Santa Cecilia in Trastevere basilika

Santa Cecilia in Trastevere basilika
	Basilica di Santa Cecilia in Trastevere
	Irudi gehiago
Kokapena
Herrialdea	Italia
Italiako eskualdeak	Lazio
Italiako hiri metropolitarra	Erromako hiri metropolitarra
Muga-hiri	Erroma
Koordenatuak	41°53′15″N 12°28′33″E / 41.887556°N 12.475892°E
Historia eta erabilera
Irekiera	V. mendea
Izenaren jatorria	Zezilia Erromakoa
Erlijioa	katolizismoa
Elizbarrutia	Erromako elizbarrutia
Izena	Zezilia Erromakoa
Arkitektura
Arkitektoa	Ferdinando Fuga (en)
Estiloa	arkitektura barrokoa
Atalak	campanile (en) :
Ondarea
Kontaktua
Helbidea	Piazza di Santa Cecilia
	Webgune ofiziala

Santa Cecilia in Trastevere basilika V. mendeko eliza da Zezilia Erromakoa santuari eskainita dagoena. Trastevere auzoko eraikin garrantzitsuena da.

Historia

Santa Zeziliari eskainitako lehendabiziko eliza ziur aski Urbano I.a aita santuak V. mendean eraiki zuen^[1]. Tradizioaren arabera eliza hura santuaren etxearen gainean eraiki zen. Erlikien Kaperan egin ziren indusketa batzuetan elizaren Bataiotegia eta eta inperiko etxe erromatar baten erorkinak aurkitu zituzten. 499 urtean Simako aitasunak egin zuen apezpikuen sinodoan Titulus Ceciliae izena eman zitzaion elizari. 545eko azaroaren 22an Vigiliok bere santua elizan ospatu zuen eta une berean Teodorak bidalitako mezulariak, Antemi Scribone, aitasantua preso hartu zuen.

822an Paskoal I.ak eliza berreraiki zuen eta Kalisto I.aren Katakonbatik Santa Zeziliaren erlikiak bertara eraman zituen. XVIII. mendean konponketa gehiago egin ziren.

Arkitektura

Fatxada Ferdinando Fugak egin zuen, 1725an, fatxadarekin lotuta elementu desberdinekin ornitutatako etxartea ere eraiki zuen: mosaikoak, zutabeak, pegar handi bat... Francesco Acquaviva kardenalak jarri zuen lan horiek aurrera eramateko dirua eta, horregatik, haren armarria eta eskaintza bat ikus daitezke.

Monjeen koroan, bestetik, XIII. mendeko mosaikoa gordetzen da; mosaiko horretan (1289-1293), Pietro Cavallini diseinutan oinarrituta, azken auziaren irudikapena ikus daiteke. Presbiterioan Arnolfo di Cambiok eraikitako ziborio gotikoa dago. Ziboiroa aingeru eta santuen irudiez ornitutako lau zutabez inguratuta dago^[2].

Margoak

Absidea IX. mendeko mosaikoen aztarnak erakusten ditu. Cappella dei Ponziani sabaian Antonio del Massaro'ren (Il Pastura) Jaungoikoa ebanjelistekin (1470) margolana dago. Cappella delle Reliquiea eta erretabloa Luigi Vanvitellia margotu zituen. Erdiko habeartean Sebastiano Concaren Apoteosis de Santa Zeziliaren apoteosia (1721) ikus daiteke. Elizan badaude ere beste bi erretablu: Santa Valeria eta santa Zezilia eta Santa Zeziliaren burugabetzea (1603)^[3].

Cavalliniren Azken Auzia

Elizaren gaurko egituratik kanpo, ezkerretara geratzen den eraikinean, 1900. urtean berraurkitu ziren fresko batzuk daude, 1300. urtearen ingurukoak, Pietro Cavallinik egindakoak^[4]. Eliza berregin zenean 1724-1725 urteen artean, ia suntsitu egin ziren fresko hauek guztiz, eta egun ikusten diren parteak ez dira osoak, eta solairu desberdinen artean zatikatutako hormetan daude. Azken auziaren ikuspegi koloretsu bat erakusten dute freskoek.

Eskultura

Beste lanen artean pizkunde-ondoko Stefano Maderno eskultoreak egindako Santa Zeziliaren aldarea dago (1600). 1595an Zeziliaren hilobia ireki zen eta haren gorpuzkinen gainean eskultura modelatu zen. Eskultura burugabetzea oso ondo ikusten da. Halaber, bere gorpuaren ustelezintzasuna ikusten da^[2]. Dirudienez, nahiz eta igaro diren mendeak, gorpuak oraindik odola du. Eskultura horrek idealizatu gabeko pertsona bat erakusten du oso era naturalistan. Nolabait azken ezaugarrik horretan protobarrokoaren ezaugarria ikus daiteke. Hamarkadak igaro beharko ziren antzeko lanak ikusteko, esaterako, Gian Lorenzo Berniniren Beata Ludovica Albertoni eta Melchiorre Cafàren Santa Rosa de Lima.