Musulman barrutia (Jerusalem)

Musulman barrutia
	neighborhood of Jerusalem (en)
	Irudi gehiago
Administrazioa
Estatu burujabe	Palestina
Mendeko lurralde	Zisjordania
Palestina Estatuko lurralde-antolaketa	Jerusalemgo Gobernazioa
Hiria	Jerusalem
Geografia
Koordenatuak	31°46′51″N 35°13′57″E / 31.7808°N 35.2325°E
Demografia

Musulman barrutia, arabieraz: حارة المسلمين, Ḥāraṫ al-Muslimīn, hebreeraz: הרובע המוסלמי, Ha-Rovah ha-Muslemi, Jerusalemgo Hiri Zaharreko lau barruti historikoetako bat da eta Hiri Zaharraren ipar-ekialdeko izkinan dago. Usadioz, izena musulmanen bizilekua izateagatik du.

31 hektarea ditu eta 22.000 biztanle. Bertako merkatuak ikusgarriak dira eta, halaber, monumentu asko biltzen dira inguru horretan.

Gainontzeko hiru barrutiak Judu barrutia, Kristau barrutia eta Armeniar barrutia dira.

Ezaugarriak

Auzoaren kale asko merkatu irekiak dira (soukak), beti animatuak eta kolorez betea. Bat aipatzeagatik "el-wad" (Harana) kalekoa dugu: Damasko atean hasten da eta Tyropoeon haranaren ibilbide historikoa jarraitzen du. Merkatua Jerusalemgo harresietatik kanpo ere zabaltzen da.

Auzoan sartzeko hiru atari daude: aipatutako Damaskoa, Herodesen atea eta Lehoien atea.

Monumentu nagusiak

Nahiz eta musulmanen ingurua izan juduentzako eta kristauentzako monumentu garrantzitsuak daude. Musulmanentzako garrantzitsuak diren beste monumentual, aldiz, auzo honetatik kanpo daude, esaterako Arrokaren Kupula eta Al Aksa meskita, Meskiten Zelaigunean alegia.

Kristauen monumentuak:
- Bide Mingarriak auzoa zeharkatzen du; gurutze bidearen lehenengo zazpi egonaldiak daude, besteak beste, Zigorraren eliza, Zigorkatzearen komentua eta Ecce Homoren arkua.
- Santa Ana eliza. Lehoien atetik gertu dago. Tradizioaren arabera leku horretan Mariaren gurasoen etxea zegoen (Ana eta Joakim).
- Bethesdaren urtegia

Juduen monumentuak
- Kotel Hakatan edo Erosten harresi Txikia. "Burnizko Atea"ren ezkerrean dago. Sarritan muturreko juduak egoten dira bertan eta, ondorioz, poliziaren presentzai nabarmenda da.
- Kotelen tunela. Tunel horren irteera iparraldean dago, Omariya eskolan. Irteera horren irekiera 1996an liskar gogorrak eta hildako asko eragin zituen.
- Zedekiasen haitzuloa, Damaskoko atetetik gertu.
- Yeshiva batzuk ere badira: Ateret Cohanim, Chazon Yechezkel.

Okupazioa

2007an Israelgo Gobernuak The Flowers Gate proiektua diruaz laguntzen hasi zen. Hau izan da 1967tik juduen Auzo Musulmaneko lehen finkatzea. Proiektuaren arabera 20 etxebizitza eta sinagoga bat eraiki dira.^[1]