Jokin Gorostidi

Jokin Gorostidi
Diputatua Eusko Legebiltzarrean 1990eko abenduaren 18a - 1994ko abuztuaren 30a Barrutia: Gipuzkoa Hautetsia: Eusko Legebiltzarreko IV. legealdia Diputatua Eusko Legebiltzarrean 1987ko urtarrilaren 8a - 1990eko irailaren 3a Barrutia: Gipuzkoa Hautetsia: Eusko Legebiltzarreko III. legealdia Diputatua Eusko Legebiltzarrean 1984ko martxoaren 22a - 1986ko urriaren 1a Barrutia: Gipuzkoa Hautetsia: Eusko Legebiltzarreko II. legealdia Diputatua Eusko Legebiltzarrean 1980ko martxoaren 31 - 1994ko abuztuaren 30a Barrutia: Gipuzkoa Diputatua Eusko Legebiltzarrean 1980ko martxoaren 31 - 1984ko urtarrilaren 19a Barrutia: Gipuzkoa Hautetsia: Eusko Legebiltzarreko I. legealdia Eusko Legebiltzarreko legebiltzarkideak I. legealdian
Bizitza
Jaiotza	Tolosa, 1944ko azaroaren 4a
Herrialdea	Gipuzkoa, Euskal Herria
Heriotza	Donostia, 2006ko apirilaren 25a (61 urte)
Familia
Ezkontidea(k)	Itziar Aizpurua
Hezkuntza
Hizkuntzak	gaztelania euskara
Jarduerak
Jarduerak	politikaria
Kidetza	Euskadi Ta Askatasuna
Sinesmenak eta ideologia
Alderdi politikoa	Herri Batasuna

Jokin Gorostidi Artola (Tolosa, 1944ko azaroaren 4a - Donostia, 2006ko apirilaren 25a) euskal politikaria izan zen. Itziar Aizpurua politikariarekin ezkonduta zegoen.

Biografia

1960ko hamarkadan Langile Komisioetan hasi arren, laster ETAkide bilakatu zen. 1969an atxilotu zuten, eta bi heriotza-zigor jaso zituen Burgosko Auzian Meliton Manzanasen hilketan parte hartu zuelako salaketapean (1970). Zigor hura balio gabe utzi, eta 30 urteko kartzela-zigorra eman zioten. 1977. urtera arte egon zen espetxean.

Espetxetik irtetean, HASI alderdian sartu zen; 1978an Herri Batasunaren sortzaileetako bat izan zen HASI alderdia. Herri Batasuneko Mahai Nazionaleko kide izan, independente gisa, eta, batez ere, kanpo-harremanaz arduratu zen. 1980 eta 1994 artean legebiltzarkidea izan zen, lau aldiz hautatua.

1996ko hauteskunde-kanpainan ETAren bideo bat zabaltzeagatik kartzelatua izan zen 1997an, gainerako 21 mahaikideekin batera. 1999ko uztailean, Auzitegi Konstituzionalak Auzitegi Gorenaren epaia bertan behera utzi ondoren, aske irten ziren Jokin Gorostidi eta HBko mahaikideak. 2000. urteko abuztuan, Baltasar Garzón epaileak ETAren kanpo-harremanetarako egituraren kide izatea leporatu zion; Gorostidik bere burua Entzutegi Nazionalean aurkeztu eta epailearen aurrean agertu ondoren, aske gelditu zen bost milioi pezetako bermea ordainduta.

2006an, 18/98 sumarioan deklaratzeko hiru egun falta zituela, Deba eta Donostia arteko trenean bihotzekoak jota hil zen.

Erreferentziak

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2012/1/9 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

• Datuak: Q3045465