Sanktahelena zapornio
 | ||||||||||||||
|---|---|---|---|---|---|---|---|---|---|---|---|---|---|---|
| Biologia klasado | ||||||||||||||
| ||||||||||||||
| Zapornia nigra Olson, 1973 | ||||||||||||||
| Konserva statuso | ||||||||||||||
 | ||||||||||||||
Aliaj Vikimediaj projektoj
| ||||||||||||||
La Sanktahelena zapornio (laŭ la latinlingva scienca nomo Zapornia astrictocarpus) estis malgranda akvobirdo de la familio de Raledoj kaj ordo de Gruoformaj. Ĝi estis endemio de la insulo Sankta Heleno en Suda Atlantika Oceano, unu el du neflugaj birdoj de Rallidae, kiuj survivis tie ĝis komenco de la 16-a jarcento.[1]
Post la usona ornitologo Alexander Wetmore priskribis ostojn de la granda Sanktahelena ralo (Aphanocrex podarces) el la Golfeto Prosperous, Sankta Heleno, en 1963, la usona paleontologo Storrs Olson trovis preskaŭ kompletajn skeletojn de la Sanktahelena zapornio en la sama regiono en 1973. Tiuj skeletoj konsistas el ostoj kiuj estis pli malgrandaj ol tiuj de la Aphanocrex podarces. Pro la aparta formo de la karpometakarpo Olson nomis tiun specion Porzana astrictocarpus.[1]
Olson supozis, ke la Sanktahelena zapornio estis posteulo de la Pigmea zapornio (Zapornia pusilla), kiu estas disvastigita en Eŭropo kaj Afriko. Ĉar ne estis predantoj en Sankta Heleno, ĝi perdis sian flugkapablon. Kiam Sankta Heleno estis koloniigita ĉirkaŭ 1502, la setlantoj alportis plurajn mamulojn al la insulo, kio rezultis en konkurenco kaj finfine formorto de la Sanktahelena zapornio.[1]
Referencoj
[redakti | redakti fonton]Bibliografio
[redakti | redakti fonton]- Fuller, Errol (2000): Extinct Birds (2a eld.). Oxford University Press, Oxford, New York. (ISBN 0-19-850837-9)
- Greenway, James (1967): Extinct and Vanishing Birds of the World, Dover Publications Inc. New York, (ISBN 0-486-21869-4)
- Flannery, Tim & Schouten, Peter (2001). A Gap in Nature: Discovering the World's Extinct Animals, Atlantic Monthly Press, New York. (ISBN 0-87113-797-6).
- David Day (1981). The Doomsday Book of Animals, Ebury Press, London, (ISBN 0-670-27987-0)
| ||||||||||||||||||