Enkore

Enkore
Datuak
Jatorria	Bilbo (Bizkaia)
Musika mota	rock
Urteak	2009 -
Produkzioa
Diskoetxea(k)	Baga-Biga, Oihuka
Taldekideak
	Xabi Hoo; Urtzi Iza; Aitor Gallastegi; Alvaro Olaetxea
Lehengo taldekideak
	Ekaitz Portillo
Informazio gehigarria
	http://enkore.eu/

Enkore 2009an Bilboko (Bizkaia) Errekalde auzoan sortutako musika taldea da, rock estilokoa.

Ibilbidea

EP bi eta single bat autoekoitzi zituzten, 2012an Faktore komunak (Baga-biga) diskoa kaleratu zuten; eta 2014an, Kanala (Elkar/Oihuka) diskoa. Azkeneko diskoetan arrakasta handiko zenbait kantu bildu dituzte: “Beti Gazte”, “Dantzan, dantzan!”, “Gure ereserkia”, “Muxurik muxu”, “Airea”, “Ozen oihukatu”… Gehienek Gaztea irratiko Top Gaztea zerrendako lehenengo postuak lortu dituzte Euskal Herri osoko entzuleen botoei esker.^[1]

2011an XX. Gaztea maketa lehiaketako epaimahaiaren saria lortu zuten^[2], aurretik beste hainbat lehiaketetan ere sarituak izan ostean. 2012an “Liet International” jaialdian aritzeko hautatuak izan ziren, Euskal Herria eta Euskara ordezkatzeko Europa mailan, 11 leihakideetatik 8. postua lortuz; eta 2013an, gauza bera egin zuten Portugaleko Minde herrian ospatu zen “Endangeraged Languages Music Festival” jaialdian.

Haien ibilbide laburrean euskal eta europar agertokian lekutxo bat egiten joan dira nazioarte mailako eszenatoki esanguratsuenetarikoak zapalduz (BBK Live, Fábrica Emídio da Silva Raposo, Ciudad de la Cultura Xixón, Gernikako-, Azkoitiko-, Basauriko-… plaza nagusiak…).

Orain arte 100 kontzertu baino gehiago eta 4 bira egin dituzte. Momentu honetan buru belarri dabiltza haien 5. biran, ETour izenekoan.^[3]

Taldekideak

Xabi Hoo: ahotsa
Urtzi Iza: gitarra
Aitor Gallastegui: baxua
Alvaro Olaetxea: bateria (2012 - )
Ekaitz Portillo: bateria (2009 - 2012)

Diskografia

Faktore komunak (2012, Baga-Biga)^[4]
Kanala (2014, Oihuka)^[5]
E (2016, Baga-Biga)^[6]

Sariak

Gaztea maketa lehiaketa: 2011

Erreferentziak

↑ «Enkore», Kafeantzikia.eus.
↑ «Maketa Lehiaketa, 27. irabazlearen bila» Euskal Irrati Telebista (Noiz kontsultatua: 2020-11-14).
↑ «BIO» Enkore 2013-10-01 (Noiz kontsultatua: 2017-11-15).^{[Betiko hautsitako esteka]}
↑ Faktore komunak. (Noiz kontsultatua: 2018-04-11).
↑ Kanala. (Noiz kontsultatua: 2018-04-11).
↑ E. (Noiz kontsultatua: 2018-04-11).

Kanpo estekak

Datuak: Q25474722

[1] «Enkore», Kafeantzikia.eus.

[2] «Maketa Lehiaketa, 27. irabazlearen bila» Euskal Irrati Telebista (Noiz kontsultatua: 2020-11-14).

[3] «BIO» Enkore 2013-10-01 (Noiz kontsultatua: 2017-11-15).^{[Betiko hautsitako esteka]}

[4] Faktore komunak. (Noiz kontsultatua: 2018-04-11).

[5] Kanala. (Noiz kontsultatua: 2018-04-11).

[6] E. (Noiz kontsultatua: 2018-04-11).

[1]

[2]

[3]

[4]

[5]

[6]