Never Mind the Bollocks, Here's the Sex Pistols
Never Mind the Bollocks, Here's the Sex Pistols Sex Pistols punk rock taldearen albuma da, taldeak egin zuen estudio-album bakarra, hain zuzen ere.
| Never Mind the Bollocks, Here's the Sex Pistols | ||||
|---|---|---|---|---|
 | ||||
| Sex Pistols taldearen estudioko albuma | ||||
| Argitaratze data | 1977ko urriaren 28a | |||
| Grabazioa | Wessex Sound Studios, Londres, 1976ko urria; 1977ko martxo-ekain; 1977ko abuztua | |||
| Musika mota | Punk rock | |||
| Iraupena | 38:44 (12 abestikoa) 34:32 (11 abestikoa) | |||
| Hizkuntza | Ingelesa | |||
| Diskoetxea | Virgin Records | |||
| Ekoizpena | Chris Thomas Bill Price | |||
| Sex Pistols taldearen kronologia | ||||
| ||||
| Kalifikazio profesionalak | |
|---|---|
| Kalifikazioa | |
| Iturria | Puntuazioa |
| AllMusic |  [1]
|
| Christgau's Record Guide | A[2] |
| Encyclopedia of Popular Music | [3]
|
| Rolling Stone | [4]
|
| The Rolling Stone Album Guide | [5]
|
| Spin Alternative Record Guide | 10/10[6] |
 Taula hau hobetu beharra dago. Informazio gehiagorako begiratu laguntza.
| |
Historia
aldatuVirgin Records ekoiztetxeak argitaratu zuen 1977ko urriaren 28an eta liskar bat baino gehiago sortu zuen berehala; Bollocks hitza izenburuan ("barrabilak", ingelesez) probokazio ikaragarria zen garai hartan. Legez zentsuratu nahi izan zuten izena eta albuma diska-dendetan erakustea debekatu. 1977ko azaroaren 24an, John Mortimer defentsak bollocks hitzak apaiza ere esan nahi zuela frogatu zuen zinpekoen aurrean. Mortimerrek zinpekoak berera ekarri zituen eta hau izan zen sententzia:
| « | ...Much as my colleagues and I wholeheartedly deplore the vulgar exploitation of the worst instincts of human nature for the purchases of commercial profits by both you and your company, we must reluctantly find you not guilty of each of the four charges" (Euskaraz: Ez nik eta ezta nire kideek ere ez dugu gizatasunaren alderdi okerrenak aireratzea onartzen, bai zeuk, bai zeure konpainiak egiten duzuen eran, hobari komertzialak lortzeko xedean, baina, gustukoa ez badugu ere, lau karguei dagokienez, errugabea zarela deklaratu beharrean gaude).... [7] | » |
Oraindik larriagoa izan zen Anarchy in the U.K. eta God Save the Queen abestien letrek ekarri zuten haserrea, Jamie Reidek azken horren singleari egin zion azalak bezala. Kanta horiek gizarte zibila eta monarkia iraintzen zuten eta God Save the Queen abestian Elisabet II.a Ingalaterrakoaren aurka zihoazen. Johnny Rotten kantaria eta Steve Jones gitarrak ez ziotela erreginari eraso nahi esan zuten, britainiar gobernuari baizik. Hala ere, gorabehera horiek ez zuten albumaren salmentak hazten lagundu besterik egin.
Pretty Vacant izan zen beste abesti polemiko bat; letra baino gehiago Johnny Rottenek nola ahoskatzen zuen vacant izan zen. Asko markatzen zuen cant silaba eta fonetikoki cunt bezala geratzen zitzaion (alua esateko ingelerako bulgarismo bat. Rottenek ez zuen sekula nahita egiten zuenik onartu.
Never Mind the Bollocks inflexio puntu bat izan zen punk rocka musika ekoizpenean sartzean. Chris Thomas ekoizlea soinua bereziki lantzen saiatu zen; garaiko estilo bereko taldeetan ohikoa zen zaindu gabeko musika zuen albuma eskaini beharrean, soinua garbitzen ahalegindu zen eta hasierako grabazioei gitarrak erantsi zizkion. Ez zuten denek onartu aldaketa hori, baina ate gehiago ireki zizkion musika honi.
