Lutita

Lutita			Mineral infotaula irakurtzeko era
Arroka sedimentarioa
Mineral garrantzitsuak	Kuartzo Feldespatoak Mikak

Lutita arroka sedimentario detritikoa da, hau da, detrituek osatutakoa, eta buztinaren eta lupetzaren tamainako partikulez eraturik dago.

Bilakaera

Lupetz partikulak diagenesi bidez bihurtzen dira harri, lehenengo sedimentuak trinkotuz eta ondoren deshidratatuz. Goiko geruzen presioa handia bada metamorfizatu egingo da arbel edo filitak eratuz.

Ezaugarriak eta motak

Lutita beltzetan, kolorea, materia organikoaren presentziaren ondorio da, eta, honen kopurua oso altua baldin bada lutita bituminoso bezala ezagutzen da. Oso ezaguna da arroka ama edo biltegia izateagatik, bere porositate eta irazkortasun baldintzak direla eta.

Bere zatiketari dagokionez, lutitak fisilak edo ez fisilak izan daitezke. Lutita fisila bata bestearengandik gertu dauden plano paraleloetan zatitzen dena da. Lutita ez fisila, berriz, zati edo blokeetan zatitzen da.

Metamorfismo bidez, lutitak anpelita bihur daitezke eta, tolesen alboetan, arbel.

Erabilera

Lutiten barnean petrolio eta gas burbuilak egon daitezke eta haustura hidraulikoaren teknika polemikoa erabiltzen da ustiatzeko.

Iruditegiak

• 
  Kolore desberdinetako lutitak.
• 
  Lutita.
• 
  Lutita paisaia.
• 
  Lutita paisaia.

Kanpo estekak

• Datuak: Q1196152
• Multimedia: Lutite / Q1196152