Mesut Özil

Mesut Özil
	; (2019) Irudi gehiago
Bizitza
Jaiotza	Gelsenkirchen, 1988ko urriaren 15a (36 urte)
Herrialdea	Alemania ; Turkia
Talde etnikoa	Etnia kurdua; Turkiarra
Familia
Ezkontidea(k)	Amine Gülse (2019ko ekainaren 7a -
Bikotekidea(k)	ikusi Amine Gülse; Mandy Capristo (en) ; Mandy Capristo (en) ; Mandy Capristo (en) ;
Hezkuntza
Hizkuntzak	alemana; turkiera
Jarduerak
Jarduerak	futbolaria
Ibilbidea
	Parte-hartzailea 2014 FIFA World Cup qualification (UEFA) (en) ; 2010eko Munduko Futbol Txapelketa ; UEFA Euro 2012 ; UEFA Euro 2016 ; 2018ko Munduko Futbol Txapelketa ;
Posizio edo espezialitatea	erdilari erasotzailea; erdilaria
Pisua	76 kilogramo
Altuera	180 zentimetro
Jasotako sariak	ikusi Footballer of the month ; Silbernes Lorbeerblatt ; Bambi Award ; UEFA Team of the Year ;
Sinesmenak eta ideologia
Erlijioa	islama
	mesutoezil.com

^[1]Mesut Özilek Turkiako Superligako İstanbul Başakşehir taldean jolasten du eta erdilaria da. Jokalari ezkertia, bizkorra eta azkarra da, teknika handia du eta erdi puntan edo hegalean jolas dezake. Haren debut profesionala 2006 abuztuaren 12an izan zen, ^[2]F.C Schalke 04 taldean. ^[3]Özilen ezizena "Özeko magoa" da.

Biografia

Mesut Özil 1988ko urriaren 15ean jaio zen, Gelsenkirchen ^[4] (Alemanian). Turkiar jatorriko alemaniarra da ^[5], baina bere lehen hizkuntza alemana du. Haren erlijioa Islama da. ^[4]Haren altuera 1,80 m-koa da eta bere pisua 76 kg-koa.

Ibilbidea

F.C Schalke 04

^[6]Haurtzaroan Gelsenkircheneko hainbat taldetan jokatu zuen. 2000tik 2005era Rot Weiss Essenen aritu zen.

2005ean Schalke 04 taldeko beheko mailetan sartu zen. Lehen denboraldian, gazteen taldean, 19 urtez azpiko Bundesliga irabazi zuen eta hamar gol sartu. 2006ko abuztuaren 12an Bundesligako lehen partida jokatu zuen Eintracht Frankfurten aurka. 2008ko urtarrilean, Schalke 04k kontratua luzatu nahi ziola iragarri zuen.

Werder Bremen

^[6]Werder Bremenen bi denboraldiz jardun zen.

2008ko urtarrilaren 31n Werder Bremenek fitxatu zuen, ^[7] 4,3 milioi euro ordainduta. Apirilaren 26an Karlsruhen aurka Bundesligako bere lehen gola sartu zuen. 2008-2009 denboraldian, Alemaniako Kopa irabazi zuen Bayer Leverkusenen aurkako finalean, bere taldeak lortutako garaipenaren gola sortuz. 2010eko maiatzaren 1ean 100. partida jokatu zuen lehen mailan. 2009-2010 denboraldian, 33 asistentzia eman zituen guztira.^[8]

Real Madrid F.C.

2010eko abuztuaren 22an debutatu zuen Herculesen aurka Alacant Hiria Trofeoan.^[8] Hegoaldean hasi zen, eta gero erdi puntan kokatu.

Ligako bere lehen gola 2010eko urriaren 6an sartu zuen^[9] ,Coruñako Deportivoren aurka. UEFAko Txapeldunen Ligan, berriz, golegile bezala estreinatu zen AC Milanen aurka urte bereko urriaren 20an. Espainian egin zuen lehen denboraldiaren amaieran, hamar gol egin zituen lehiaketa guztietan eta 16 asistentzia Ligan^[9]. Bigarren geratu zen atal horretan, Lionel Messiren atzetik (17)^[10]. 2011ko abuztuaren 14an sartu zuen Real Madrilekin lehen gol ofiziala denboraldi hartan. Santiago Bernabeu futbol-zelaian jokatu zuen Espainiako Superkopako joaneko partida FC Bartzelonaren aurka. Özilek 1-0 koa sartu zuen Karim Benzemaren laguntzaz. Partidua 2-2 amaitu zen.

