Edgar P. Jacobs

Edgar P. Jacobs
Bizitza
Jaiotzako izen-deiturak	Edgard Félix Pierre Jacob
Jaiotza	Brusela, 1904ko martxoaren 30a
Herrialdea	Belgika
Lehen hizkuntza	frantsesa
Heriotza	Lasne, 1987ko otsailaren 20a (82 urte)
Hobiratze lekua	Lasne
Hezkuntza
Hizkuntzak	frantsesa
Jarduerak
Jarduerak	penciller (en) , colorist (en) eta opera abeslaria
Lan nabarmenak	ikusi Blake and Mortimer (en) ; Le Rayon U (en) ;
Jasotako sariak	ikusi Prix Saint-Michel (1971) ;
Mugimendua	School of Brussels (en)
Izengoitia(k)	Edgar P. Jacobs
Genero artistikoa	ligne claire (en)

Edgard Félix Pierre Jacobs, Edgar P. Jacobs izengoitiz ezaguna, (Brusela, 1904ko martxoaren 30a – Lasne-Chapelle-Saint-Lambert, 1987ko otsailaren 20a) belgikar komikigilea izan zen.

Biografia

1940an Bravo! aldizkarian lan egiten hasi zen, eta Flash Gordon, Belgikan zabaltzen ez zen Alex Raymonden zientzia-fikziozko komikia marrazten. Alemaniarren okupazio-garaian sail hori debekatu egin zuten, eta orduan bere lanak osatzeari ekin zion, esate baterako, U izpia (1943), zientzia-fikziozko komikia. 1944an Hergéren laguntzaile gisa hasi zen lanean, eta elkarrekin marraztu zituzten Tintin Kongon, Eguzkiaren tenplua, Tintin Ameriketan, Loto urdina eta abar. 1946an, Belgikako komikigintzan funtsezkoa izan zen aldizkari batean, Tintin aldizkarian alegia, hasi zen.

Garai hartan H. G. Wellsen Munduen gerra nobela egokitu zuen komikirako, eta bere maisulana izan zen bilduma berri bat sortu zuen: Blake eta Mortimer. Sail horren lehen alea, Ezpatatzarraren sekretua 1946an agertu zen Tintin aldizkariaren orrialdeetan. Blake eta Mortimer komikiek oso harrera ona izan zuten Europan, eta kritikariek marrazkiaren kalitatea eta gidoien maila jasoa goraipatu zuten. Sail horretakoak dira Piramide handiaren misterioa (1950), Marka horia (1953), Atlantidaren enigma (1955), S.O.S. Meteoroak (1958), Deabruzko segada (1960) eta Lepokoaren auzia (1965). 1967an Sato irakaslearen 3 formulak kaleratu zuen, saileko onenetakoa, eta hori izan zen bere azken komikia. 1981ean bere memoriak argitaratu zituen: Un opéra de papier (Paperezko opera).

Jacobs hil ostean, Blake eta Mortimerren abenturak beste egile batzuek jarraitu dituzte, oinordekoen baimenarekin, eta gaur egun ere argitaratzen dira.

Komikiak

1943 - U izpia (Le Rayon U)
1947 - Ezpatatzarraren sekretua (Le Secret de l'Espadon, hiru liburukitan).
1950 - Piramide handiaren misterioa (Le Mystère de la Grande Pyramide, bi liburuki)
1953 - Marka horia (La Marque Jaune)
1955 - Atlantidaren enigma (L'énigme de l'Atlantide)
1958 - S.O.S. Meteoroak (S.O.S. Metéores: Mortimer à Paris)
1960 - Deabruzko segada (Le Piège diabolique)
1965 - Lepokoaren auzia (L'Affaire du Collier)
1970 - Sato irakaslearen 3 formulak (Les trois Formules du Professeur Sato: Mortimer à Tokyo: bi liburuki; lehenbizikoa Jacobsek egindakoa eta bigarrena Bob de Moorek osatutakoa 1990ean)

Bibliografia

Guyard, Jean-Marc. Le baryton du neuvième art. Bruselas, Éditions Blake et Mortimer, 1996. ISBN 2-87328-000-X
Jacobs, Edgar P. Un opéra de papier: Les mémoires de Blake et Mortimer. París, Gallimard, 1981. ISBN 2-07-056090-2
Lenne, Gérard. L'affaire Jacobs. París, Megawave, 1990. ISBN 2-908910-00-4
Mouchart, Benoit. A l'ombre de la ligne claire: Jacques Van Melkebeke, le clandestin de la B.D. Paris: Vertige Graphic, 2002. ISBN 2-908981-71-8
Mouchart, Benoît eta Rivière, François La Damnation d'Edgar P. Jacobs, Seuil-Archimbaud, 2003. ISBN 2-02-085505-4
Tzorken, Yann Le mystère Edgar P. Jacobs, Thebookedition, 2019. ISBN 9780244195830

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Kanpo estekak

Blake eta Mortimerren webgune ofiziala

Datuak: Q470422
Multimedia: Edgar P. Jacobs / Q470422