUR	1	0	0	1
	Singapoer	SIN	1	0	0	1
	Tadzjikistan	TJK	1	0	0	1
60	Maleizje	MAS	0	4	1	5
61	Meksiko	MEX	0	3	2	5
62	Algerije	ALG	0	2	0	2
	Ierlân	IRL	0	2	0	2
64	Litouwen	LTU	0	1	3	4
65	Bulgarije	BUL	0	1	2	3
	Fenezuëla	VEN	0	1	2	3
67	Yndia	IND	0	1	1	2
	Mongoalje	MGL	0	1	1	2
69	Boerûndy	BDI	0	1	0	1
	Grenada	GRN	0	1	0	1
	Niger	NIG	0	1	0	1
	Filipinen	PHI	0	1	0	1
	Katar	QAT	0	1	0	1
74	Noarwegen	NOR	0	0	4	4
75	Egypte	EGY	0	0	3	3
	Tuneezje	TUN	0	0	3	3
77	Israel	ISR	0	0	2	2
78	de Dominikaanske Republyk	DOM	0	0	1	1
	Eastenryk	AUT	0	0	1	1
	Estlân	EST	0	0	1	1
	de Feriene Arabyske Emiraten	UAE	0	0	1	1
	Finlân	FIN	0	0	1	1
	Marokko	MAR	0	0	1	1
	Moldaavje	MDA	0	0	1	1
	Nigearia	NGR	0	0	1	1
	Portegal	POR	0	0	1	1
	Trinidad en Tobago	TRI	0	0	1	1

Fryske medaljes

medalje	namme	sport	ûnderdiel	datum
goud	Marit Bouwmeester	silen	laser radial (froulju)	16 augustus
goud	Sanne Wevers	turnjen	balke (froulju)	15 augustus
brûns	Mechiel Versluis (mei 8 oaren)	roeien	acht (manlju)	13 augustus

Sjoch ek

• Paralympyske Simmerspullen 2016

Keppelings om utens

• (in) Offisjele webside fan 'e Olympyske en Paralympyske Simmerspullen fan 2016
• (in) Offisjele webside Ynternasjonaal Olympysk Komitee

Boarnen, noaten en referinsjes

Boarnen, noaten en/as referinsjes:

Foar boarnen en oare literatuer, sjoch ûnder: References, op dizze side. Commons Wikimedia Commons  Ofbylden dy't by dit ûnderwerp hearre, binne te finen yn de kategory 2016 Summer Olympics fan Wikimedia Commons.