^[11]Apirilaren 17an, Txapeldunen Ligako finalerdietako joaneko partidan, Bayern Munchen aurka, ^[12]Özilek 100 partida ofizial bete zituen Madrilekin. Alemaniarrak, gainera, zurien gol bakarra sartu zuen partida hartan, Bavariako garaipenarekin amaitu zen 2-1. Itzulerako partidan Madril penaltien bidez kanporatuko zuten.

2012ko abuztuaren 29an irabazi zuen, Espainian irabazteko geratzen zitzaion garaikur bakarra: Espainiako Superkopa.

Hala ere, Madrilek titulu handirik irabazi ez zuenez irabazi (Liga, Kopa edo Txapeldunen Liga), eta Jose Mourinho entrenatzaile madrildarra kargutik kendu ondoren, talde merengea utziko zuen 3 denboraldiren ostean.

Arsenal F.C.

^[13]2013ko abuztuaren 31n Arsenalera joan zen 50 milioi euroren truke. Fitxaketa hori ordu arte Arsenalen historia guztiko garestiena izan zen.

Özilek debuta egin zuen Arsenalekin Sunderlanden etxean, 2013ko irailaren 14an. Olivier Giroudi goleko sakean lagundu zion, partidako 11. minutuan, 3-1 irabazi baitzuen. Hiru egun geroago debuta egin zuen Txapeldunen Ligan, Olympique Marseillaren aurka.

FIFAko Urrezko Baloia sarirako aurrehautatu zuten berriro, Cristiano Ronaldo taldekide ohiarekin. UEFAko Urteko Taldean ere aurkeztu zuten.

Turkia

^[13]2021eko urtarrilaren 24an iragarri zen ofizialki Fenerbahçe S. K. Klubean sartu zen agente libre gisa, Arsenalekin zuen kontratua sei hilabete lehenago amaitu ondoren. Hiru urte eta erdiko kontratua sinatu zuen Fenerbahçerekin.

Otsailaren 2an debutatu zuen ofizialki 77. minutuan. Özilek Turkiako Superligako zortzi partida galdu zituen martxoaren 4tik apirilaren 29ra, orkatilako lotailuak hautsi eta COVID-19az kutsatu ostean.

^[14]2022ko martxoaren 24an taldetik baztertu zuten Ozan Tufan kidearekin Uztailaren 11n jakinarazi zuen klubak bere kontratua eten zuela. Libre geratu eta hiru egunera, Istanbul Başakşehirera joan zen.

Selekzio nazionala

Beheragoko kategoriak

Özil alemaniar selekzioan.

2006ko irailean, lehen aldiz deitu zuten 19 urtez azpiko Alemaniako selekziorako, Austriaren aurka. Erdilariak txapelketako lehen bi partidetan sartu zuen gola, Errusia eta Frantziaren aurka. 18 urte eskasekin, Özil lehen aldiz deitu zuten, 21 urtez azpiko selekzioarekin. 2007ko irailaren 7an, Ipar Irlandaren aurka, golegile gisa ere estreinatu zen. ^[15] 2009ko otsailaren 11n egin zuen debuta Alemaniako selekzio nagusiarekin. Norbegiaren aurkako lagunarteko partida batean, Alemaniarekin jokatzeko hautua egin eta astebetera.

Debutatu ondoren, 21 urtez azpikora itzuli zen Suedian antolatutako 2009ko Eurokopa jokatzeko. Txapelketa horretan, Alemaniak titulua eskuratu zuen. Finalean 4-0 irabazi zioten Ingalaterrako selekzioari. Özilek bi asistentzia eman zituen eta gol bat sartu zuen. Horri esker partidako jokalaririk onena izendatu zuten.

Selekzio absolutua

2009ko otsailaren 11n egin zuen debuta Alemaniako selekzio nagusiarekin, Norbegiaren aurkako lagunarteko partida batean. Urte bereko irailaren 5ean sartu zuen lehen gola. 2010eko ekainaren 1ean, Joachim Löwk baieztatu zuen 2010eko Munduko Futbol Kopa jokatzeko Afrikako kontinentera joango ziren jokalarien behin betiko zerrenda. 2010eko Munduko Kopan eta 2012ko Eurokopan finalerdietara iritsi ondoren, Alemaniak laugarren munduko titulua lortu zuen 2014an, Brasilen egindako txapelketan. Özil funtsezko pieza izan zen Europako taldean, gol bat sartuz eta beste bitan bertaratuz.

