Troparjovo-Nikulino (distrikto de Moskvo)

Distrikto Troparjovo-Nikulino
ruse Тропарёво-Никулино
Flago	Blazono
distrikto de Moskvo [+]
Lando	Rusio
Regionoj	Centra federacia regiono, Moskvo
- koordinatoj	56° N, 37° O (mapo)55.6637.4656 [+]
Akvokolektejo	11,26 km² (1 126 ha) [+]
Areo	11,26 km² (1 126 ha) [+]
Loĝantaro	77 901 [+] (2002)
Denseco	6 918,38 loĝ./km² [+] [+]
Troparjovo-Nikulino (distrikto de Moskvo) (Tero)
Distrikto Troparjovo-Nikulino (Moskvo) DEC
Distrikto Troparjovo-Nikulino
Vikimedia Komunejo:  Troparyovo-Nikulino District [+]
En TTT: Oficiala retejo [+]

Troparjovo-Nikulino (ruse Тропарёво-Никулино) estas distrikto en la Okcidenta administra arondismento de Moskvo, Rusio.

De sude la distrikton limigas Moskva ĉirkaŭiganta aŭtovojo, oriente — Lenin-avenuo, okcidente — Miĉurin-avenuo. La norda limo estas eta rivero Samorodinka apud Lobaĉevskij-strato.

Najbaraj distriktoj: Prospekt Vernadskogo, Oĉakovo-Matvejevskoje, Solncevo (angula limo), Obruĉevskij, Tjoplij Stan. Krome, ĝi limas kun Nov-Moskva administra arondismento.

Nomo

La distrikto ricevis sian nomon de du vilaĝoj Troparjovo kaj Nikulino, kiuj situis tie kaj estis neniigitaj dum konstruado de novaj teritorioj de Moskvo en 1970-aj — 1980-aj jaroj.

Statistiko

• Areo: 11,27 kv.km.
• Loĝantaro (en 2010): 118156 loĝantoj.
• Loĝdenso (en 2010): proksimume 10,5 mil loĝ./kv.km.

Fizika geografio kaj naturo

La teritorio situas en alta parto de Moskvo (proksime al la plej supra parto de altaĵo Tjoplij Stan). En la distrikto situas parko Troparjovo, konsistanta el kelkaj partoj.

Akvujoj

En la distrikto estas basenoj de du gravaj etaj riveroj de Moskva Sud-Okcvidento: Oĉakovka (alfluanto de Ramenka) kaj Samorodinka (alfluanto de Oĉakovka, baseno de Ramenka). Samorodinka situas en norda parto (laŭ ĝi estas administra limo de distriktoj), Oĉakovka — en la suda parto. Ambaŭ la riveroj parte fluas subtere, parte — surtere; malgraŭ la riveroj estas mallarĝaj kaj malpuraj, tie ekzistas organizataj oportunaj lokoj por ripozo (etaj parkoj kaj verdaj zonoj).

Ekzistas kelkaj lagetoj.

Flaŭro kaj bestaro

Diversaj kreskaĵoj kaj bestoj estas en parko "Troparjovo".

Historio

Mapo de 1823. Maldekstre videblas vilaĝoj Troparjovo kaj Nikulino.

La distrikto estis konstruita sur loko de estintaj vilaĝoj Troparjovo kaj Nikulino. Ekde 1960 ili fariĝis parto de Moskvo. En 1961 okcidente de Troparjovo aperis Troparjova parko. En 1963 estis malfermita metrostacio "Jugo-Zapadnaja"; tiam la ĉirkaŭa teritorio ankoraŭ estis okupita de la kolĥozaj kampoj, proksime videblis preĝejo kaj dometoj de vilaĝo Troparjovo, de la metrostacio veturis nur aŭtobuso ĝis Vnukovo.

En 1966 tie komenciĝis konstruado de nova "eksperimenta distrikto" (plejparte estis konstruataj 9-, 16-, 17- kaj 27-etaĝaj domoj). Dum 1960-aj — 1970-aj jaroj sur ĉi tiu teritorio estis realigitaj diversaj novaj arkitekturaj ideoj. En 1968 la strato, kiu kunigis la metrostacion kun Lenin-avenuo, estis nomita je honoro de Bakua Komunumo. El centro de Moskvo tien ekveturis trolebusoj: en 1969 — laŭ strato de la 26 Bakuaj komunumanoj, en 1970 — laŭ Vernadskij-avenuo. En 1974 — 1979 ĉe Lenin-avenuo oni konstruis 35-etaĝan hotelon Centra domo de turistoj.

Kirko de Ĉefanĝelo Miĥaelo en Troparjovo kaj konstruaĵoj de la 2000-aj jaroj

Por loĝado de sportistoj dum Somera Olimpiko 1980 norde de Nikulino estis konstruita nova urboparto nomita Olimpika vilaĝo sub gvido de arkitekto Jevgenij Stamo, konsistanta el dek ok 16-etaĝaj domoj kaj aliaj specialaj objektoj.

En 1980-aj jaroj estis detruitaj lastaj vilaĝaj dometoj.

En 1991 estis fondita Okcidenta administra arondismento, en kies konsisto ekestis municipoj Troparjovo kaj Nikulino. En 1993 ili estis kunigitaj al municipo Troparjovo-Nikulino, en 1995 ekhavinta statuson de distrikto.

Dum 2000-aj jaroj okazis nova amasa loĝejkonstruado.

Stratoj kaj placoj

Troparjovo-Nikulino havas unu placon kaj proksimume dudek stratojn.

