Lenk

Cél articllo est ècrit en arpetan supradialèctâl / ORB lârge.

Lo velâjo de Lenk avouéc, u fond a gôche, lo Wildstrubel et, a drêta, lo gllaciér de la Pllana Môrta. Fotografie de Werner Friedli, 1957. (Colleccion de la bibliotèca de l’Ècoula politècnica fèdèrâla Tsurique).

Lenk est una comena suissèssa dedens lo quenton de Bèrna, que sè trôve dens l’arriondâjo administratif du Simmental-d’Amont-Gessenè.

G·eografia

Lo tèrritouèro de Lenk est situâye dedens la hôta comba de la Simme, vâlaye du sistèmo hidrologico du Rin.

A mié-jorn du massis du Wildstrubel sè trôve lo gllaciér de la Pllana Môrta.

Lo chemin du Col du Rawyl rapond la comba de la Simme avouéc la comba de la Lièna en Valês.

G·eografia lengouistica

La comena sè trôve a la frontiére lengouistica du cârro du Tuche et d’Arpetania (Suisse romanda), avouéc les comenes arpetanes vesenes Crant-Montanna, Icôgne et Ayent en Valês romand.