2010eko Munduko Kopa

Özil titular izan zen Alemaniak jokatu zituen partida guztietan. Gainera, talde alemaniarrean nabarietako bat izan zen, eta horrek eragina izan zuen Espainiako Real Madrilek txapelketa amaitu ondoren fitxatu zuenean. Australiaren aurkako debutean Lukas Podolskiren 1-0eko jokaldia hasi zuen eta 4-0ekoan Cacauri lagundu zion. Egun batzuk geroago Ghanaren aurka garaipenaren gola sartu zuen eta FIFAk partidako jokalari aukeratu zuen. Final-zortzietan, Ingalaterraren aurka, asistentzia bat eman zion Thomas Müllerri (4-1).

2012ko Eurokopa

Özilek ez zuen parte-hartze nabarmenik izan lehen fase honetan, baina torneoaren azken txanpan garrantzia hartuko Luke, erasoko lanetan nahiko gogotsu aritu baitzen, funtsezko paseak emanez eta taldeko erasotzaile ezberdinak elikatuz, hala nola Mario Gómez, Miroslav Klose, Lukas Podolski eta Marco Reus.

Alemaniarren asmoak, gorabehera, selekzioa, finalerdietan kanporatua izango zen Italiaren aurka 2-1 amaitu zen partida batean, Mario Balotelliren bikoitzari esker.

2014ko Munduko Kopa

^[16]Ekainaren 2an Brasilera joan ziren 23 jokalarien artean berretsi zuten. Zazpi partidak Kopako talde txapeldunean jokatu zituen eta Alemaniak final-zortzirenetan Aljeriaren aurka lortutako garaipenaren gola sartu zuen.

2018ko Munduko Kopa 2018

2018ko ekainaren 4an, Joachim Löw hautatzaileak Munduko Txapelketarako 23ko zerrendan sartu zuen. Errusian jokatutako txapelketan, Alemania kanporatuta geratu zen lehen fasean.

Estatistikak

Taldeak

Taldeak	PJ	Tit.	⚽️	🥅	🏹	🔺	🔻	🟨	🟥
22/23 Istanbul	2	0	0	0	0	2	0	0	0
21/22 Fenerbahçe	24	16	9	4	2	8	12	0	0
20/21 Fenerbahçe	10	8	0	0	1	2	6	1	0
19/20 Arsenal	23	22	1	0	3	1	14	1	0
18/19 Arsenal	34	28	6	0	3	6	17	3	0
17/18 Arsenal	35	33	5	0	12	2	5	4	0
16/17 Arsenal	44	41	12	0	13	3	11	2	0
15/16 Arsenal	44	44	8	0	20	0	14	7	0
14/15 Arsenal	22	21	4	0	5	1	5	0	0
13/14 Arsenal	26	25	5	0	9	1	11	0	0
13/14 Real Madrid	2	0	0	0	0	0	2	0	0
12/13 Real Madrid	32	0	9	0	0	9	13	5	0
11/12 Real Madrid	35	0	4	0	0	5	21	5	1
10/11 Real Madrid	36	0	6	0	0	6	22	2	0
09/10 Werder Bremen	31	0	9	0	0	2	7	2	0
08/09 Werder Bremen	28	0	3	0	0	8	4	1	1
07/08 Werder Bremen	12	0	1	0	0	6	2	0	0
07/08 Schalke 04	11	0	0	0	0	5	5	0	0
06/07 Schalke 04	19	0	0	0	0	12	5	1	0
Totala	470	238	82	4	68	79	176	34	2

^[6]Özil ibilitako talde guztien estatistika guztiak

Selekzioa

Selekzioak	PJ	Tit.	⚽️	🥅	🏹	🔺	🔻	🟨	🟥
18/19 Alemania	8	7	1	0	3	1	1	0	0
Copa Mundial	2	2	0	0	0	0	0	0	0
Mundialerako kanporaketak	6	5	1	0	3	1	1	0	0
17/18 Alemania	2	0	0	0	0	0	0	0	0
Lagun artekoak	2	0	0	0	0	0	0	0	0
16/17 Alemania	7	6	2	0	1	1	0	2	0
Europako txapelketa	6	6	1	0	1	0	0	2	0
Lagun artekoak	1	0	1	0	0	1	0	0	0
15/16 Alemania	2	0	0	0	0	0	0	0	0
Lagun artekoak	2	0	0	0	0	0	0	0	0
12/13 Alemania	5	0	1	0	0	0	2	0	0
Europako txapelketa	5	0	1	0	0	0	2	0	0
Denera	24	13	4	0	4	2	3	2	0

^[6]Özil ibilitako txapelketei buruzko estatistika guztiak.

