Eva Yerbabuena

Eva Yerbabuena
	; (2017) Irudi gehiago
Bizitza
Jaiotzako izen-deiturak	Eva María Garrido
Jaiotza	Frankfurt am Main, 1970 (53/54 urte)
Herrialdea	Espainia
Hezkuntza
Hizkuntzak	gaztelania
Jarduerak
Jarduerak	koreografoa eta flamenko-dantzaria
Jasotako sariak	ikusi National Dance Award ; Max sariak ; Andaluziako domina ; Arte Ederretako Merituaren Urrezko Domina (2017) ; [[]] ;
Kidetza	Espainiako Arte Eszenikoen Akademia
Izengoitia(k)	Eva Yerbabuena
	evayerbabuena.com…

Eva María Garrido García (Frankfurt am Main, 1970), ezagunagoa Eva Yerbabuena izengoitiz, espainiar flamenko-dantzari eta koreografoa da. Espainiako Dantza Sari Nazionala jaso zuen 2001ean, eta Arte Ederretako Merituaren Urrezko Domina 2017an.^[1]

Bizitza

Espainiar etorkinen alaba, Eva María Garrido Frankfurten sortu zen, Alemanian, 1970ean.^[2] 15 egun geroago, ordea, Granadako Ogíjares herrira eraman zuten gurasoek, eta bertan bizi izan zen, aitona-amonekin, hamar urte bete arte. 11 urte zituela, akademia batean sartu zuten dantza flamenkoa ikas zezan. 12 urterekin, jendaurrean dantzatzen hasi zen Enrique “el Canastero”, Angustillas “la Mona”, Mariquilla eta Mario Maya artista handiekin.^[3] Dantzaz gain, arte dramatikoa eta koreografia ere ikasi zituen. Koreografia ikasketak La Habanan egin zituen Johannes Garciarekin.^[2]

1985an, Rafael Aguilar-en konpainian sartu zen, eta Paco Moyanorenean 1987an. 1990eko hamarkadan, Javier Latorre, Manolete, Merche Esmeralda eta Joaquín Cortésekin lan egin zuen. 1998an bere konpainia sortu zuen. Eva (1998), 5 Mujeres 5 (2000), La Voz del Silencio (2002), A Cuatro Voces (2004), El Huso de la Memoria (2006), Santo y Seña (2007), Lluvia (2009), ¡Ay! (2013) eta Apariencia (2016) ikuskizunak sortu ditu bere konpainiarentzat. Hainbat bira egin ditu Espainian zehar eta, besteak beste, Wuppertalgo dantza jaialdian, Veneziako Biurtekoan, Royal Albert Hallen, Dusseldorfeko Operan eta Sydney Opera Housen dantza egin du.^[2]

1999an, Mike Figgis britainiar zuzendariaren Flamenco Women dokumentalean parte hartu zuen, eta 2001ean Figgisek berak zuzendutako Hotel fikziozko filmean.^[2]

Erreferentziak

↑ Real Decreto 1064/2017, de 22 de diciembre,. Boletín Oficial del Estado, boe.es (Noiz kontsultatua: 2018-8-11).
↑ ^a ^b ^c ^d Dantzaldia 2009 - X. edizioa. bizkaia.eus (Noiz kontsultatua: 2018-8-11).
↑ Petit, Quino. Eva al desnudo. El Pais egunkaria, 2006-09-10, elpais.com (Noiz kontsultatua: 2018-8-11).

Kanpo estekak

Wikimedia Commonsen badira fitxategi gehiago, gai hau dutenak: Eva Yerbabuena

(Gaztelaniaz) Webgune ofiziala, evayerbabuena.com

Datuak: Q5415208
Multimedia: Eva Yerbabuena / Q5415208

[1] Real Decreto 1064/2017, de 22 de diciembre,. Boletín Oficial del Estado, boe.es (Noiz kontsultatua: 2018-8-11).

[bizk-2] Dantzaldia 2009 - X. edizioa. bizkaia.eus (Noiz kontsultatua: 2018-8-11).

[elpais-3] Petit, Quino. Eva al desnudo. El Pais egunkaria, 2006-09-10, elpais.com (Noiz kontsultatua: 2018-8-11).

[1]

[2]

[3]