Placoj: Ozjornaja placo (ruse Озёрная пло́щадь).

Plej gravaj stratoj:

Nomo (en Esperanto)	Nomo (ruse)
Lenin-avenuo	Ленинский проспект
Vernadskij-avenuo	Проспект Вернадского
Miĉurin-avenuo / Ozjornaja	Мичуринский проспект / Озёрная улица

Aliaj stratoj kaj stratetoj: Anoĥin-strato (Улица Академика Анохина), Borovska ŝoseo (Боровское шоссе), Vostrjakova ŝoseo (Востряковское шоссе), strato de la 26 Bakuaj komunumanoj (Улица 26-ти Бакинских Комиссаров), Koŝtojanc-strato (Улица Коштоянца), strato Nikulinskaja (Никулинская улица), strato Miĉurinskij Prospekt, Olimpijskaja derevnja (Улица Мичуринский Проспект, Олимпийская Деревня), traveturejo de Olimpia Setlejo (Проезд Олимпийской Деревни), Pokriŝkin-strato (Улица Покрышкина), traveturejo Nikulinskij (Никулинский проезд), strato Ruzskaja (Рузская улица), strato Troparjovskaja (Тропарёвская улица).

Transporto

Metrostacio "Jugo-Zapadnaja"

Surstrata transporto

Sutstrata transporto: busoj, trolebusoj, marŝrutkoj. Apudurbaj kaj interurbaj aŭtobusaj itineroj de aŭtostacio ĉe la metrostacio "Jugo-Zapadnaja" ĝis Moskva kaj kelkaj aliaj regionoj (horaro).

Metroo

Metrostacioj en la distrikto:

• 010 "Jugo-Zapadnaja" ("Sud-Okcidenta")

Estas konstruataj ankaŭ aliaj metrostacioj.

Arkitekturaj vidindaĵoj

Olimpika vilaĝo en 1980

• Kirko de Ĉefanĝelo Miĥaelo en Troparjovo (1693 — 1694) — kirko, restinta de vilaĝo Troparjovo
• Konstruaĵoj de sciencaj institutoj kaj universitatoj

Arkitekturo de sovetia periodo:

• Olimpika vilaĝo (1978 — 1979)
• Jugo-Zapadnaja (stacio de Moskva metroo) (1963, arkitekto Ja. Tararĵinskaja)

Eduko, scienco kaj kulturo

Sciencaj institutoj kaj altlernejoj en Troparjovo-Nikulino:

Nomo	Adreso	Retejo
Moskva Ŝtata Pedagogia Universitato, ĉefa konstruaĵo por homsciencaj fakultatoj	Vernadskij-avenuo, 88	http://www.mpgu.edu/
Moskva Ŝtata akademio de maldika kemia teknologio je nomo de Lomonosov	Vernadskij-avenuo, 86	http://www.mitht.ru/
Moskva ŝtata teknika universitato de radiotekniko, elektroniko kaj aŭtomatiko	Vernadskij-avenuo, 78	http://www.mirea.ru/ Arkivigite je 2021-02-26 per la retarkivo Wayback Machine
Rusia akademio de popola ekonomio kaj ŝtata servo ĉe Prezidanto de Rusio	Vernadskij-avenuo, 82	http://www.rane.ru/ Arkivigite je 2013-03-02 per la retarkivo Wayback Machine
Instituto de mekanikaj problemoj de Rusia akademio de sciencoj	Vernadskij-avenuo, 101, k. 1
Militakademio de la Ĉefa stabejo de Rusiaj Militfortoj	Vernadskij-avenuo, 100	http://www.mil.ru/
Moskva altlernejo de sociaj kaj ekonomiaj sciencoj	Vernadskij-avenuo, 82, k. 2

Parko Nikulino	Montetoj apud Vernadskij-avenuo	Parko Troparjovo kaj rivero Samorodinka

Militakademio	Moskva Ŝtata Pedagogia Universitato

En la distrikto funkcias germana lernejo.

Teatroj:

• "Sud-okcidente" (ruse Театр на Юго-Западе)
• Muzikteatro de nacia arto sub gvido de V.Nazarov (en Olimpika vilaĝo)

Muzeoj:

• Muzeo de defendado de Moskvo

Sanprotekto

Oficiala informo Arkivigite je 2014-07-14 per la retarkivo Wayback Machine (ruse)

Sporto

En Olimpika vilaĝo situas kelkaj olimpikaj objektoj, konstruitaj por Somera Olimpiko 1980, okazinta en Moskvo.

Amaskomunikiloj

En la distrikto estas eldonata loka gazeto "Na zapade Moskvi. Troparjovo-Nikulino" ("Okcidente de Moskvo. Troparjovo-Nikulino"; reta arkivo de eldonaĵoj Arkivigite je 2014-07-14 per la retarkivo Wayback Machine).

Estraro kaj politiko

Ambasadejoj:

• ambasadejo de Centr-Afrika Respubliko (Strato de 26 Bakuaj komunumanoj, 9)
• ambasadejo de Demokratia Respubliko Kongo (Lenin-avenuo, 148)

Akcidentoj

• Eksplodo de gasodukto en Moskvo (2009)

Vidu ankaŭ

• Listo de distriktoj de Moskvo

Eksteraj ligiloj

• Oficiala retejo de la distrikto Arkivigite je 2014-07-14 per la retarkivo Wayback Machine (ruse)
• Oficiala retejo de municipo (ruse)