Palmaresa

La Liga Santander:

1

Munduko Kopa:

1

Superkopa:

1

Erregeko Kopa:

1

FA Cup:

4

DFP Pokal:

1

Community Shield:

4

Sub-21 Championship:

1

Emirates Cup:

2

International Cup:

1

Premier League Asia Trophy:

1

Bizitza pribatua

Özilek bere gurasoen erlijio musulmana mantentzen du. Harreman sentimentala izan zuen Anna-Maria Lagerblomekin, Pekka Lagerblom futbolari finlandiarraren emazte bananduarekin, Ludovic Magnin suitzarrarekin eta Sarah Connor pop abeslari alemaniarraren ahizparekin. Horrez gain, Ebru Polat abeslari turkiarrarekin harremana izan zuen 2010eko azaroan, Anna-Mariarekin eten ondoren. Gero Mandy Capristo abeslari alemaniarrarekin harremana izan zuen, 2013. urtearen hasieratik 2014. urtearen erdialdea arte. Urte horretatik aurrera, Amine Gülşe aktore eta Miss Turkiarekin ezkonduta dago.

Erreferentziak

↑ (Gaztelaniaz) «Mesut Özil - Perfil del jugador 22/23» www.transfermarkt.es (Noiz kontsultatua: 2022-10-23).
↑ «Biografía de Mesut Özil - Mesut Ozil (Su vida, historia, bio resumida)» www.buscabiografias.com (Noiz kontsultatua: 2022-10-24).
↑ (Gaztelaniaz) «Biografía de Mesut Özil» MESUT ÖZIL 10 2012-09-13 (Noiz kontsultatua: 2022-10-24).
↑ ^a ^b (Gaztelaniaz) «Mesut Özil - Perfil del jugador 22/23» www.transfermarkt.es (Noiz kontsultatua: 2022-10-24).
↑ (Gaztelaniaz) Producciones, Arleco. Mesut Özil: El Búho Alemán del Fútbol | Blogistar | Entretenimiento - Música, Cine, Deportes, Arte, y Más. (Noiz kontsultatua: 2022-10-24).
↑ ^a ^b ^c ^d (Gaztelaniaz) «Mesut Özil (İstanbul) - Ficha del jugador 2022/2023 | Fichajes.com» Fichajes.com : Información sobre los fichajes y actualidad del mundo del fútbol (Noiz kontsultatua: 2022-10-23).
↑ (Gaztelaniaz) «BIOGRAFíA DE MESUT OZIL - DATOS, INFANCIA, VIDA FAMILIAR Y LOGROS DEL FUTBOLISTA ALEMáN - DEPORTISTAS» es.celeb-true.com (Noiz kontsultatua: 2022-10-24).
↑ ^a ^b (Gaztelaniaz) «Mesut Özil» Futbolpedia (Noiz kontsultatua: 2022-11-21).
↑ ^a ^b «Biografía de Mesut Özil - Mesut Ozil (Su vida, historia, bio resumida)» www.buscabiografias.com (Noiz kontsultatua: 2022-11-21).
↑ «Tops of the LigaBBVA 2010/2011 of football | LigaBBVA.com» web.archive.org 2012-06-21 (Noiz kontsultatua: 2022-11-21).
↑ (Gaztelaniaz) «Mesut Özil» Futbolpedia (Noiz kontsultatua: 2022-10-24).
↑ «Real Madrid C.F. - Web Oficial - Özil marcó en Múnich en su partido 100 con el Real Madrid» web.archive.org 2013-01-03 (Noiz kontsultatua: 2022-10-24).
↑ ^a ^b (Gaztelaniaz) «Descubre más sobre Mesut Özil» Famous Birthdays (Noiz kontsultatua: 2022-10-24).
↑ (Gaztelaniaz) «Özil, apartado por el Fenerbahçe» MARCA 2022-03-24 (Noiz kontsultatua: 2022-10-24).
↑ «SwashVillage | Biografía de Mesut Özil» es.swashvillage.org (Noiz kontsultatua: 2022-10-24).
↑ «Mesut Ozil en los Mundiales de Fútbol» www.losmundialesdefutbol.com (Noiz kontsultatua: 2022-10-24).

