Ana Carrillo Domínguez

Ana Carrillo Domínguez
Bizitza
Jaiotza	Cortes de la Frontera, 1898
Herrialdea	Espainia
Heriotza	Madril, 1974 (75/76 urte)
Jarduerak
Jarduerak	militarra eta politikaria
Zerbitzu militarra
Adar militarra	Errepublikako Herri Armada
Gradua	kapitain
Parte hartutako gatazkak	Espainiako Gerra Zibila
Sinesmenak eta ideologia
Alderdi politikoa	Espainiako Alderdi Komunista

Ana Carrillo Domínguez (Cortes de la Frontera, Malaga, 1898ko urtarrilaren 1a – Madril, 1974) Espainiako Errepublikako Herri Armadako kapitain komunista izan zen.^[1]

Ibilbidea

Carrilloren familia Malagara joan zen bera umea zela. 18 urte zituela José Torrealba Ordóñez PSOE - Partido Socialista Obrero Español (Espainiako Langileen Alderdi Sozialista) alderdiko militantearekin ezkondu zen, eta harekin La Línean finkatu zen.^[2]

Militantzia komunista

1933ko azaroaren hauteskunde kanpainan ezaguna egin zen Manuel García Prieto sozialistarentzako botoa eskatzen,^[3] zeinen egunkarian, Antequerako La Razón, maiz idatzi zuen^[4]. Carrillo Ronda Serranía eta Valle del Genal herrietan zehar ibili zen emakumeak bozkatzera animatzen eta iraultza sozialaren, errepublikaren eta sozialismoaren alde borrokatzeko deia egiten.^[3] 1934ko Urriko Iraultzaren ostean, eta Lerroux eta Gil-Roblesen gobernuaren errepresioaren ondoren, PSOE utzi eta La Líneako Alderdi Komunistaren (PCE) irratian sartu zen.^[3]

1936ko otsaileko hauteskunde orokorretan, La Líneako hainbat mitinetan parte hartu zuen Fronte Popularreko botoa eskatzeko.^[2] Maiatzaren 1ean Cadizko zezen-plazan ospatutako ekintzetan PCE alderdiaren ordezkari gisa hartu zuen parte^[5] eta ekainean PCEren III. Foru Konferentzia itxi zuen hitzaldi batekin.^[3]

Gerra zibila eta erbestea

Uztailaren 18ko altxamendu militarraren ondoren, Ana Carrillok Gibraltarrera ihes egin zuen eta handik, senarrarekin batera, Malagako Milizia Antifaxisten 15. konpainian sartu zen.^[6] Bere konpainia México batailoian integratu zen.^[2] Geroago, batailoi hau integratuko zen 1937ko urtarrilean sortu zen 52. brigada mistoan -hasieran "brigada B" izenekoa - bere lau batailoietako bat izanik. Carrillo batailoiaren metrailadore konpainiaren buru zen Armada Popularreko kapitain-graduarekin. Aginte militarraz gain, bere konpainiako ardura politikoa ere bazuen.^[7]

Ana Carrillok, graduazio horrekin, José Torrealba Esteponako frentean zauritua izan zenean, konpainiaren funtziotako agitea hartu behar izan zuen. 1937ko otsailaren lehen egunetan Malagako Ospitaleko zaurituen ebakuazioa antolatu zuen tropa matxinoek hiria berehala hartuko baitzuten. Geroxeago, Carrillo bera zaurituko zuten Desbandá-n, Malagatik Almeríara Francoren armadatik ihesi.^[3] Margarita Nelkenek elkarrizketa egin zion Estampa aldizkarirako 1937ko martxoan; bertan, gertaera hauek kontatu zituen.^[8]

1937ko ekainaren 20an, Segurtasuneko Zuzendari Nagusiak espioitza zerbitzuetako agente gisa etsaien lerroen atzean lan egitea proposatu zion. 1938ko martxoaren 3an, Francoren gobernuak bilatu eta harrapatzeko agindua eman zuen.^[7]

