1999ko Eskoziako Legebiltzarrerako hauteskundeak


1999ko Eskoziako Legebiltzarrerako hauteskundeak

1999ko maiatzaren 6a

Eskoziako Legebiltzarreko 129 eserlekuak 65 eserleku gehiengo osorako
Parte-hartzea:
Barrutiak	%58,4
Eskualdeak	%58,3

	Eskoziako Alderdi Laborista Donald Dewar
	Barruti bozak		908.346	%38,8
	Eskualde bozak		786.818	%33,6

	Eserlekuak			56

	Eskoziako Alderdi Nazionala Alex Salmond
	Barruti bozak		672.768	%28,7
	Eskualde bozak		638.644	%27,3

	Eserlekuak			35

	Eskoziako Alderdi Kontserbadorea David McLetchie
	Barruti bozak		364.425	%15,6
	Eskualde bozak		359.109	%15,4

	Eserlekuak			18

	Eskoziako Liberal Demokratak Jim Wallace
	Barruti bozak		333.179	%14,2
	Eskualde bozak		290.760	%12,4

	Eserlekuak			17


Ezkerrean barruti bakoitzeko alderdi irabazlea ikus daiteke. Eskuinean eskualde bakoitzeko zerrenda bozen bidez hautatutako biltzarkideak ikus daitezke.

		Hautaturiko Lehen Ministroa:
		Donald Dewar Laborista

1999ko Eskoziako Legebiltzarrerako hauteskundeak urte bereko maiatzaren 6an izan ziren, eta Eskoziako Legebiltzarraren I. legealdiko 129 legebiltzarkideak hautatu ziren, zeinetatik 73k hautesbarruti bana ordezkatzen zuten. Hauteskundeen ondoren, Donald Dewar laborista Eskoziako lehenengo Lehen Ministroa bihurtu zen.

Legebiltzarrerako lehenengo hauteskundeetan Alderdi Laboristak lortu zuen sostengu handiena, eta 56 eserleku eskuratu zituen, batez ere herrialdearen erdialdean, Glasgow inguruan. Hala ere, gehiengo osotik bederatzi eserlekutara geratu zen, eta erosoago gobernatu ahal izateko koalizio gobernu bat osatu zuen Liberal Demokratekin. Eskoziako Alderdi Nazionala izan zen Legebiltzarreko bigarren alderdia, 35 eserleku lortuz, eta 1974tik alderdiaren emaitzarik hoberenak eskuratu zituen. Eskoziako Alderdi Kontserbadoreak berriz, ez zuen hautesbarruti baten ere ez irabazi, baina ordezkaritza proportzional mistoari esker 18 eserleku eskuratu zituen eskualde bozekin. Bestalde, Eskoziako Alderdi Sozialistak eta Alderdi Berdeak eserleku bana lortu zuten Glasgow eta Lothian eskualdeetan hurrenez hurren.

Hauteskunde legea

Sakontzeko, irakurri: «Ordezkaritza proportzional misto»

Eskoziako Legebiltzarrerako hauteskundeetan ordezkaritza proportzional mistoa (MMP) da erabiltzen den hauteskunde sistema. Legebiltzarreko 129 legebiltzarkideetatik 73 hautesbarrutien bidez hautatzen dira, eta gainerako 56ak D'Hondt metodoa MMP sistemara aplikatuz.

Eskozia 73 hautesbarrutitan dago banatuta, eta hautesbarruti horiek 8 eskualde osatzen dituzte: Eskozia Erdialdea, Glasgow, Highland eta Uharteak, Lothian, Erdiko Eskozia eta Fife, Eskozia Ipar-ekialdea, Hego Eskozia, eta Eskozia Mendebaldea. Hautesleek bi boto eman behar dituzte: "barruti botoa", haien hautesbarrutiko ordezkaria hautatzeko; eta "zerrenda botoa" edo "eskualde botoa", haien eskualdeko 7 ordezkariak hautatzeko. Bi boto horiek ez dute zertan alderdi berarentzat izan, eta ondorioz alderdien barruti boto kopurua eta zerrenda boto kopurua normalean ez da berdina izaten.

Emaitzak

1999ko Eskoziako Legebiltzarrerako hauteskundeak^[1] →

Alderdia		Ordezkaritza proportzional mistoa						Eserlekuak guztira
		Hautesbarrutiak			Eskualdeak
		Bozak	%	Eser.	Bozak	%	Eser.
	Eskoziako Alderdi Laborista (Lab)	908.346	38,8	53	786.818	33,6	3	56
	Eskoziako Alderdi Nazionala (SNP)	672.768	28,7	7	638.644	27,3	28	35
	Eskoziako Alderdi Kontserbadorea (Con)	364.425	15,6	0	359.109	15,4	18	18
	Eskoziako Liberal Demokratak (LibDem)	333.179	14,2	12	290.760	12,4	5	17
	Eskoziako Alderdi Berdea				84.023	3,6	1	1
	Eskoziako Alderdi Sozialista (SSP)	23.654	1,0	0	46.635	2,0	1	1
	Independenteak	18.511	0,8	1	27.712	1,2	0	1
	Alderdi Laborista Sozialista (SLP)	5.268	0,2	0	55.153	2,4	0
	ProLife Alliance				9.784	0,4	0
	Eskoziako Alderdi Unionista (SUP)				7.011	0,3	0
	Alderdi Liberala				5.534	0,2	0
	Lege Naturala Alderdia (NLP)				4.906	0,2	0
	Langile Sozialisten Alderdia (SWP)	2.757	0,1	0
	Highland eta Uharteetako Aliantza				2.607	0,1	0
	Giza Eskubideen Mugimendua				806	0,0	0
	Britainiako Alderdi Komunista (CPB)	190	0,0	0	521	0,0	0
	Britainia Handiko Alderdi Sozialista (SPGB)				697	0,0	0
	Alderdi Humanista				447	0,0	0
	Drogen Aurkako Alderdia	423	0,0	0
	Besteak	12.967	0,6	0	17.668	0,7	0
Boz baliogabeak		7.839	0,3		7.268	0,3
Guztira		2.350.327	100	73	2.346.182	100	56	129