Kanpoko estekak

Mesut Özil Arsenal FC: https://www.arsenal.com/historic/players/mesut-ozil
Mesut Özil Premier League: https://web.archive.org/web/20160519220451/http://www.premierleague.com/en-gb/players/profile.overview.html/mesut-ozil
Mesut Özi lDFB: https://www.dfb.de/index.php?id=1001344
Mesut Özil UEFA: https://www.uefa.com/teamsandplayers/players/player=103697/profile/index
Mesut Özil FIFA: https://www.fifa.com/es/worldcup/players/player/305036^{[Betiko hautsitako esteka]}
Mesut Özil Twitter: https://twitter.com/MesutOzil1088

[1] (Gaztelaniaz) «Mesut Özil - Perfil del jugador 22/23» www.transfermarkt.es (Noiz kontsultatua: 2022-10-23).

[2] «Biografía de Mesut Özil - Mesut Ozil (Su vida, historia, bio resumida)» www.buscabiografias.com (Noiz kontsultatua: 2022-10-24).

[3] (Gaztelaniaz) «Biografía de Mesut Özil» MESUT ÖZIL 10 2012-09-13 (Noiz kontsultatua: 2022-10-24).

[Izenik_gabekoa-1ž7lT-1-4] (Gaztelaniaz) «Mesut Özil - Perfil del jugador 22/23» www.transfermarkt.es (Noiz kontsultatua: 2022-10-24).

[5] (Gaztelaniaz) Producciones, Arleco. Mesut Özil: El Búho Alemán del Fútbol | Blogistar | Entretenimiento - Música, Cine, Deportes, Arte, y Más. (Noiz kontsultatua: 2022-10-24).

[Izenik_gabekoa-1ž7lT-2-6] (Gaztelaniaz) «Mesut Özil (İstanbul) - Ficha del jugador 2022/2023 | Fichajes.com» Fichajes.com : Información sobre los fichajes y actualidad del mundo del fútbol (Noiz kontsultatua: 2022-10-23).

[7] (Gaztelaniaz) «BIOGRAFíA DE MESUT OZIL - DATOS, INFANCIA, VIDA FAMILIAR Y LOGROS DEL FUTBOLISTA ALEMáN - DEPORTISTAS» es.celeb-true.com (Noiz kontsultatua: 2022-10-24).

[Izenik_gabekoa-1ž7lT-3-8] (Gaztelaniaz) «Mesut Özil» Futbolpedia (Noiz kontsultatua: 2022-11-21).

[Izenik_gabekoa-1ž7lT-4-9] «Biografía de Mesut Özil - Mesut Ozil (Su vida, historia, bio resumida)» www.buscabiografias.com (Noiz kontsultatua: 2022-11-21).

[10] «Tops of the LigaBBVA 2010/2011 of football | LigaBBVA.com» web.archive.org 2012-06-21 (Noiz kontsultatua: 2022-11-21).

[11] (Gaztelaniaz) «Mesut Özil» Futbolpedia (Noiz kontsultatua: 2022-10-24).

[12] «Real Madrid C.F. - Web Oficial - Özil marcó en Múnich en su partido 100 con el Real Madrid» web.archive.org 2013-01-03 (Noiz kontsultatua: 2022-10-24).

[Izenik_gabekoa-1ž7lT-5-13] (Gaztelaniaz) «Descubre más sobre Mesut Özil» Famous Birthdays (Noiz kontsultatua: 2022-10-24).

[14] (Gaztelaniaz) «Özil, apartado por el Fenerbahçe» MARCA 2022-03-24 (Noiz kontsultatua: 2022-10-24).

[15] «SwashVillage | Biografía de Mesut Özil» es.swashvillage.org (Noiz kontsultatua: 2022-10-24).

[16] «Mesut Ozil en los Mundiales de Fútbol» www.losmundialesdefutbol.com (Noiz kontsultatua: 2022-10-24).

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]

[15]

[16]