Koreako japoniar okupazioa

Koreako japoniar okupazioa; 일제시대; Ilje Sidae; 日本統治時代の朝鮮; Nippon Tōchi-jidai no Chōsen
	1910 – 1945
	Japoniar kolonia
	Ereserkia; ; [[Fitxategi:Kimigayo; \|280px]]
Geografia
Hiriburua	Keijo
Ekonomia
Dirua	Korear yen
Kultura
Erlijioa	Sintoismoa
Historia
	Koreako Inperioa
Koreako Herri Errepublika
Hego Koreako estatubatuar inbasioa
Ipar Koreako sobietar inbasioa

Koreako japoniar okupazioa Koreako penintsulan Japoniar Inperioak izan zuen hedapena izan zen, 36 urte iraun zuena. XX. mendearen lehenengo erdian izan zen, 1910eko abuztuaren 22tik 1945eko abuztuaren 15eraino hain zuzen ere. Bigarren Mundu Gerran Japoniaren errendizioarekin batera amaitu zen, Koreako Gerra hasi baina zenbait urte aurrerago.

Japoniarren esku-sartzea Koreako barne arazoetan 1876an Joseon leinuarekin sinaturiko Kanghwako itunean hasi zen. 1895ean Myeonseong enperatriza erail zutenean eta Errusia-Japonia Gerra amaitu zuen 1905eko Portsmoutheko ituna sinatu zutenean egoera okerretu zen.^[1] 1905ean Eulsako itunaren bitartez, japoniarrek penintsula okupatu eta protektoratu izendatu zuten eta 1910ean, anexio-itun baten bitartez, Japoniak Korea bereganatu zuen. Hego Koreak eta Japoniak 1965ean 1905 eta 1910eko itunak deuseztatu zituzten.

Korean, garai honi Japoniar Aro Inperiala (Hangul: 일제시대; Hanja: 日帝時代; RR: Ilje Sidae) diete. Bestetan, japoniar okupazio behartua (Hangul: 일제강점기; Hanja: 日帝强占期; RR: Ilje Gangjeomgi) eta Wa administraritza (Hangul: 왜정; Hanja: 倭政; RR: Wae jeong) diete. Japonian, berriz, Joseon japoniar agintaldian 日本統治時代の朝鮮 (japonieraz: Nippon Tōchi-jidai no Chōsen^?) diote.