Sverre Fehn

Sverre Fehn
	; Irudi gehiago
Bizitza
Jaiotza	Kongsberg, 1924ko abuztuaren 14a
Herrialdea	Norvegia
Heriotza	Oslo, 2009ko otsailaren 23a (84 urte)
Hezkuntza
Heziketa	Oslo School of Architecture and Design (en)
Hizkuntzak	norvegiera; daniera
Jarduerak
Jarduerak	arkitektoa eta katedraduna
Lantokia(k)	Oslo
Enplegatzailea(k)	Oslo School of Architecture and Design (en)
Lan nabarmenak	ikusi Norwegian Glacier Museum (en) ;
Jasotako sariak	ikusi Pritzker Saria (1997) ; Prince Eugen Medal (1982) ; Jacob Prize (1993) ; Arts Council Norway Honorary Award (1998) ; Grosch medal (2001) ; Treprisen (1973) ; Commander of the Order of St. Olav‎ (1994) ;
Kidetza	Suediako Arteen Errege Akademia

Sverre Fehn (Konsberg, Norvegia, 1924 abuztuaren 14 – Oslo, 2009ko otsailaren 23a) arkitekto norvegiarra izan zen.

Osloko Arkitektura Eskolan egin zituen ikasketak eta 1949an diplomatu. 1950 urtean PAGON (Oslo Norvegiako Arkitekto Aurrerakoien Taldea) sortu zuen Arne Korsomo irakaslearekin, bere belaunaldikoak ziren beste arkitekto norvegiar batzuekin batera -Christian Norberg-Schulz, Peter Andreas Munch Mellbye, Geir Grung, Odd Østbye, Håkon Mjelva eta Robert Esdaile- eta Jørn Utzon arkitekto daniarrarekin. Talde hura Norvegiako CIAM (Congrès Internationaux d'Architecture Moderne)-ren adar bat-edo izango dena. Talde horren asmoa Mugimendu Modernoan oinarritutako arkitektura egitea zen, baina haien garaia eta herrialdeko hizkuntza (lengoaia) eta ekaiak (materialak) erabiliz. 1956 urtera arte jardun zuen taldeak ekinean.

1952 eta 1953 urteetan Marokora bidaia egin zuen eta bertako arkitektura primitiboa aurkitu eta ikertu zuen, bere lanetan guztiz eragingo zuena. Parisera aldatu zen ondoren, Jean Prouvé arkitektoaren agentzian lan egitera (1953-54). Norvegiara itzuli zenean, bere arkitektura agentzia ireki zuen.

Lan gehienak Norvegian eraiki ditu. 1962an proiekturik garrantzitsuenetako bat egin zuen: Eskandinaviar Herrietako Pabilioia, Veneziako Biennalearen lorategietan. 1971 eta 1993 artean Osloko Arkitektura Eskolan aritu zen irakasle eta Europako zein Ameriketako Estatu Batuetako eskola anitzeko irakasle ohoredun izendatu izan zuten. Hainbat museo eriki zituen, baina etxe pribatuak ere bai. Horien artean azpimarratzekoak dira Villa Schreiner Oslon (1963) eta Villa Busk Bamblen (1990). Nahiz eta lehiaketa asko irabazi, proiektu gutxi eraiki zituen.

1997 urtean Pritzker Saria lortu zuen.

Lan garrantzitsuak

1955 : Økern Zahar Etxea, Oslo, Norvegia Geir Grung-ekin lankidetzan
1958 : Norvegiako Pabilioia, Bruselako Erakusketa Unibertsalean, Belgika
1962 : Eskandinaviar Herrietako Pabilioia, Veneziako Biennalean, Italia
1963 : Colosseum zinema, Oslo, Norvegia
1971-77 : Skådalen Eskola Gorrentzat, Oslo
1972 : Txinako Soldaduei buruzko Erakusketa, Hovikodden
1986 : Villa Brick, Baerum
1987-90 : Villa Kise, Skien
1990 : Villa Busk. Bamble
1991 : Glaziarren Museoa, Fjaerland
1991-92 : EcoEtxea, Norrkoping, Suedia
1995 : Aukrust Museoa, Alvdal;
1995 : Ikerketa Gunea Glaziarren Museoan, Fjaerland
2000 : Ivar Aasen zentroa, Ørsta
2001 : Argazkigintzaren Museoa, Horten

Bibliografia

AA. VV., The Secret of the Shadow: Light and Shadow in Architecture, 2002
Sverre Fehn, The poetry of the straight line =: Den rette linjes poesi, 1992
Per-Olaf Fjeld, Sverre Fehn on the Thought of Construction, Rizzoli International, 1983
Yukio Futagawa, Sverre Fehn. Glacier Museum. The Aukrust Centre, GA Document 56, 1998
Béatrice Houzelle, Cubes d'argile, Maisons prototypes en Norvège, Techniques et Architecture, 407 zkia, 1993
Christian Norberg-Schulz, Gennaro Postiglione, Sverre Fehn: works, projects, writings 1949-1996, 1997
Sverre Fehn. Studio Holme, GA Houses 58, 1998

Kanpo loturak

Wikimedia Commonsen badira fitxategi gehiago, gai hau dutenak: Sverre Fehn

Datuak: Q242002
Multimedia: Sverre Fehn / Q242002