Zerrendak eta eragina
aldatuBerehala iritsi zen Never Mind the Bollocks lehen postura Erresuma Batuan gehien saldu ziren albumen artean, baina AEBetako Billboard zerrendan, 106.a izan zen.
1987an, Rolling Stone aldizkariak azken 20 urteetako albumen artean bigarrena ezarri zuen garrantzian, The Beatles bandaren Sgt. Pepper's Lonely Hearts Club Band lanaren ondoren eta 41. postua eman zion 2003az geroztik izandako 500 album hoberenen artean[8].
Kerrang! aldizkariaren irakurleek, berriz, punkaren historian izandako albumik hoberena izendatu zuten[9].
Orokorrean, kritikari eta musikari askoren arabera, Never Mind the Bollocks, Here's the Sex Pistols punk rockaren historian izandako diskarik garrantzitsuenetakoa dela esan daiteke.
Jatorrizko abestiak
aldatu- 01 Holidays in the Sun (Steve Jones, Paul Cook, Johnny Rotten eta Sid Vicious) – 3:22
- 02 Bodies (Steve Jones, Paul Cook, Johnny Rotten eta Sid Vicious) – 3:03
- 03 No Feelings (Steve Jones, Glen Matlock, Paul Cook eta Johnny Rotten) – 2:51
- 04 Liar (Steve Jones, Glen Matlock eta Paul Cook) – 2:41
- 05 God Save the Queen (Steve Jones, Glen Matlock, Paul Cook eta Johnny Rotten) – 3:20
- 06 Problems (Steve Jones, Glen Matlock, Paul Cook eta Johnny Rotten) – 4:11
- 07 Seventeen (Steve Jones, Glen Matlock, Paul Cook eta Johnny Rotten) – 2:02
- 08 Anarchy in the U.K. (Steve Jones, Glen Matlock, Paul Cook eta Johnny Rotten) – 3:32
- 09 Submission (Steve Jones, Glen Matlock, Paul Cook y Johnny Rotten) – 4:12
- 10 Pretty Vacant (Steve Jones, Glen Matlock, Paul Cook eta Johnny Rotten) – 3:18
- 11 New York (Steve Jones, Glen Matlock, Paul Cook eta Johnny Rotten) – 3:05
- 12 E.M.I. (Steve Jones, Glen Matlock, Paul Cook eta Johnny Rotten) – 3:10
Musikagileak
aldatu- Johnny Rotten - ahotsa
- Steve Jones - gitarra, koro eta baxua
- Paul Cook - bateria
- Sid Vicious - baxua ("Bodies")
- Glen Matlock - baxua ("Anarchy in the UK")
Erreferentziak
aldatu- ↑ Huey, Steve. Never Mind the Bollocks, Here's the Sex Pistols – The Sex Pistols. AllMusic.
- ↑ Christgau, Robert. Sex Pistols: Never Mind the Bollocks, Here's the Sex Pistols. RobertChristgau.com.
- ↑ Larkin, Colin. (2007). The Encyclopedia of Popular Music. (5. argitaraldia) Omnibus Press ISBN 0-857-12595-8..
- ↑ Nelson, Paul. «The Sex Pistols: Never Mind the Bollocks, Here's the Sex Pistols» Rolling Stone.
- ↑ Brackett, Nathan; Hoard, Christian, eds. The Rolling Stone Album Guide. Simon & Schuster, 727 or. ISBN 0-7432-0169-8..
- ↑ Weisbard, Eric; Marks, Craig, eds. Spin Alternative Record Guide. Vintage Books, 346 or. ISBN 0-679-75574-8..
- ↑ http://web.archive.org/web/20150607084323/https://www.acc.umu.se/~samhain/summerofhate/courtcase.html
- ↑ https://web.archive.org/web/20120601013647/http://www.rollingstone.com/music/lists/500-greatest-albums-of-all-time-20120531
- ↑ http://rateyourmusic.com/list/unj/kerrang__50_greatest_punk_albums_ever/
Kanpo estekak
aldatu
Datuak: Q457275