Siemens Vectron
 Söl'ring
|
Siemens Vectron jit en Lokomotiiwen-Famiilie fan Siemens Mobility Systems.
Hat jeft diarfan fuaral Elektrolokomotiiwen, man em heer uk en Diesellok, di "Vectron DE" maaket, wat üs BR 247 iin ön't Register stuunt. Diarfan sen tauen uk naa Söl önerwai, hur ja fuar di blö Autotoch fan RDC laap. RDC heer di Maskiinen 247 908 en 247 909 ön Gang, en des haa di Noomen "Debbie" (908) en "Anne" (909) fingen.
Ön di Loks stuunt man ek "RDC" üs Bidriiwer, diar stuunt "SIEAG" fuar di Siemens AG. Di Maskiinen sen hüürt. Mermung sen ja tö Beacon Rail Leasing forkoopet (BRLL).
Üs al fuarof heer Siemens diarön aarbert, en Lokomotiiwenn-Konsept muar bal ark Energiisysteem tö bech, wat hiilendal üp jen Köörstaal montiaret uur ken.
Bi Lokomotiiwen es di Swaarhair, dat di Sjiinen fan Lön tö Lön forskelig fiir ütenachtler sen sa üs uk di Stroom forskelig es, hur di Elektroloks me laap skel. Bitö kumt, dat ek ark Toch 6,4 MW Maskiinen kraft nöörig heer, en sa mut Loks fuar forskeligi Systeemi önböören uur.
Di Vectron DE ken niin Persoonentoch me Stroom forsörigi, di uur diarom bluat fuar Autotoch en Frachtentochen önböören.
Aarten fan Vectron-Loks
[Bewerke | Kweltekst bewerke]Hat jeft fjuur Elektro- en en dieselelektrisk Lok. Sent 2018 es en Taukraft-Lok, Vectron Dual Mode diartökemen, wat me Köörwiir en Diesel laap ken.[1]. 2021 kām jit en Forsküüvlok diartö, di Dual Mode light.
Des sen di Varianten:
- Vectron MS, Muarsysteemlok me 6400 kW (~)/ 6000 kW (3 kV =)/ 3500 kW (1,5 kV =)[2] Maskiinkraft en 160 of 200 km/h Gauhair
- Vectron AC High Power, Wekselstroomlok me 6400 kW Maskiin en 160 of 200 km/h Gauhair (BR 193)
- Vectron AC Medium Power, Wekselstroomlok me 5600 kW Maskiin en 160 km/h Gauhair
- Vectron DC Medium Power, Likstroomlok me 5200 kW Maskiin en 160 of 200 km/h Gauhair (BR 191)
- Vectron DE, dieselelektrisk Lok me 2400 kW Maskiin en 160 km/h Gauhair (BR 247)
- Vectron Dual Mode, Taukraftlokomotiiwi füar Wekselstroom me Dieselmaskiin bitö, 2000 kW Maskiinenkraft en 160 km/h Gauhair (BR 248)
- Vectron Dual Mode light, Taukraftlokomotiiwi füar Wekselstroom me Dieselmaskiin bitö, 2000 kW / 926 kW Maskiinenkraft en 120 km/h Gauhair sa üs Laaprampen fuarn en achtern (BR 249)
Daaten
[Bewerke | Kweltekst bewerke]| Vectron MS, AC, DC (BR 191, 193 en Üđern) |
Vectron DE (BR 247) |
Vectron Dual Mode (BR 248) |
Vectron Dual Mode Light (BR 249) | |
|---|---|---|---|---|
| Leengdi aur Pufer | 18,98 m | 19,98 m | 19,98 m | 19,975 m |
| Breerhair | 3,01 m | 3,02 m | 3,02 m | 3,02 m |
| Hoogdi | 4,25 m | 4,22 m | 4,22 m | 4,22 m |
| Aksstand Draistaal | 3.000 mm | 2.800 mm | 2.800 mm | 2.800 mm |
| Akslast | maximaal 22,5 t | maximaal 22 t | maximaal 22,5 t | 21 t |
| Aksenformel | Bo’Bo’ | |||
| Weelendöörmeeter nii/ofriren | 1250 mm / 1160 mm | 1100 mm / 1020 mm | 1100 mm / 1020 mm | 1100 mm / 1020 mm |
| Spöör | 1435 mm bit 1676 mm | 1435 mm | 1435 mm | |
| Maskiinenkraft | 6,4 MW (~ Gurtest Maskiin) 5,6 MW (~ Merelstark Maskiin) 5,2 MW (=) |
2,0 bit 2,4 MW Üp Söl: 2,4 MW |
Dieselmaskiin: 2,4 MW Elektromaskiinen ön di Weelen: Öndreftskraft 2,0 MW | Elektro: 2.210 kW, Diesel: 750 kW ön't Weel, max. 926 kW Maskiinenkraft |
| Tochkraft | 300 kN | 275 kN | 300 kN | 300 kN |
| Elektobremskraft | 150 kN (optional 240 kN) | 150 kN | 150 kN | 150 kN |
| Max. Gauhair | 160 km/h bzw. 200 km/h | 160 km/h | 160 km/h | 120 km/h |
| Öndreft | Elektrisk | Dieselelektrisk (MTU 16V 4000 R84) |
elektrisk en dieselelektrisk (MTU 16V 4000 R84) |
elektrisk en dieselelektrisk (Cummins QST 30-L)[3] |
| Tank | -- | 4.000 l | 2.500 l | 1.500 l |
| Kraftübertragung | Diil-dempet Öndreft (Ritzelhohlwellenantrieb) | |||
| Spaning Köörwiir | 15 kV, 16,7 Hz ~ 25 kV, 50 Hz ~ 1,5 kV = 3 kV = Forskeligi Systeemi ken omseet uur |
- | 15 kV, 16,7 Hz ~ | 15 kV, 16,7 Hz ~ |
| Leechtrüm-Profiil | UIC 505-1 | |||
Luki uk jir
[Bewerke | Kweltekst bewerke]- ↑ Siemens Pressemitteilung: Siemens Mobility präsentiert neue Lokomotive Vectron Dual Mode, 28. August 2018
- ↑ Walter, A. (2015): BLS Cargo bestellt Siemens-Lokomotiven. In: Eisenbahn Österreich (EBÖ) 05/2015, S. 221 ff.
- ↑ Eisenbahn Kurier 8/2022. EK-Verlag, Freiburg im Breisgau August 2022, S. 44.