Historiallinen Museo (Kemi)

	Historiallinen Museo

Kemiko Historia Museoaren eraikin nagusia.

Udalerria

Kemi, Lappi

Herrialdea

Finlandia

Garaia

1993an fundatua

Helbidea

Sauvosaarenkatu 11, Sauvosaari

Historiallinen Museo (Kemi)

Webgune ofiziala (Finlandieraz)

Historiallinen Museo edo Historia Museoa Kemi finlandiar hirian dagoen herri historiari buruzko museoa da. Sauvosaari auzoan dago, Harribitxi Museotik eta Elur-gaztelutik gertu. Historia erakusketa XIX. mendean Carl Birger Federley arkitekto finlandiarrak eraikitako eraikin dotore batean dago. Hain zuzen, museoaren egoitza nagusia izan baino lehen, eraikin klasizista hau Nordbanken bankuaren egoitza, postetxea, Liburutegi Nagusia eta Farmazia izan zen. 1993an, azkenean, historia bilduma bertara iritsi zen eta azken urteotan, Kemiko eraikin garrantzitsuenetarikoa bihurtu da Jalokivigalleriarekin batera. Helka Savikuja historialaria da museo honen arduraduna eta bertatik, herrialdetik eta mundu osotik pasatzen diren erakusketak ikus daitezke; erakusketa hauek, Finlandia eta bereziki, Kemiko historiarekin zerikusia izan ohi dute gehienetan. Dena den, egonkorra den erakusketa bat ere bada eta honetan, hiriaren bilakaera azaltzen da, alegia, Erdi Aroko arrantza-herri txikia izatetik gaur egungo Lappiko hiri industriala izatera nola heldu den aztertzen da. Guztira, 140 m²-ko espazioa du bildumak eta museoa osatzen duten aretoetan aspaldiko objektu eta argazkiak daude erakusgai. Horrenbestez, Kemiko museo garrantzitsuena da eta urtero ehunka bisitari erakartzen ditu; 2007. urtean, esate baterako, 2.307 lagun izan ziren bertan ^[1].

Museoa asteartetik igandera dago irekita, 11etatik 17etara astearte eta ostiral bitartean, eta 12etatik 16etara larunbata eta igandetan. Sarrera prezioak 2€ helduentzat, 1€ ikasle, erretiratu eta langabeentzat eta doainik 18 urte azpiko gazteentzat. Gidatutako ibilbideak antolatzen dira finlandieraz eta ingelesez ^[2].