Gerra Zibila amaitutakoan, Tanger-era ihes egin zuen. 1954ko abuztuan, Tetuaneko Protektoratuko agintari espainiarrek atxilotu zuten eta Penintsulara eraman zuten. Kartzelan egon zen urtebete, indultua jaso eta Tangerrera itzuli zen arte.^[7]

1974an hil zen Madrilen.^[3]

Erreferentziak

↑ (Gaztelaniaz) «Las Combatientes» Museo Virtual de la Mujer Combatiente (Noiz kontsultatua: 2021-09-20).
↑ ^a ^b ^c Almisas Albéndiz, Manuel. «Ana Carrillo Domínguez | Todos los Nombres» www.todoslosnombres.org (Noiz kontsultatua: 2021-09-20).
↑ ^a ^b ^c ^d ^e ^f (Gaztelaniaz) Almisas Albéndiz, Manuel. (2020). Capitana Anita Carrillo, ejemplo de mujer republicana | Tribuna Feminista. (Noiz kontsultatua: 2021-09-20).
↑ Carrillo Domínguez, Ana (1932ko abuztuaren 28a). «Cómo hablan las mujeres de Cortes de la Frontera». La Razón. (2021eko irailaren 20an kontsultatua)
↑ La Libertad - Año XVIII Número 5019 - 1936 mayo 2 (02/05.... . 4. or. prensahistorica.mcu.es. (2021ko irailaren 20an kontsultatua)
↑ (Gaztelaniaz) «El Foro de la Memoria honra a Ana Carrillo, la primera capitana republicana» Europa Sur 2017-07-09 (Noiz kontsultatua: 2021-09-20).
↑ ^a ^b ^c (Gaztelaniaz) Torija, Alicia, ed. (2019). Mujeres en la Guerra Civil y la posguerra: memoria y educación. ISBN 978-84-16450-49-7. PMC 1142920799. (Noiz kontsultatua: 2021-09-20).
↑ (Gaztelaniaz) Eduardo, Albadalejo. (2020-08-29). «A la búsqueda de Anita Carrillo, la capitana republicana de La Línea» Campo de Gibraltar Siglo XXI (Noiz kontsultatua: 2021-09-20).

Kanpo estekak

Datuak: Q103200499

[1] (Gaztelaniaz) «Las Combatientes» Museo Virtual de la Mujer Combatiente (Noiz kontsultatua: 2021-09-20).

[:0-2] Almisas Albéndiz, Manuel. «Ana Carrillo Domínguez | Todos los Nombres» www.todoslosnombres.org (Noiz kontsultatua: 2021-09-20).

[:1-3] ↑ ^a ^b ^c ^d ^e ^f (Gaztelaniaz) Almisas Albéndiz, Manuel. (2020). Capitana Anita Carrillo, ejemplo de mujer republicana | Tribuna Feminista. (Noiz kontsultatua: 2021-09-20).

[4] Carrillo Domínguez, Ana (1932ko abuztuaren 28a). «Cómo hablan las mujeres de Cortes de la Frontera». La Razón. (2021eko irailaren 20an kontsultatua)

[5] La Libertad - Año XVIII Número 5019 - 1936 mayo 2 (02/05.... . 4. or. prensahistorica.mcu.es. (2021ko irailaren 20an kontsultatua)

[6] (Gaztelaniaz) «El Foro de la Memoria honra a Ana Carrillo, la primera capitana republicana» Europa Sur 2017-07-09 (Noiz kontsultatua: 2021-09-20).

[:2-7] (Gaztelaniaz) Torija, Alicia, ed. (2019). Mujeres en la Guerra Civil y la posguerra: memoria y educación. ISBN 978-84-16450-49-7. PMC 1142920799. (Noiz kontsultatua: 2021-09-20).

[8] (Gaztelaniaz) Eduardo, Albadalejo. (2020-08-29). «A la búsqueda de Anita Carrillo, la capitana republicana de La Línea» Campo de Gibraltar Siglo XXI (Noiz kontsultatua: 2021-09-20).

[1]

[2]

[3]

[4]

[5]

[6]

[7]

[8]